Треба ли вакцината да биде услов за попишувачите?

Вакцината е пожелна, но не и задолжителна за попишувачите. 

Но, со критериумите за избор на лицата кои треба да влезат во секој дом за да ја спроведат големата статистичка операција не се согласуваат дел од граѓаните, но и експертите. Професорката Мирјана Најчевска смета дека нема елементи на дискриминација , ниту пак ќе им бидат прекршени човековите права ако вакцината се услов да се биде попишува. Туку напротив, според неа тоа е разумен услов бидејќи пописот беше одложен токму поради пандемијата, па се чекаа вакцините за да бидат заштитени и попишувачите, а и оние кои што ќе бидат попишани.

-Јас дефинитивно сметам дека ова не е прекршување на човековите права, ставањето на услови кои што имаат логика, кои што се во контекст на одредено барање, воопшто не може да се смета за никаков вид на дискриминација, туку напротив тоа е услов за извршување на одредена работна задача., вели проф. Мирјана Најчевска.

Доколку попишуваат невакцинирани лица, се доведува во прашање и успешноста на пописот, најголемиот дел од граѓаните велат дека ќе бараат потврда од попишувачите дека се имунзирани, а ако не се, нема да ги примат дома.

Најчевска вели покрај ова има обид за проблематизирање на пописот од страна на партиите кои што не сакаат истиот да се спроведе.

Од Државниот завод за статистика велат дека е пожелно попишувачите да бидат имунизирани, но сепак тоа нема да биде услов, бидејќи не можеле да наложат никому да прими вакцина. На првиот ден од конкурсот за попишувачи, пријавени се 640 кандидати. Пријавувањето ќе трае до 5ти август, а до 15ти треба да биде познат конечниот избор на 5.055 реонски попишувачи и 508 реонски инструктори.

Пописот кој што ќе се одвива од 5 до 30 септември ,првично требаше да се спроведе во април годинава, но по договор меѓу премиерот Зоран Заев и лидерот на ВМРО ДПМНЕ, Христијан Мицкоски беше одложен поради лошата епидемиолошката состојба.

Нина Бадриќ ја провоцира Лепа Брена со фотографија од Хвар

Хрватската ѕвезда Нина Бадриќ на својот Инстаграм објави фотографија од Хвар, на која што покажа како изгледа глетката од ресторан кон морето.

„Утро“, напишала пејачката на германски јазик со фотографијата.

Летната сцена воодушеви многумина.

„Не е лошо“, „Рај на земјата“, „Прекрасна“, „Рааај“, „Уживајте“, се некои од коментарите.

Одговори и Лепа Брена.

„Малку не измачуваш, нели? се пошегува пејачката.

„Те чекаме“, и` порача Нина.

Инаку, минатата година Лепа Брена и Нина заедно уживаа на летниот одмор на островот Вис, а се чини дека пејачките и оваа година ќе поминат неколку дена заедно.

Во Узбекистан е произведена првата серија на руската вакцина Спутник

Првите серии на руската вакцина Спутник В против коронавирус се произведени во погоните на лабораторијата Јурабек во Узбекистан, се наведува во соопштението на Рускиот фонд за директни инвестиции (РДИФ).

Вакцината произведена во Узбекистан ќе се користи во националната програма за вакцинација, се наведува понатаму во соопштението, објави ТАСС.

Спутник V е сертифициран во земјата во февруари 2021 година.

RDIF организирал трансфер на технологија за производство на вакцините во Узбекистан.

Серијата за валидација биле испратени до центарот на Гамалеја за контрола на квалитетот, наведува Фондот и додава дека комерцијалната продукција на Спутник V е предмет на успешна контрола на квалитетот на сериите за валидација.

До денес, вакцината Спутник В е регистрирана во 69 земји низ светот со вкупно население од над 3,7 милијарди луѓе.

Податоците добиени од регулаторните тела на бројни земји за време на вакцинацијата на населението, вклучувајќи ги Аргентина, Бахреин, Унгарија, Мексико, Сан Марино, ОАЕ и други, покажуваат дека Спутник V е една од најбезбедните и најефикасните вакцини против коронавирусот.

Математичарка од Кембриџ без тренер и клуб освои олимписко злато и го шокира светот (ФОТО)

Ана Кисенхофер не била глобално позната спортистка пред Олимпијадата, но влезе во историјата во Токио и освои злато во велосипедизмот, во дисциплината трки на патишта.

Нејзината животна приказна е фасцинантна, а светските медиуми пренесуваат дека тоа е едно од најголемите изненадувања во историјата на Игрите. Имено, шансите за нејзина победа кај повеќето светски обложувалници биле поголеми од 500, и според тој критериумот таа била убедливо најмалата фаворитка за подиумот.

Ваквите предвидувања можеби не се невообичаени со оглед на тоа што австриската велосипедистка пристигна на Игрите како 94 -ти на светската ранг -листа. Пред пет години, таа го освои својот прв аматерски турнир во Шпанија, на 25 -годишна возраст. Таа наскоро потпишала професионален договор со Лото Судал Дами, но во 2017 година се откажала од спортување. Две години подоцна се вратила како аматер.

Така, Кисенхофер пристигнала на Игрите без договор со професионален клуб, но и без тренер. Таа се подготвувала за натпреварот, со уште неколку аматери, далеку од идејата за каков било медал. "Порано имав тренери, а сега се правам сама. Тренирам, се грижам за исхраната и закрепнувањето. Направив план за трката. Знаев точно како да започнам, од каде ќе се обидам да ги нападнам конкурењнтите и што би јадела пред трката “, рече таа по историскиот успех.

Сцената од крајот на трката долга 137 километри е можеби најдобриот доказ за тоа колку е бизарна нејзината победа. Имено, уште четири велосипедисти влегле со неа во последната етапа од трката. Мислеле дека борбата за медали е само меѓу нив и не ни знаеле дека Кисенхофер е пред нив. Во еден момент таа имала предност од дури пет минути.

Така, Холанѓанката Анемиек ван Влејтен, втора во рангирањето, влегла во финишот славејќи со кренати раце, мислејќи дека штотуку го освоила олимпиското злато. Во реалноста, таа заостанувала минута и половина зад Австријката и морала да се задоволи со сребрениот медал.

За да ја заврши приказната за чудото, Кисенхофер е дипломирана математичарка од Кембриџ. Пред осум години, таа докторирала на Универзитетот во Барселона. Интересно, оваа година таа спровела истражување за влијанието на топлината врз човечкото тело под напор, а голем дел од јавноста верува дека поради тоа се подготвила многу подобро од конкуренцијата за тешките услови во Токио.

Кисенхофер нема да стане професионалец ниту по најголемото злато во светот на спортот. "Штом сум на целта значи дека сум подготвена и сакам да победам, но исто така сум реална. Пред Игрите ги анализирав моите шанси и би била среќна да бидам меѓу најдобрите 25. Ова сеуште е незамисливо за мене, дека го земав златниот медал. Не сакам професионална кариера, без оглед на успехот. Сакам да уживам во возењето велосипед и мислам дека ќе возам на пробно возење “, рече креаторката на најголемото чудо на Игрите.

Патем, за Австрија го освои првото злато од Летните олимписки игри во Атина во 2004 година и првото злато во велосипедизам од Игрите во 1896 година.

притисни ентер