Трамп е прв во историјата на САД со два инпичмента, а останува претседател до крај на мандатот

Претставничкиот дом на САД вечерва гласаше за отповикување на Доналд Трамп.Сепак претседателот на Сенатот јасно стави до знаење дека нема да одржи седница до 20 јануари , што значи дека Трамп останува претседател до крајот на мандатот. 

Така, Доналд Трамп стана првиот американски претседател во историјата што бил двапати отповикан.

За отповикување гласале 221 демократи и дури 10 републиканци.

Против отповикувањето имало 197 пратеници, сите републиканци , а петмина не гласале.

Но, Трамп е сè уште претседател, а демократите дури сега се соочуваат со тешкиот дел од работата. Постапките сега се селат во Сенатот, горниот дом на Конгресот. Според Уставот, потребни се две третини од сенаторите за да биде осуден и сменет претседателот.

Претставничкиот дом гласаше за едно официјално обвинение за отповикување - „поттикнување бунт“ - во врска со говорот на Трамп пред илјадници негови приврзаници непосредно пред тие насилно да упаднат во зградата на Капитол, прекинувајќи ја сесијата на 6 јануари каде што требаше официјално да се прогласи победата на Џо Бајден на изборите на 3 ноември. Пет лица го загубија животот во конфликтите во Капитол. За време на својот говор, Трамп повтори лажни тврдења за местење на изборите и ги повика своите приврзаници да маршираат кон Капитол.

Трамп со тоа стана првиот претседател на САД кој беше повлечен двапати во Претставничкиот дом, но има малку шанси повлекувањето да биде потврдено во Сенатот, каде републиканците сè уште имаат мнозинство, иако го загубија по неодамнешните избори во државата Џорџија. Сенатот со републиканско мнозинство е во пауза до 19 јануари, ден пред инаугурацијата на новоизбраниот претседател Бајден.

Лидерот на републиканскиот Сенат, Мич Меконел, ја отфрли можноста за одржување на седница, на која се повикуваат демократите, иако тој рече дека не ја исклучува можноста да гласа за отповикување на Доналд Трамп, доколку биде суден во горниот дом на Конгресот.

„Сè уште не сум одлучил како ќе гласам, имам намера да ги слушнам правните аргументи кога ќе бидат изнесени во Сенатот“, им напиша тој на републиканските колеги во белешката објавена во јавноста.

Американската конгресменка Ненси Пелоси ги повика пратениците за време на дебатата да се потсетат на Трамп, велејќи дека тој мора да одговара за поттикнување на насилниот напад врз зградата на Конгресот минатата недела. "Ние знаеме дека претседателот на Соединетите држави го поттикна тоа востание, тој вооружен бунт против нашата земја. Тој мора да замине. Тој е очигледна и реална закана за нацијата што сите ја сакаме", рече Пелоси. Таа додаде дека Трамп води „војна против демократијата“ и дека тој ги поттикнува „бунтовниците“ и „внатрешните терористи“ во зградата на Конгресот.

Бидејќи Трамп беше отповикан од Претставничкиот дом, за осуда во Сенатот, каде доминираат републиканците, се потребни две третини од сенаторите, што значи дека најмалку 17 републиканци во 100-члениот дом треба да го прогласат Трамп за виновен.

Трамп, еден од тројцата претседатели против кои се покренати постапки за отповикување, е првиот на кој тоа му се случило двапати. Досега ниту еден претседател на САД не бил протеран од Белата куќа преку процесот на отповикување. Три пати имало отповикување Трамп во 2019 година, Бил Клинтон во 1998 година и Ендрју Џексон во 1868 година – биле отповикани во Претставничкиот дом, но биле ослободени од обвиненијата во Сенатот.

Конгресниот дом на Демократското мнозинство се обиде да го собори Трамп во декември 2019 година под обвинение за злоупотреба на овластувањата и попречување на истрагата на Конгресот за притисокот на Трамп врз Украина за да го испита тогашниот изборен ривал Џо Бајден и неговиот син Хантер Бајден.

