Свет

Украинците тврдат: Спречивме руски атентат на нашиот министер за одбрана (ВИДЕО)

Двајца мажи кои работеле за руските разузнавачки агенции се уапсени за планирање на атентат врз украинскиот министер за одбрана и шефот на украинската воена разузнавачка служба.

Ова го соопшти денеска украинската безбедносна служба СБУ, која објави и видео за кое тврди дека го прикажува апсењето на руските атентатори.

СБУ објави дека открила план на руската воена разузнавачка агенција ГРУ, чии саботери планирале да го убијат украинскиот министер за одбрана Олексеј Резников, шефот на украинската воена разузнавачка агенција Кирил Буданов и познат украински активист.

Руските разузнавачи им ветиле на атентаторите од 100 до 150 илјади американски долари за секој од трите атентати, соопшти СБУ.

Македонија

Без инциденти и нерегуларности се одвива изборниот процес во Тетово, излезноста до 13 часот 21

Излезноста до 13 часот 21 %.

Најстариот гласач е 111-годишен жител на Тетово, каде изборниот процес се одвива мирно и без нарушувања.

Сандра Спасовска е во Тетово, целосниот извештај погледнете го во видеото.

Македонија

Во Охрид приведено лице кое го фотографирало гласачкото ливче

Полицијата во Охрид денеска во 12:15 часот го привела лицето А.И.(48) од Охрид, затоа што го фотографирал гласачкото ливче на Избирачкото место 1271 во Охрид.

Како што соопштија од СВР Охрид, по целосно документирање на настанот, против него ќе биде поднесена соодветна пријава.

Свет

Полскиот парламент го реформира Уставниот трибунал

Полските пратеници почнаа дебата за реформирање на Уставниот трибунал, откако претходната влада ги смени функциите на институцијата.

Критичарите на минатите реформи тврдат дека тие ја поткопале независноста на судството. Новите реформи се услов кој го постави ЕУ да добие милијарди евра од европските фондови.

Брисел одлучи да ги ослободи блокираните средства, иако владата на проевропскиот премиер Доналд Туск не ги заврши потребните реформи.

Уставниот трибунал беше клучна тема по прашањето за судската власт за претходната Влада на партијата „Право и правда“. Функцијата на овој суд е да одлучува за законитоста на донесените закони. /МИА

притисни ентер