Тицињски: Полска безусловно дава поддршка за евроинтеграциите на Македонија

Полска безусловно дава поддршка за евроинтеграциите на Македонија. Од наша гледна точка, овие пристапни преговори треба веднаш да почнат. Пристапните преговори ќе дадат подобар чекор во стабилизација на Западен Балкан и подобра иднина.

Ова го изјави амбасадорот на Република Полска, Војциех Тицињски, за време на неговата денешна посета на Кавадарци. Заедно со кавадаречкиот градоначалник Митко Јанчев, тој го посети кабинетот по хемија и биологија при основното општинско училиште ,„Димката Ангелов Габерот”, донација од Полската амбасада.

– Знам дека заминувањето на млади луѓе е проблем и во Македонија, а до пред извесно време беше и во Полска. Да се тргне овој проблем, треба да се создадат подобри услови за учење и работа за младите. За да останат во својата држава. Историски, Полска секогаш беше држава којашто имаше многу луѓе коишто емигрираа. Кога Полска влезе во Европската Унија, два милиона наши млади отидоа во странство. За да се запре тоа, ни требаа скоро 15 години. Сега од 2019 година, тоа се стопира и сега имаме повеќе такви коишто се враќаат, отколку што заминуваат. За да се запре таквата состојба, треба поголем развој на економската ситуација. Од наша гледна точка, ова ќе биде кога Македонија ќе се интегрира во Европската Унија, дециден беше амбасадорот, најавувајќи и идна соработка.

Јанчев се заблагодари на амбасадорот и полскиот народ и информираше дека се разговарало на повеќе теми. За кабинетот, рече дека значи унапредување на знаењето на учениците.

– Со Полската амбасада имаме добри релации и соработка. Во иднина ќе имаме и други заеднички проекти, како од економска, образовна, еколошка, така и од други области, соопшти Јанчев.

Премиерот Ковачевски во Ватикан и Рим во чест на Денот на Светите Кирил и Методиј

Премиерот Ковечевски на тет-а-тет средба и аудиенција кај папата Франциск.

Денеска по повод одбележување на 24 мај – Денот на сесловенските просветители Светите Кирил и Методиј премиерот Ковачевски со владина делегација во рамките на посетата на Рим и Ватикан,релизираше тет-а-тет средба, а потоа и аудиенција кај Папата Франциск.

Како дел од работната посета, премиерот Ковачевски ќе се сретне и со премиерот на Бугарија Кирил Петков.

Во Рим е Тамара Стојкова .

Тамара каква е агендата за денеска ?

Во видеото погледнете го целиот извештај.

Одбиен предлогот Тајван да учествува на собранието на СЗО

Обидот на Тајван да учествува на годишното собрание на Светската здравствена организација, денеска е одбиен. Кина ги нарече, напорите на Тајпеј, да учествува, „политичка манипулација", јавија британски медиуми.

Водечкото светско здравствено тело одлучи да не се стави на дневен ред предлогот на 13 членки на СЗО, со што се бара Тајван да се приклучи на собранието како набљудувач.

ВМРО-ДПМНЕ: Ковачевски молчи за средбата на Џафери со луѓе на Путин

Ковачевски молчи за средбата на Џафери со луѓе на Путин, исто како што молчеше за пцуењето на вработени, уште што треба да се случи за да побара оставка?

Талат Џафери имал средба во собранието на Македонија со Абдул-Вајед Нијазов, поранешен пратеник во Думата и основач на здружението „Муслиманите во поддршка на Претседателот Путин". Истата средба Џафери не ја објавил на социјалните мрежи, ниту пак известил преку прес службата на собранието за неа.

Џафери ја криел оваа средба.

Џафери мора да каже, зошто криел за средбата и дали потоа ги известил службите дека има таква средба?

Активностите ма Џафери можат да бидат потенцијална опасност и за НАТО.

И сето ова Ковачевски го премолчува, само за да не му падне владата.

Ковачевски не смее да побара одговорност за Џафери, зошто знае дека така може да падне владата, а со тоа и тој повеќе никогаш нема да биде премиер, затоа што има рејтинг помал од стапката на инфлација.

Ковачевски не може вечно да се крие. Иако тој молчи, народот го гледа и се срами од срамот кој и го приредува Џафери на Македонија.

Со почит,

Центар за комуникации на ВМРО-ДПМНЕ

притисни ентер