Отповикувањето се случи и во Претставничкиот дом. Но, Сенатот контролиран од републиканците го ослободи Трамп во февруари 2020 година.

Ковачки: Непрофесионализмот при издавање на безбедносни сертификати е препознаен во НАТО

Трет ден како Министерот за одбрана и претседателот на државата молчат и не даваат одговор на поставените прашања во врска со скандалот што и’ го приредија на својата држава, рече Драган Ковачки, Член на ИК на ВМРО-ДПМНЕ.

Со неодговарањето на поставените прашања од нашите прес конференции, Радмила Шекеринска и Стево Пендаровски ги девалвираат институциите кои ги претставуваат. На сите им е јасно дека проблемот за враќањето на двајцата кандидати за воени, односно одбранбени претставници на Македонија во НАТО е во власта.

И двајцата кандидати за претставници во НАТО кои беа вратени од Алијансата, внимавајте - добиле НАТО сертификат од органите на Република Македонија, но истите кога повторно биле проверени од нашите сојузници, не добиле потврда за тоа.

Ова ни помалку ни повеќе, значи дека органите, односно институциите што се целосно партизирани од страна на партијата на власт, издаваат НАТО сертификати, кои при повторна проверка од страна на Алијансата се оценуваат како неточни и некредибилни. Значи, станува збор за делегитимирање на целиот процес воден од македонските институции.

Постои огромен сомнеж, а последните два примери се чист доказ, дека институциите под власт на СДСМ издаваат НАТО сертификати само на лица подобни за власта, без разлика на тоа дали лицето реално ги исполнува условите или не. Ќе ве потсетам на примерот кога за само 5 дена му издадоа сертификат за пристап до Државна тајна на новинар близок до ставовите на СДСМ.

Од друга страна, лица кои ги исполнуваат условите за добивање на безбедносни сертификати во Република Македонија, се подложни на одбивање, само затоа што се политички неподобни. Значи, процесот на ветинг, односно безбедносна проверка, наместо да биде во функција на државата и спроведуван од институции предводени од професионалци, се користи за партиска пресметка со неистомислениците и неподобните. Од почит кон тие лица, нема да изнесуваме имиња.

Очигледно е дека и покрај дебаклот со нејзините номинации, Шекеринска продолжува да ја поисоветува партијата со министерството и да импровизира на полето на безбедноста.

Г- ѓо Шекеринска, нашите укажувања се добронамерни. И самите сте свесни дека со вашиот однос кон овие прашања уште еднаш потврдувате дека сте го промашиле ресорот кој Ви е доделен да го водите. Ја изигравте правната држава и за тоа добивте потврда и од алијансата.

За ваше добро и добро на татковината Македонија, одважете се и понесете одговорност.

Време е за Оставка веднаш!, рече Ковачки.

Мала група верници се капеа во Охридското езеро за Водици

Иако  Светиот крст не се положи во водите на Охридското езеро, годинава Водици се чествуваше поинаку поради пандемијата, сепак мала група охриѓани се капеа во водата.

Светиот крст во Охрид од црковниот казан во светиот храм Свети Никола Геракомија замина во рацете на Никола Чорбески од Варош,кој со кртстот влезе во езерото ,а останатите го следеа .

Големиот христијански празник Богојавление-Водици во Охрид помина без традиционалното одбележување со илјадници верници на пристаниште и стотици капачи кои традиционално скокаа во водите на Охридското езеро по Светиот крст.

Русите го слават Богојавление со нурнување во ледена вода (ВИДЕО)

Православните христијани на далечниот исток на Русија го слават Богојавление со нурнување во ледена вода.

На денешниот празник, Русите три пати влегуваат во водата , мислејќи дека се чистат од гревовите. На 18ти јануари, денот пред Водици тие постат.

Капењето во осветените води се практикува од времето кога Исус Христос бил крстен во реката Јордан.

притисни ентер