Трагична сообраќајка кај Куманово, шестмина загинати, меѓу нив две деца

Шест лица меѓу кои и две деца на 4 и 6 годишна возраст го загубија животот во тешка сообраќајна несреќа што се случи попладнево околу 17 часот на регионалниот пат Куманово Крива Паланка кај месноста Смилчинци на 7 километри од градот.

Поради директен судир на кумановски пасат кој се движел кон градот и бмв со скопски регистарски таблички што доаѓало од спротивната насока дошло до експлозија по што возилата се запалиле.

Според првичните информации од портпаролот на СВР Куманово Валентина Николовска експлозијата настанала бидејќи бмв-то во кое се превезувало 4 члено семејство од Скопје најверојатно било удрено во резервоарот. Едниот од нив и двајцата патници во пасатот , 50 годишен полицаец во цивилка и негов 8 години постар пријател од Куманово веднаш после експлозијата биле извлечени од автомобилите од страна на противпожарна единица но веќе биле починати. Останатите три лица останале заглавени во опожареното возило бмв и целосно изгорени. Лекарот од итна помош кога пристигнал на местото само констатирал смрт кај сите 6 патници.

Истражните органи кои до доцна вечерва вршеа увид на местото на несреќата допрва ќе утврдуваат кои се причините за сообраќајката. Се претпоставува дека заради дождливото време и лизгавиот коловоз на опасниот свиок дошло до директен судир на двете возила.

Телата на починатите се идентификувани и однесени на Институтот за судска медицина во Скопје.

Додека траеше увидот патот Куманово Крива Паланка беше затворен за сообракај во двата правца а возилата се пренасочуваа по споредни патишта.

Ова место е црна критична точка во сообракајот каде што многу често се случуваат сообраќајни незгоди .

Алонсо: Останувам во Леверкузен, тоа е вистинското место за мене

Чаби Алонсо ја потврди својата одлука да остане на чело на Баер Леверкузен. Така, тој ја пропушта можноста да ги преземе Ливерпул или Баерн Минхен, кои уште од летото го посакуваа во своите редови и влегоа во преговори со него.

Тој во принцип има договор со „аспирините“ до крајот на сезоната 2025/26. Според информациите во летото 2025 година во неговиот договор ќе биде активирана клаузула според која тој ќе може да замине како слободен агент.

Шпанецот моментално го води Баер до титулата во Бундеслигата, со солидна предност од 10 бода пред второпласираниот Баерн на осум кола до крајот. Одделно, тимот е во четвртфиналето на Лига Европа и е во полуфиналето на Купот на Германија.

Чаби Алонсо го води Леверкузен од октомври 2022 година.

Мицкоски и Ковачевски сметаат дека е добро што ќе имаат јавно соочување на Канал 5

Очекувањата на Ковачевски се дека неговиот политички опонент ќе одговори која е неговата стратегија за деблокада на преговорите, како едно од најголемите прашања кои останаа нерешени. 

Како до подобар животен стандард, кое е најдоброто решение за евроинтеграциите и чија програма е победничка- ова се дел од темите за кои лидерите на СДСМ и ВМРО-ДПМНЕ Ковачевски и Мицкоски за првпат ќе ги судрат аргументите на ТВ дуел в среда во живо на Канал 5. Очекувањата на Ковачевски се дека неговиот политички опонент ќе одговори која е неговата стратегија за деблокада на преговорите, како едно од најголемите прашања кои останаа нерешени.

-Јас се радувам на овој ТВ дуел, бидејќи конечно ќе можеме да чуеме кој каков став има за најважните прашања за државата. Моите ставови веќе ги знаете, меѓутоа се надевам дека во среда ќе можеме да ги чуеме и ставовите на претседателот на ВМРО-ДПМНЕ во однос на интерацијата на државата во ЕУ, односите со соседите и за односите во државата виз-а-ви другите етнички заедници.- Димитар Ковачевски – претседател на СДСМ

Опозицискиот лидер Христијан Мицкоски очекува сериозна дебата за иднината на Македонија, со понуда за проекти и решенија за проблемите на граѓаните.

Очекувам на тој дуел да презентираме како ја гледаме Македонија во следните децении, барем јас така ќе бидам подготвен и така ќе настапам. Очекувам успешен дуел кој ќе го привлече вниманието на граѓаните и ќе даде одговор на многу прашања коишто досега немале можност граѓаните да ги слушнат. - Христијан Мицкоски – претседател на ВМРО-ДПМНЕ

ТВ соочувањето меѓу Ковачевски и Мицкоски ќе трае 2 часа, со еднаков простор за двајцата лидери. Досега дуели во студиото на Канал 5 меѓу лидерите на двете најголеми политички партии се одржуваа во три наврати, додека Зоран Заев беше претседател на СДСМ – во 2019, 2020та и последниот во септември 2021ва година, на еден месец пред локалните избори по кои тој си поднесе оставка од премиерската и партиската позиција.

Сиљановска: Граѓаните и Македонија треба да бидат повторни горди!

Македонија повторна горда. Ова е слоганот на кандидатот на ВМРО-ДПМНЕ и колицијата  за претседател Гордана Сиљановска кој го презениташе предмалку. 

Таа смета дека не само државата, туку и на граѓаните треба да бидат повторно горди. Таа обвини дека во земјава се правело културоцид.

притисни ентер