Темелковски: УСС на УКИМ ги има истите барања за студентите

УСС на УКИМ ги има истите барања за студентите, но прво ги исцрпуваме можностите по институционален пат.

Се согласувам со барањата, и ние ги имаме истите, но различно пристапуваме. Како универзитетски собранија, прво гледаме да ги исцрпиме сите можности по институционален пат и, доколку не наидеме на соработка на тој начин, тогаш би активирале други механизми за остварување на нашите права, изјави за МИА Славчо Темелковски, претседател на Универзитетското студентско собрание на УКИМ по повикот од „Студентски отпор“ за нов протест в четврток додека не се исполнат сите нивни барања, незадоволни од исходот на вчерашната средба во Собранието.

„Студентски отпор“ – организаторот на вчерашниот протест пред Собрание, за задутре, на Меѓународниот ден на студентите, најави нов протест за да се исполнат сите барања: да се зголеми износот на субвенционираниот студентски оброк од 120 денари на 150 денари дневно, да се израмнат стипендиите со износот на највисоката, средства за реновирање и обезбедување нормални услови за престој во студентските домови, долгорочен план за формирање „студентски градови” и стопирање на најавената приватизација на студентските домови и изземање на студентите од антикризните мерки на Владата за рационализација и штедење струја.

Темелковски, кој заедно со други претставници на студентите, беше вчера на средбата во Собрание со пратеници и со министерот за образование и наука, вели дека универзитетските студентски собранија ги застапуваат барањата и интересите на студентите и постојано комуницираат меѓу себе.

-Треба да се направи дистинкција помеѓу универзитетските собранија кои вчера ги застапува барањата, што беа поврзани со Законот за субвенциониран студентски оброк и организациите кои повикуваат на маршови и протести. Тие тоа го прават независно од студентските собранија и не би сакале да се мешаме. Доколку универзитетските собранија организираат студентски марш, тоа ќе го направат директно преку нивните канали на комуникација, рече Темелковски, а на прашањето дали ќе го поддржат протестот рече дека официјално ќе соопштат став во текот на денов.

Соопшти дека во четврток, 17 ноември, во 13 часот, во Клуб на пратеници на средба се поканети директорите на студентските домови, претседателите на студентските домови и на сите универзитетски студентски собранија, пратеници, како и претставници на МОН односно министерот Јетон Шаќири.

-Целта на таа средба ќе биде да почне да се изработува акциски план за подобрување на условите во студентските домови. За субвенционираниот оброк разговорите ќе продолжат само на работните групи, во четврток средбата е само за студентските домови, рече Темелковски.

На средбата вчера во Собрание беше договорено до средината на идниот месец на студентите да им биде исплатена субвенцијата за студентскиот оброк ретроактивно за месеците за кои се доцни, односно половина септември, октомври и ноември и исплатата да продолжи тековно до март, по условите кои и досега важеа, односно 120 денари дневно.

-До 15 март универзитетските собранија заедно со МОН ќе работат на новиот Закон за студентски оброк кој ќе биде системско и долгорочно решение кое не би требало да претрпува законски измени во наредните 10-20 години, рече претседателот на УСС на Скопски универзитет.

Во сообраќајка кај Колари синоќа загина 46 годишник од Скопје, со возилото излетал од патот

Во сообраќајна несреќа вчера околу 18 часот на магистрален пат Кичево – Гостивар кај селото Колари животот го загуби 46 годишник од Скопје, откако со возилото што го управувал излетал од патот. 

Во сообраќајката со тешки повреди се здобила малолетна сопатничка во автомобилот.

-На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото Колари, патничко возило „форд“ со скопски регистарски ознаки, управувано од В.Н.(46) од Скопје, излетало од коловозот. Притоа, тој од здобиените повреди починал на местото на настанот, а смрт констатирал лекар од Итна медицинска помош. Со тешки телесни повреди се здобила малолетна сопатничка, констатирани во болницата во Кичево, информираше СВР Охрид.

Увид на местото извршила увидна екипа од Одделението за внатрешни работи Кичево.

Силна експлозија одекна во Санкт Петерсбург

Гувернерот на Санкт Петербург Александар Беглов објави дека во областа Красногварде во тој град се случил „инцидент“ во кој делумно се оштетени балконите на две куќи, но дека нема повредени.

„Министерството за вонредни ситуации и припадниците на полицијата работат на местото на инцидентот во областа Красногварде. Нема повредени“, напиша Белглов на Телеграм.

Тој изјави дека станарите од тие згради се евакуирани, пренесува РИА Новости.

Силна експлозија го потресе рускиот град Санкт Петербург рано утринава, откако беспилотно летало удрило во станбена зграда, јавија локалните медиуми, а пренесува Раша тудеј.

Како што пренесува локалниот весник Фонтанка, експлозијата се случила во северниот дел на градот, а фасадата на станбениот блок е „сериозно оштетена“.

Весникот „Известија“ објави и дека во Санкт Петербург имало експлозија која оштетила две згради и дека нема жртви.

По месец и половина, откриена е причината за смртта на претседателот на Херта

Иако неодамнешниот претседател на Херта од Берлин, Каи Бернштајн почина кон средината на јануари, јавниот обвинител дури по месец и половина ги откри причините за смртта, што ја шокираше Германија.

Да потсетиме дека Бернштајн легнал една вечер и не се разбудил утрото, а бил пронајден мртов од неговата сопруга која потоа повикала брза помош. За 43-годишниот Каи, сепак немало спас.

Во меѓувреме, германската јавност излезе со информација дека Бернштајн починал од природна смрт. Со други зборови, токсиколошките и хистолошките тестови не покажале ништо сомнително. Исто така, се верува дека причина за смртта е најверојатно срцев удар.

Бернштајн беше на чело на Херта од 2022 година, а веќе е познато дека е голем поддржувач на овој клуб и дека беше еден од симпатизерите во 90-те години.

притисни ентер