Македонија

Трипуновски: Се обврзуваме на трансформација и враќање на достоинството на земјоделците

 Наследивме целосно девастирано Министерство, во долгови, неисплатени плати, заостанати субвенции, целосно закочени проекти и сериозни сомнежи за криминал на претходното раководство.

Наследивме хаос и тотално безредие, но изговори не смее да има. Наша обврска е да ги подобриме работите. Ова е Влада на земјоделците, ќе докажеме дека тие се нашиот партнер и заедно ќе ги креираме агро политиките, рече денеска ресорниот министер Цветан Трипуновски на прес-конференција по повод сработеното во изминатите 100 дена.

Според него, сто дена е мал период за Владата да покаже дека е насочена кон решавање на проблемите на земјоделците.

-Се обврзуваме на трансформација и враќање на достоинството на македонските земјоделци. Мој фокус се нивните барања, нивниот подобар и покавлитетен живот. Остануваме 100 отсто посветени, одговорно и домаќински да работиме во интерес на земјоделците, подвлече Трипуновски.

Осврнувајќи се на досега реализираните одлуки и решенија, потсети дека на првите владини седници беше донесена Одлука за исплата на преку 600 милиони денари заостанати субвенции. Продолжува, рече министерот, редовното сервисирање на подршката, а конечно, по седум години, откупната цена ја договараат земјоделците и откупните центри.

-Лошите политики на претходниот министер земјава ја направија увозно зависна од храна. Земјоделците беа демотивирани од откупните цени и од негрижата на минатат власт, земјоделските производи завршуваа на буниште, истакна Трипуновски.

Подвлече и дека со ребалансот на Буџетот се обезбедија 350 милиони денари за вработените во „Македонски шуми“ и АД „Водостопанство“ кои беа оставени без четири плати, дека се склучија два договора за порибување на Охридското Езеро, дека се поделија договори за одгледување и заштита на ловиштата, договори за поддршка на локални настани и саеми, како и договори за закуп на државно земјдоелско земјиште.

Трипуновски најави и дека ќе проодлжи контролата на шумската полиција.

-Ја враќаме довербата на земјоделците во институциите, институциите да работат согласно законските овластувања, да имаат земјоделците на кого да се потпрат во делот на решавање на проблемите, меѓутоа исто толку важно е и во делот на креирањето на идните мерки. Нашата цел во наредниот период до завршување на календарската година е заедно со земјоделците од сите сектори да ги креираме програмите, мерките и условите за работа што ќе значи сериозен старт на 2025 година. Ситуации како во производството, на неисплатени субвенции, лоша земјишна политика, многу проблеми во делот на водостопанството треба да бидат минато и ќе бидат минато. Ние сериозно, од почетокот на идната година, ќе превенираме вакви ситуации за Македонија повторно да биде она што некогаш беше, земјоделска држава со квалитетно и квантитетно земјоделско производство, потенцира Трипуновски.

Македонија

Општина Тетово најавува награди за граѓани ако снимат носење бездомни кучиња од други градови

Општина Тетово тврди дека се носат бездомни кучиња од други места и ги повика граѓаните да снимат таква прилика за што најавува награди.

Од јули во градот почна да функционира и ново прифатилиште, а според Општина Тетово уловени се и третирани 100 кучиња скитници.

-И покрај нашите напори, сè уште има случаи на носење кучиња скитници од други градови и региони во Тетово. Поради тоа, општина Тетово најавува дека ќе ги награди оние лица кои ќе донесат докази (фотографии или видеа) за поединци кои пуштаат кучиња скитници во нашиот град. Лицата кои ќе бидат фатени дека го вршат ова дело ќе бидат казнети согласно законот.Исто така, ги покануваме сите оние кои имаат можност и желба да посвојат некое од кучињата што ги третиравме. Тие можат да контактираат со нашите претставници за да ја спроведат оваа хумана акција, придонесувајќи за обезбедување на нов и грижлив дом за овие кучиња“, се вели во соопштението на Општина Тетово.

