Тренчевска: Социјалниот дијалог е силна основа за градење на општество

Социјалниот дијалог е силна основа за градење на општество во кое владее социјалната правда.

Министерката за труд и социјална политика Јованка Тренчевска денеска учествуваше на конференцијата „Социјални предизвици“, организирана од Амбасадата на Република Франција, Францускиот институт во Скопје и Француската алијанса во Битола во рамки на Француското претседателство со Советот на ЕУ.

Целта на конференцијата, како што соопшти МТСП, беше да се даде осврт на главните социјални предизвици со кои се соочуваат граѓаните на земјите-членки на ЕУ, како и на земјите кандидати.

Тренчевска обраќајќи се пред присутните учесници на конференцијата, меѓу кои амбасадорот на Република Франција, Сирил Бомгартнер, пред се ја истакната улогата на социјалниот дијалог во едно општество, кој како што рече таа само преку социјалениот дијалог може да се подобри квалитетот на одлуките и политиките на една земја.

Таа истакна и дека, телата и процесите за социјален дијалог се моќно оружје за решавање на важни економски и социјални прашања, за справување со кризи, за поттикнување на добро владеење и социјална правда, за намалување на нееднаквоста, закрепнување на економијата и за промовирање на економски раст.

– Искуствата од минатото ни покажуваат дека едностраното делување на владите води кон потешкотии во справувањето со последиците од кризите, обезбедувањето на социјална стабилност и заздравување на економијата. Социјалниот дијалог води кон меѓусебно разбирање помеѓу општествените групи кои застапуваат различни интереси, со цел да се постигне решение за проблемите од взаемен интерес, рече Тренчевска.

Таа посочи дека, еден од клучните принципи на партиципативното управување е дека оние кои би можеле да бидат засегнати од некоја одлука, мора да бидат вклучени во нејзиното креирање и спроведување.

– Улогата на Економско-социјалниот совет, како трипартитно тело на национално ниво, е навистина значајна. Советот дејствува како форум кој е редовно консултиран за најважните предлог-закони, политики и мерки во областа на трудот. Токму низ Економско-социјалниот совет се дискутирани и произлегоа решенија и мерки кои беа одговор на последиците предизвикани од пандемијата, а сега и од енергетската криза, со цел да се помогне на стопанството, но и на работниците и ранливите категории на граѓани. Предлозите коишто доаѓаат од страните, поради природата на позициите, се, често, дијаметрално спротивни. Но, она што е битно, е дека суштински не се разликуваат, бидејќи целите, некаде на крајот, се исти – развиена економија и социјален мир, рече Тренчевска.

Таа посочи дека само во последните шест месеци, на транспарентен и целосно инклузивен начин, се донесени измени и дополнувања на Законот за работните односи, со кои се дефинира неделата како ден на неделен одмор за сите. Процесот на консултации траеше повеќе од година, се дојде до решение кое можеби не е совршено, но е резултат на успешен дијалог помеѓу Владата и социјалните партнери.

– Таа се осврна и на изнаоѓањето на соодветно решение за одредување на минималната плата за 2022 година, процес кој заврши успешно, преку исцрпните преговори на претставниците на работниците и работодавачите, заедно со Владата, наведуваат од МТСП.

Министерката информираше дека во тек е и подготовката на нови законски решенија, како Законот за работните односи, Законот за спречување на вознемирување на работното место, Законот за вработувањето и осигурување во случај на невработеност, Законот за социјално претприемништво.

– Социјалниот дијалог е силна основа за градење на општество во кое владее социјалната правда, затоа што сите партиципираат, претставниците на работодавачите, работниците и Владата. Затоа, цврсто застанавме „ЗА“ социјалниот дијалог и од него, не отстапуваме. Затоа што, тоа е за доброто на сите нас, порача Тренчевска.

