Околу 140 илјади евра месечно заштедил клиничкиот центар во Скопје со гасификацијата на сите болници – вели министерот за здравство Никола Тодоров. Со имплементација на овој проект ќе се заштедат голем дел од финансиите, но и ќе се намали загадувањето.

„Во февруари минатата година биле потрошени пет илјади евра повеќе на клиниката за онкологија и радиологија за затоплување во однос на оваа година, откако е воведена гасификацијата“, вели Никола Тодоров, министер за здравство.

Во рамките на проектот за гасификација ќе се најде и градската болница „8-ми септември“ и ПЕТ центарот кој се гради во близина на болницата.
„Гасификацијата на градската болница ќе чини 9 милиони денари“, вели Никола Тодоров, министер за здравство.

Гасификацијата на градската болница се очекува да биде до јуни.