До 1 октомври биле заловени и третирани вкупно 95 кучиња, од кои 10 биле посвоени од граѓани кои биле расположени да се згрижат за нив.Во пет случаи била дијагностицирана лајшманиоза, за што соодветните кучиња биле евтанизирани.

- Во меѓувреме, 60 кучиња се вратија во своето живеалиште по потребниот третмани, а во моментов имаме 20 кучиња кои се згрижени во нашите центри. Сакаме да нагласиме дека сите бездомни кучиња се третираат со високи стандарди и во согласност со хуманите принципи. Процесот вклучува внимателно заловување на кучињата, безбеден транспорт до ветеринарна станица, прием и преглед од овластени ветеринари, тестови за социјализација, лабораториски тестови за болести, регистрација и идентификација (поставување чипови и ушни маркички), стерилизација, стерилизација, бордање, постоперативна нега и неопходна вакцинација“, се вели во информацијата на Општина Тетово.

Македонија

Мицкоски: Kолку повеќе пријатели имаме поголеми од нас, толку е подобро за нас

Премиерот Христијан Мицкоски, гостин во Само Интервју

Сметката на владата кога беше нашиот прв работен ден изнесуваше минус дванаесет милијарди денари.

Над 300 проекти се во фаза на одобрување, до крај на месецот очекувам да се потпишат дооговорите и најдоцна средина на ноември да отпочне реалицацијата.

Граѓаните бараат да се асфалтираат улици, училишта и градинки, а сето ова што го правиме има цел да направиме нешто добро за нашата заедница.

Никогаш не велевме зошто во 2020 година се злоупотребуваа стотици милиони денари од буџетот среде ковид кризата, кога им се помгаше на граѓаните.

Во прво време владата ќе објави јавен повик за автобуси за сите градови, ние сме влада на сите граѓани. Мора да имате планиран менаџмент и ликвидност на средствата.

Парите од унгарскиот кредит не се кинески, каматата е поефтина. Не, не проблем кредитот да биде и од Франција, само да бидат условите добри не е важно од каде, утре ќе го потпишам.

Орбан е премиер на држава членка на ЕУ и НАТО, пријателите треба како држава да ги прифатиме, колку повеќе пријатели имаме поголеми од нас, толку е подобро за нас.

Регион

Беци: Трговијата со дрога во Албанија ја принуди ДЕА да отвори канцеларија

Поранешниот обвинител за тешки кривични дела, Еуген Беци, го коментираше отворањето на канцеларијата на американската ДЕА во Тирана, велејќи дека на тоа била „принудена откако Албанија станала проблем со трговија со дрога“.

Во емисијата „Отворено“ на News24 тој рече дека ДЕА интервенира само кога станува збор за трговијата со кокаин и перење пари, додавајќи дека „албанските криминални организации ја потопија Европа со дрога“.

- Трговијата со дрога во Албанија ја принуди ДЕА да отвори канцеларија. Албанија стана проблем и за ДЕА. Ова може да се нарече и неуспех на албанската држава во борбата против кокаинот. ДЕА интервенира само кога станува збор за трговија со кокаин и перење пари, посочи тој.

Според него ако претходно ДЕА имала канцеларија во Атина, сега ќе има и во Тирана, бидејќи „Албанија станала центар за ангажирање „војници“ за криминалните организации, а има и центар за расчистување на кривичните дела.

Деновиве шефот на Специјалното обвинителство за борба против корупција и организиран криминал на Албанија, СПАК, Алтин Думани објави дека ДЕА ќе отвори свое претставништво во Тирана.

За време на Меѓународната конференција за борба против дрогата што од 24 до 26 септември се одржуваше во Атина, тој се сретна со шефицата на Агенцијата за борба против дрога, Ен Милграм.

Двајцата, како што изјави, ја потврдиле соработката меѓу двете структури и се „заложиле за нејзино зајакнување, што ќе кулминира со отворање претставништво на американска агенција за борба против дрога во Тирана“.

притисни ентер