На денешната конференција учествуваа и потпретедателот на Економско-социјалниот совет и за животна средина на Франција, Жак Ландрио, поранешна министерка за труд и социјална политика Јагода Шахпаска, претседателката на „Гласен текстилец“​, Кристина Ампева, професори, студенти и ученици.​

Жерар Пике барал да се одложи натпревар со шпанската репрезентација поради концерт на Шакира

Шпанската фудбалска јавност деновиве е окупирана со два интересни случаи по приватна преписка.

Најпрво се објавени аудио снимките од разговорот помеѓу тогашниот стопер на Реал Мадрид, Серхио Рамос и претседателот на Федерацијата Луис Рубиалес од 2020 година, во кои Рамос го повикува да ги искористи своите врски и да даде сѐ од себе за да потврди дека „Златната топка“ не се откажува.

Иако фудбалскиот свет во 2020 година речиси едногласно одлучи дека Роберт Левандовски е најоштетен од откажувањето на наградата „Златната топка“, Рамос верува дека и тој имал шанса да го освои престижниот трофеј, па му порачал на Рубиалес дека не бара само за себе, но и за доброто на шпанскиот фудбал.

Сега во јавноста протекоа и разговорите на Рубиалес со уште еден познат стопер, Жерар Пике. Всушност, во 2019 година, долгогодишниот столб на одбраната на Барселона побара од Рубиалес да го одложи пријателскиот натпревар со Романија неколку дена пред да се одржи, бидејќи неговата тогашна девојка Шакира истиот ден настапувала на отворањето на Дејвис купот во Мадрид.

Рубиалес ветил дека ќе направи што може, но на крајот натпреварот не бил одложен и одигран во првично предвидениот термин. Шпанија победила, но Жерар Пике не се запишал на листата на стрелци на натпреварот.

Украина до Турција: Задржете го рускиот брод со нашето украдено жито и уапсете го екипажот

Украина вчера побара од Турција да го заплени товарниот брод со руско знаме Жибек Џоли, кој превезувал украинско жито запленето од окупираното пристаниште Бердјанск, и да го уапси неговиот екипаж.

Официјален претставник на украинското Министерство за надворешни работи, повикувајќи се на информации од Украинската поморска управа, соопшти дека бродот Жибек Џоли превезувал приближно 4.500 тони жито, натоварено во Бердјанск, за кое службеникот тврди дека ѝ припаѓа на Украина.

Во одвоено писмо до турското Министерство за правда, украинското државно обвинителство на 30 јуни соопшти дека Жибек Џоли бил вклучен во „нелегалниот извоз на украинско жито“ од Бердјанск, дека неговата дестинација е градот Карасу во Турција и дека превезувал 7.000 тони товар, што е поголема бројка од онаа наведена од службеното лице.

Турското Министерство за надворешни работи не било веднаш достапно за коментар во врска со доаѓањето на бродот.

Од казахстанската транспортна компанија КТЗ Експрес потврдиле дека Жибек Џоли е во нивна сопственост, но велат дека е ангажиран од руската компанија Грин Лајн, која не е на ниту една листа за санкции.

Украина ја обвинува Русија дека краде жито од областите окупирани од руските сили од почетокот на инвазијата на крајот на февруари.

Ковачевски во телефонски разговор со Шолет: Високо ја ценам поддршката на Стејт департментот

Претседателот на Владата Димитар Ковачевски вечерва телефонски разговараше со Советникот на Стејт департментот, Дерек Шолет во присуство на амбасадорката на САД, Кејт Мери Брнз.

Премиерот Ковачевски изрази огромна благодарност до Стејт департментот и рече дека високо ја цени поддршка и интересот за нашата земја во овие клучни моменти за државата.

Исто така го информираше советникот Шолет за процесот на широка консултација со сите чинители во општеството кој Владата најодговорно го започна веднаш по добивањето на европскиот предлог. Премиерот во разговорот уште еднаш ги потврди и посочи на јасните определби на Владата кои се темелат на демократските вредности и припадност кон прогресивниот свет кои за нас немаат алтернатива, бидејќи тоа е единствениот пат кој води кон напредок и просперитет, се наведува во соопштението од Владата..

притисни ентер