Третина од италијанските мајки ќе дадат отказ , ако продолжи онлајн наставата

Доколку во новата учебна година наставата биде онлајн, една третина од италијанските мајки се подготвени да ги напуштат своите работни места, а дури 65% изјавиле дека часовите преку интернет не се компатибилни со вработеноста на жените.

Ова се податоците од истражувањето спроведено од професорката Џулија Пастори од Универзитетот Бикоча од Милано, на примерок од 7000 семејства.

Според истражувачите, италијанското семејство е традиционално и повеќето веруваат дека „е работа на жена / мајка да се грижи за децата“, а дури 95% од испитаниците рекле дека за време на пандемијата и на интернет часовите, мајките ја вршеле својата работа преку Интернет и им помагале на децата.

За време на карантинот, мајките им посветувале просечно 4 часа на ден на своите деца, па тие практично вршеле две работи паралелно, својата и онаа на воспитувачите, посочува авторот на истражувањето, проф. Пастори.

„Грда, неефикасна, демотивирачка, неподнослива, непријатна“ со овие атрибути, интервјуираните мајки ги опишале часовите преку Интернет на своите деца.

Некои анкетирани мајки рекле дека работењето од дома и часовите преку Интернет ја замаглувале разликата помеѓу приватното и професионалното и дека немале работно време, а некои рекле дека имале проблеми „да го сочуваат семејството заедно“, но сите како апели за помош во наставата преку Интернет не може да биде единствената опција “, посочува авторката на истражувањето.

Родителите, особено мајките, се исто така загрижени за тоа како ќе се одвива следната учебна година, дали ќе биде можно да се почитува растојанието во училиштата и да се применат неопходните мерки за хигиена, но и дали училишните простории се на соодветно ниво.

Проф. Пастори потсетува дека странските студенти кои дошле да студираат во Италија, во претходното истражување, рекле дека се „шокирани што земја толку убава како Италија има толку грди, мали, здодевни и валкани училишта“.

После карантинот, и пред можноста за нов бран на инфекција, треба да се има предвид фактот дека децата лошо ги доживеале интернет часовите, дека покажале лоша концентрација, здодевност и меланхолија, и дека мајките играле улога на импровизирани психолози и педагози “, предупредува професорката Џулија Пастори.

Видео - НБА: Финале на Истокот, Мајами повторно подобар од Бостон

Кошаркарите на Мајами предводени од одличниот Горан Драгиќ се вратија од негатива од минус 17 кошеви и по втор пат во финалето на Истокот во НБА го победија фаворизираниот Бостон. 

Мајами со 106-101 го победи Бостон за водство во големото финале на Источната конференција од 2-0.

Во Орландо повторно словенечкиот бек Горан Драгиќ одигра уште еден маестрален меч . Искусниоит плеј со 25 поени и 5 асистенции беше најзаслужен за вториот триумф на „Жешките“ над Селтикси.

Кошаркарите на Бостон подобро го отворија дуелот и на полувреме заминаа со убедлива предност од 13 поени (60-47).

Но стартот на второто полувреме мина во знакот на кошаркарите на Мајами кој ја добија третата делница со плус 20 кошеви и го најавија резулатскиот пресврт.

Покрај одличниот Драгиќ кај Мајами солиден меч одигра и Бем Адебајо со 21 поен.

Во редовите на поразениот Бостон Кемба Вокер заврши со 23,а Џејсон Тејтум и Џејлен Браун уфрлија по 21 кош.

СДСМ: Уште повеќе инвестиции во инфраструктурата

Уште повеќе инвестиции во инфраструктурата, изградба и рехабилитација на над 2.000 километри патишта во новиот мандат на Владата предводена од СДСМ.

Владата предводена од СДСМ, во наредните четири години ќе се посвети на високо ниво на реализација на капиталните инвестиции како услов за заздравување на домашната економијата.

Инвестициите во инфраструктурата ќе се реализираат преку изградба и рехабилитација на над 2.000 километри патишта и тоа 250 километри автопатна мрежа, изградба на 300 километри експресни патишта, над 1.000 километри рехабилитација на регионални патишта и рехабилитација на околу 450 километри локални патишта.

Ќе се инвестира и во комуналната инфраструктура преку изградба на нови 500 километри водоводни и канализациони линии, а истовремено утврдена е динамиката на изградба на преку 700 социјални станови.

Фокус на Владата и понатаму останува изградбата на пругата на Коридор 8, со започнување на втората и третата фаза од железничкото поврзување со Република Бугарија, како и пуштањето во сообраќај на новата пруга од Битола до Кременица.

Приоритети се изградба на автопатот Кичево-Охрид, целосна реконструкција на патниот правец од Струга до граничниот премин Ќафасан, започнување со постапка за проширување на автопатот Тетово-Гостивар. Истовремено се врши проектирање за изградба на нов автопат од Гостивар до Кичево како и со изградба на автопатот Скопје-Блаце.

Во овој мандат ќе започне изградба на нови два експресни патишта: Смоквица-Струмица-Ново Село и Битола-граничен премин Меџитлија со обиколница Битола, а продолжува втората фаза на изградба на експресните патишта Штип-Радовиш, Штип-Кочани, Ранковце-Крива Паланка и Градско-Прилеп.

Со подобрување на урбанистичкото планирање ќе се обезбеди вистински развој на урбаните средини преку рационално и хумано планирање на просторот, каде нема повеќе да се дозволува узурпација на просторот.

Градиме по план, инвестираме во иднината на граѓаните.

СДСМ

513 санкционирани возачи во Скопје: 148 за пречекорена брзина, 82 мотоциклисти

Министерството за внатрешни работи во текот на вчерашниот ден (16.09) продолжи со засилените акциски контроли во областа на сообраќајот. 

На територија на град Скопје во текот на вчерашниот ден изречени се вкупно 513 санкции, меѓу кои возење без возачка дозвола 35 лица, пречекорување на дозволената брзина на движење 148 прекршоци, нерегистрирани и технички неисправни возила 39, 82 санкционирани мотоциклисти и четири одземени мотори, 75 мерки за непрописно паркирани возила и 72 возила подигнати со пајак (вкупно 147), а изречени се и 104 санкции за неносење на заштитна маска.

Засилените сообраќајни контроли продолжуваат и во наредните денови.

притисни ентер