Свет

Украинската вицепремиерка очекува брзо разгледување на нивната апликација за НАТО

Украинската вицепремиерка Олга Стефанишина рече дека се надева оти апликацијата на Украина за влез во НАТО ќе се разгледа брзо и дека има поучни лекции по намерата за влез на Финска и Шведска во НАТО.

„Гледаме дека со сегашната позиција на Шведска и Финска кои одлучија да аплицираат за членство во НАТО , одговорот од сојузниците е оваа апликација да биде разгледана и исполнета веднаш“, рече таа. „Тоа покажува еден многу очигледен аргумент дека НАТО научил од политичките грешки што биле направени уште во 2008 година, давајќи ветувања без исполнување на одлуките за членство, што во основа доведе до три војни, од кои две се случуваат на украинска територија“.

„Се надеваме дека кога станува збор за разгледување на украинската апликација, тоа исто така ќе се случи многу побрзо“, додаде таа.

Претходно, генералниот секретар на НАТО, Јенс Столтенберг рече дека се надева оти процесот на приклучување на Шведска и Финска во НАТО ќе биде „побрз отколку што сме виделе досега“.

„Мојата намера е да имам итен и брз процес“, рече тој, додавајќи дека иако процесот на ратификација ќе потрае - како што е стандардно кога поминуваме низ 30 парламенти - „ова е историска шанса што треба да ја искористиме“.

Македонија

ВМРО-ДПМНЕ - Македонски Концепт: Договорен е заеднички настап на следните Локални избори 2025 година

Средба Петар Богојески - Христијан Мицкоски.

Согласно Одлуката на Претседателството на политичката партија Македонски Концепт од 23.06.2025 година, денес остварена е официјална средба помеѓу претседателот д-р Петар Богојески и претседателот на ВМРО-ДПМНЕ, д-р Христијан Мицкоски, на која беше констатирано следното:

Прво, потврдена е добрата соработката во рамки на Коалицијата “Твоја Македонија”.

Второ, дадена е позитивна оценка за досегашното функционирање на Владата на Коалицијата со назнака за дополнителен фокус во одредени подрачја од политичките приоритети.

Трето, договорен е заеднички настап на следните Локални избори 2025 година, при што споделено е убедување во голема победа.

Четврто, договорена е прераспределба на позиции и институции кои ќе ги раководи Македонски Концепт во рамки на извршната власт, со што потврдено е дека претседателот на Македонски Концепт д-р Петар Богојески ќе раководи со друга институција.

Македонски Концепт ги достави своите сугестии за програмските приоритети на Владата за наредната година, за што јавноста ќе биде навремено информирана.

Со почит,

ЦКА на Македонски Концепт

Тагови: ВМРО-ДПМНЕ

Македонија

Една девојка потешко и друга полесно поведена откако возило излетало од патот Кавадарци - Неготино

Една девојка била потешко и друга полесно поведена, откако возило излетало од патот Кавадарци - Неготино, информираа денеска од Секторот за внатрешни работи Велес.

Како што стои во соопштението на СВР Велес, патничко возило „Фиат“ со кавадаречки регистарски ознаки, вчера излетало од коловозот на патот Кавадарци-Неготино, кај место викано „Антената“.

- Вчера во 11.45 часот во ОВР Неготино било пријавено дека на патот Кавадарци-Неготино, кај место викано „Антената“, патничко возило „фиат“ со кавадаречки регистарски ознаки, управувано од М.Н.(18) од с.Сирково, општина Росоман, излетало од коловозот. Во несреќата со тешки телесни повреди се здобила 17-годишна сопатничка, додека со телесни повреди Д.А.(19) двете од с.Сирково, констатирани во Итната медицинска помош Неготино. Извршен бил увид од увидна екипа на ОВР Неготино, соопштија од СВР Велес.

Тагови: сообраќајка

Македонија

Сто пораки во центарот на Скопје за 100 дена од трагедијата во Кочани

Денеска, на 24 јуни, кога се навршија точно 100 дена од трагедијата во Кочани, низ центарот на Скопје граѓанската иницијатива „Кој е следен?“ низ центарот на Скопје постави 100 пораки од граѓаните за системот.

– „По една за секој ден во кој институциите молчат, не преземаат одговорност и не обезбедуваат помош“.

-Осамна 100-тиот ден по трагедијата во Кочани. Молчевме, жалевме, марширавме, говоревме. Ветивме дека нема да заборавиме. За разлика од системот кој направи сè за да нè дефокусира и дискредитира, напишаа на Фејсбук од граѓанската иницијатива „Кој е следен?“.

Утрово пораките беа оставени низ различни локации во центарот на Скопје и пред клучните институции.

Тагови: Пожарот во Кочани