Тој порача дека никој нема да остане не попишан, дури и оние кои што не биле затекнати за време на посетите од попишувачите.
Отчукува часовникот за попишување, оние кои што под некоја околност не биле попишани на домашна адреса, тоа можат да го сторат во општинските канцеларии, од 8 до 20 часот.
Симовски информираше дека оваа опција веќе се користи од страна на граѓаните.
-Некои луѓе не беа дома кога попишувачот доаѓал за попишување, за овие случаи отворивме пунктови во сите пописни реони, во седиштата на комисиите каде што тие под било кој основ биле испуштени, а попишувачот поминал на тој терен да си го исполнат своето право да бидат вклучени во пописот и обврска секако, вели Апостол Симовски – Директор на ДЗС.
На адресата на статистичката операција и понатаму пристигаат обвинувања за неправилности од страна на Левица... Од партијата тврдат дека цели згради во општина Аеродром одбиваат да се попишат, но директорот на Сатистика, демантира..
-Цели сектори на згради не се попишуваат, општо скопските општини, според нашите информации, негде половично се попишани, сега не знаеме точно, затоа меѓудругото ги отвораат и тие смешни канцеларии за самопопишување иако треба попишувачите да одат по домаќинствата, вели Борислав Крмов – Левица.
-Досега излегуваа со најразлични дезинформации и накрај остануваа со празни раце бидејќи граѓаните ги демантираат на дневна основа, вели Апостол Симовски – ДЗС.
Според сајтот на ДЗС, досега се попишани околу 1,6 милиони граѓани, додека пак низ нивниот систем поминале околу 500.000 домаќинства и над 700.000 станови. Во дијаспора и понатаму незабележителен скок на самопопишани, односно во последниве неколку дена низ процесот дополнително поминале околу 5.000 лица. Бројот на попишани во странство изнесува над 198 илјади.