Македонија

Tуфегџиќ за извештајот на С. Департментот: Сериозни обвинувања за спрега меѓу судии и адвокати

Меѓународниот фактор нема да има бесконечно трпение за загрижувачките состојби во правосудството и постојано да потенцира за постоењето на корупција, смета поранешниот кривичен судија, адвокатот Владимир Туфегџиќ. 

Тој вели дека најновиот Извештај на американскиот Стејт департмент, во кој се забележува отсуство на судска независност и драстично намалена доверба треба сериозно да се сфати и да се работи на подобрување на состојбите.

„ Ние секои четири години имаме акциски план за реформи во правосудството но тој план секогаш го потенцираат нашите политичари кога треба да добијат политички поени и да на некој начин само декларативно се прикаже на меѓународната заедница дека ние преземаме нешто конкретно во правосудството. Но, очигледно овој последен Извештај на Стејт департментот сето тоа го демантира и верувам и убеден сум дека тие располагаат со сознанија кои се исклучително кредибилни за да направат ваков извештај и да изнесат ваков тип на конкретни констатации. “-Владимир Туфегџиќ – Адвокат.

Во документот, според податоците од Судскиот совет, е нотирано дека корупцијата се должи на тоа што судиите намерно ги одложувале судењата за да овозможат застареност , особено во случаи од висок профил во кои се вклучени богати и влијателни бизнисмени или политичари, а освен ова се наведува и тоа дека има судии кои соработуваат со адвокати за поткуп или тргување со влијание. Ваквите спреги, Туфегџиќ вели прават огромна штета и треба веднаш да се расчистат.

„ Огромниот број на судии и јавни обвинители кои чесно си ја работат својата работа, треба да си ја преземат и одговорноста да расчистат со една мала група на луѓе која очигледно и во овој извештај е детектирана за да се намалат штетните последици бидејќи очигледно е дека дејствијата на една мала група на несовесни и судии и јавни обвинители прави една голема штета на правосудниот систем.“ Владимир Туфегџиќ – Адвокат.

Во Извештајот се нотираат одлуките на скопска Апелација во кои беа укинати затворските казни за „Таргет-Тврдина“ и „Трезор“ во кои е обвинет поранешниот шеф на УБК Сашо Мијалков. Во документот се наведуваат и спогодбите со обвинителството за случајот „Империја“ на Мијалков и бизнисменот Орце Камчев по кои тие беа преместени да ги издржуваат казните во отворениот затвор во Струга.

Шоу биз

Ќерката на Мадона, Лурд, тврди дека е проколната во љубовта

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Таа исто така многу рано влезе во светот на музиката, а кариерата ја гради под уметничкото име Лолахол, иако е многу поуспешна во светот на манекенството.

Зад себе веќе има неколку неуспешни љубовни врски кои го привлекоа вниманието на јавноста, а Лурд вели дека за неа љубовта е проклетство.

Ќерката на Мадона, Лурд Леон, иако има само 26 години, е во центарот на вниманието на светската јавност како наследничка на кралицата на попот.

Со години се шпекулира дали и се допаѓаат мажи или жени, а сега таа одлучи да стави крај на таа приказна.

- Би рекла дека мојот најголем грев е што сакам момчиња. Тоа е такво проклетство. Јас сум болно стрејт, тоа е ужасно. Посакувам да не беше така, но за жал, ова се картите што ги добив – изјави таа во интервју за „The Face“.

Свет

Летонија има нов претседател, тој е деклариран геј

Министерот за надворешни работи на Латвија, Едгарс Ринкевичс, беше избран во парламентот за нов претседател на земјата.

Шефот на латвиската дипломатија од 2011 година, 49-годишниот деклариран хомосексуалец ќе го замени Егилс Левитс, кој одлучи да не се кандидира за втор мандат.

„Ќе направам се за да ја направиме нашата земја просперитетна и безбедна“, рече Ринкевичс по гласањето во парламентот. Ринкевичс јавно се изјасни како геј во 2014 година. Тој беше првиот политичар во Латвија што го стори тоа. Летонскиот претседател има главно церемонијална улога.

Летонија е членка на ЕУ и НАТО и силно ја поддржува Украина во војната против руската агресија и нејзиниот пристап во ЕУ и НАТО. Украинскиот претседател Володимир Зеленски му честиташе на Ринкевичс за неговиот избор, велејќи дека тој е „вистински пријател на Украина“.

Летонија ќе биде во добри раце во следните четири години“, рече Левитс по изборот на неговиот наследник. Пред да стане министер за надворешни работи, Ринкевичс работеше како надворешнополитички аналитичар за јавното радио Латвијас Радио, а потоа работеше во Министерството за одбрана и Кабинетот на претседателот, пренесе Индекс.хр.

Технологија

Огромен интерес за најскапиот телефон од „Google“

„Google Pixel Fold“ сега е подготвен за претпродажба, но изгледа дека топ моделот со 512 GB простор официјално го нема на залиха во САД.

Моделот со 512 GB е достапен само во обсидијан црна боја и покрај цената од 1.919 долари (1.899 евра), се чини дека е моделот што предизвикува најголем интерес кај купувачите.

Официјалната продавница на „Google“ сè уште го има на залиха „Pixel Fold“ од 256 GB во обсидијан и порцелан.

„512 GB Pixel Fold“ сè уште е достапен за нарачка однапред во ОК, Германија и Јапонија. Телефонот ќе биде пуштен во продажба на 27 јуни.

За потсетување, првиот телефон на „Google“ на преклопување – „Pixel Fold“ - се напојува со чипот „Tensor G2“, истиот процесор кој ја напојува серијата „Pixel 7“ и има импресивен систем со три камери на задната страна.

притисни ентер