Уште една недела кампања, кандидатите активни на терен

Тече последната седмица од предизборната кампања. 

Политичарите во трка по гласови преку ветувања за подобро утре - опозицискиот караван “Обнова на Македонија” на чело со ВМРО ДПМНЕ вечерва на средби со граѓани во струмичкиот регион, а коалицијата “Можеме” предводена од СДСМ на трибина во Штип и Ѓорче Петров. Плановите за наредните четири години денеска ги промовираа во неколку градови.

-Постојано слушам за нерешени проблеми, постојано слушам за проблеми во инфраструктурата, проблеми со лични прашања засегнати за секој еден граѓанин во општината или некој локален функционер не сака да им помогне и да им ги реши. Постојано слушам како земјоделците се незадоволни, зошто, затоа што некои граѓани ја дале довербата на ВМРО-ДПМНЕ, а централната и локалната власт се на СДСМ. - Владо Мисајловски – потпретседател на ВМРО ДПМНЕ и носител на листа во ИЕ 2.

Попладнево пак, носителите на третата изборна единица од ВМРО ДПМНЕ и СДСМ ги вкрстија аргументите за тоа кој повеќе сработил за граѓаните додека е на власт.

-Ако сакаш иднина овде, ако ја гледаш тука желбата да се развиваш и живееш, изборот е лесен. За жал, европскиот прогрес и економскиот развој не е можен со назадна понуда како празната националистичка пропаганда од ВМРО-ДПМНЕ. Истата партија која иако се удира во гради дека е патриотска, гласаше ПРОТИВ се што е добро за вас граѓаните.- Љупчо Николовски – генерален секретар на СДСМ и носител на листа во ИЕ 3.

-Она што го слушнавме од оризопроизводителите е огромната запоставеност и негрижа која што ја добиваат од оваа власт. Тоталното игнорирање на земјоделците, негрижата и не залагање да им се помогне е одлика на СДСМ и Николовски. Но што друго може да очекуваат од таков човек. Човек што само после година дена избега од министерството, и се сокри позади партиската функција. - Љупчо Николовски – генерален секретар на СДСМ и носител на листа во ИЕ 3.

На неколку денови пред одржување на изборите, поддршка од високи европски претставници доби коалицијата на СДСМ. Шпанскиот премиер Педро Санчез во видео порака упати пофалби до претседателот на партијата Заев, а германскиот министер за Европа Михаил Рот со повик до граѓаните да гласаат за носителот на единица, Никола Димитров.

Путин: Ловците Ф-16 ќе бидат легитимна цел за Русија, како и аеродромите од кои полетуваат

Доколку американските ловци Ф-16 учествуваат во конфликтот во Украина, полетувајќи од аеродромите во трети земји, тие аеродроми ќе станат легитимна цел на руската армија, предупреди рускиот претседател Владимир Путин.

За време на посетата на Тверската област, Путин потсети дека борбените авиони Ф-16 можат да носат нуклеарно оружје и нагласи дека Москва „ќе мора да го земе тоа предвид“.

Тој порача дека ловците Ф-16 доколку бидат вклучени во конфликтот, руската војска ќе ги уништи тие авиони „исто како што ги уништува нивните тенкови, оклопни возила и друга опрема, вклучително и повеќе ракетни системи“.

Путин оцени дека ловците Ф-16, доколку западните земји ги испорачаат на Украина, нема да можат да ја променат ситуацијата на бојното поле.

Медведев – Синер е првата полуфинална двојка на Мастерсот во Мајами

Русинот Андреј Медведев и Италијанецот Јаник Синер ја сочинуваат првата полуфинална двојка на тенискиот Мастерс во Мајами, САД.

Ова е епилогот по првите два четвртфинални меча на кои Медведев го совлада чешкиот тенисер Николас Јари со 2:0, додека Синер беше поуспешен од Томас Махач (Чешка) исто така со 2:0.

Другите двајца полуфиналисти ќе бидат познати по денешните мечеви:

Александар Зверев (Германија) – Фабијан Марожан (Унгарија)

Карлос Алкараз (Шпанија) – Григор Димитров (Бугарија).

Франција ќе тужи ученичка поради лажно обвинение дека била удрена од директорот поради хиџаб

 Францускиот премиер Габриел Атал денеска најави дека државата ќе тужи ученичка поради лажното обвинение дека директорот на училиштето ја удрил за време на расправија откако таа одбила да го тргне хиџабот.

Според францускиот закон, не е дозволено носење хиџаб и никаб во јавните установи, што директорот им го посочил на трите ученички, од кои две потоа ги тргнале шамиите.

Третата не ја тргнала шамијата и имало расправија, но полицијата не нашла докази дека директорот физички ја нападнал ученичката, а Атал сега тврди дека ќе биде изведена на суд.

„Државата секогаш ќе стои покрај овие службеници, оние кои се на линијата на фронтот соочени со овие прекршувања на секуларизмот, овие обиди на исламистите да влезат во нашите образовни институции“, рече тој.

Во деновите што следеле, директорот бил цел на смртни закани на социјалните мрежи, што училиштето го пријавило до Министерството за внатрешни работи, пренесува Би-би-си.

Обвинителите соопштија дека две лица се приведени во врска со смртните закани, а нивниот идентитет не е објавен, но Министерството за образование соопшти дека тие не се поврзани со училиштето.

Поради смртни закани и загрозена безбедност, директорот поднесе оставка по 45-годишна кариера во образованието.

притисни ентер