Терористот од Норвешка уби петмина со лак и стрела, преминал во ислам, се нарекувал пророк

Норвешката Национална агенција за безбедност соопштила дека нападот со лак и стрела во кој загинаа пет лица е терористички акт.

Агенцијата, позната по акронимот PST, вчера соопшти дека нападот во мал норвешки град „во моментов се чини дека е терористички акт“.

„Истрагата ќе разјасни подетално што ги мотивирало инцидентите“, се вели во соопштението.

Данскиот државјанин (37) Еспен Андерсен Братен, кој е осомничен за убиството на пет лица во напад со лак и стрела во норвешкиот град Конгсберг, преминал во ислам и полицијата е загрижена поради знаците на радикализација, соопштила полицијата.

Норвешките медиуми пишуваат дека Братен имал проблеми со законот и бил уапсен претходно оваа година, откако му се заканил на неговиот татко со убиство. Тој објавил видеа на Јутјуб нарекувајќи се пророк.

Петмината убиени, четири жени и еден маж, биле на возраст од 50 до 70 години. Две лица, меѓу кои и полицаец кој не бил на должност, се повредени.

„Напаѓачот се преобрати во ислам и полицијата беше загрижена за индикациите дека се радикализира“, изјави на новинарите шефот на националната полиција Оле Брадруп Саеруд, истакнувајќи дека е прерано да се каже дали нападот треба да се испита како терористички акт.

„Имаше загриженост за радикализација ... Беше следен“, рече тој, без да навлегува во детали.

Напаѓачот живеел во Конгсберг, кој се наоѓа 68 километри југозападно од Осло и има околу 28.000 жители.Се верува дека дејствувал сам.

Нападот се случил рано утрото и траел повеќе од половина час во пошироката област Конгсберг, вклучувајќи ја и продавницата Coop Extra, објави весникот Афтенпостен.

По нападот, полициската администрација им наредила на полицајците низ целата земја да носат огнено оружје. Норвешката полиција е генерално невооружена, но полицајците имаат пристап до оружје кога е потребно.

Полициската администрација соопштила дека станува збор за мерка на претпазливост и дека „засега нема индикации дека националното ниво на опасност ќе се промени“.

Бројот на жртви го прави овој најлош напад во Норвешка од 2011 година, кога екстремно-десничарскиот екстремист Андерс Беринг Брејвик уби 77 луѓе, главно тинејџери кои присуствуваа на младински политички камп.

„Тој ги призна околностите на нападот“, изјавила полициската адвокатка Ен Ирен Сване Матијасен за новинската агенција НТБ.

„Ќе треба да видиме дали и ќе ја признае вината за нападот“, рече таа.

Неговиот адвокат, Фредрик Нојман, изјавил за јавната телевизија дека соработувал со полицијата. Норвешкото кралско семејство изразило сочувство до жртвите. Генералниот секретар на ОН, Антонио Гутереш, исто така, изрази шок и тага поради нападот.

Видео: Стотици луѓе оделе голи по пустина во Израел

Стотици луѓе покриени само со бела боја оделе низ пустината во близина на Мртвото Море како дел од проектот на американскиот уметник Спенсер Туник, пишува Гардијан.

54-годишниот фотограф го посетил местото во јужен Израел како гостин на Министерството за туризам за по трет пат да го покаже повлекувањето на Мртвото Море, а инспириран бил од библиската приказна за сопругата на Лот која се претворила во столб од сол додека бегала од Содом.

„За мене, телото претставува убавина, живот и љубов“, рекол Туник, која досега организирал десетици фотографирања на голи луѓе.

Докторантката Ана Клејман за Гардијан изјавила дека се приклучила на снимањето за да ги освести луѓето за оваа еколошка криза.

„Навистина се чувствував природно кога се соблеков“. Откако ќе се соблечете, не сакате повторно да се облечете “,рекла таа.

Пред десет години, уметникот снимил над илјада модели на брегот на Мртвото Море, кое се повлекува за еден метар годишно.

Летот на Туник го платило израелското Министерство за туризам, а израелскиот град Арад ги покрил другите трошоци.

Градоначалникот Арад Бен Хамо смета дека проектот е „одраз на либералниот дух во неговиот град“ и се надева дека ова снимање ќе привлече посетители и на тој начин ќе собере средства за финансирање на нов музеј на Мртвото Море.

Видео: Со сопственото тело го штити автомобилот од град

Краткото видео во за рекорден временски период собра бројни симпатии.

Нема многу за што да се зборува. Бурата доаѓала, а сопственик на Тојотата немал подготвено засолниште. Така, тој одлучил да го заштити својот лимен миленик со она што го има до себе, ќебе, картон и сопственото тело.

Иако видеото трае само неколку секунди, секој малку поголем љубител на автомобили ќе го разбере овој гест.

За многумина, автомобилот е повеќе од лим и само превозно средство од точката А до точката Б.

И кога станува збор за автомобил како Тојота Супра, работите стануваат повеќе од јасни.

Станува збор четвртата генерација на моделот што се произведува до 1998 година, а дури и денес тоа е најбараната генерација на Супра и цените честопати се превисоки.

@jakemcgloin

When life doesn’t throw you lemons 😂#sydney #hail #badweather #covid #covid19

♬ Mad World - Michael Andrews

Убиец од Флорида бил пуштен порано од затвор а потоа усмртил жена со шрафцигер

Маж од Флорида, кој бил осуден во 1993 година за убиство на тинејџерка, признал дека избодел жена до смрт со шрафцигер, откако бил пуштен од затвор.

Ерик Пирсон (54) во саботата беше обвинет за убиство на Ерика Вердеција (33), чие тело било пронајдено во канал во близина на Форт Лодердејл.

Пирсон признал дека ја прободел жртвата со шрафцигер четири пати на 25 септември.

Тој бил пуштен од затвор минатиот септември, откако отслужил 27 години од 40 годишната казна, за задавување на Кристина Витакер (17), пишува „The New York Post“.

"Зошто го пуштија на улица? Зошто? Ќе плати овој пат. Нема да застанеме додека не го видиме на електричен стол", рекла мајката на Ерика, Кармен Вердеција.

Полицијата го поврзала Пирсон со исчезнувањето на Ерика откако пријателите рекле дека последен пат ја виделе во продавница со маж кој за себе рекол дека е убиец. Откако полицајците го прегледале камионот на Пирсон, во него пронашле траги од крв.

Ерика Вердеција била мајка на 6-годишна ќерка.

притисни ентер