Тече рокот за поднесување тужби до Управен суд

Тече рокот за поднесување тужби до Управниот суд откако Државната изборна комисија едногласно ги отфрли сите 2.142 приговори поднесени од партиите за предвремените парламентарни избори.

ДИК треба да ги достави одлуките до политичките партии и потоа почнува да тече 24-часовниот рок за поднесување на тужби, по што Управниот суд има 60 часа за да одлучи. До синоќа во судот немало пристигнато ниту една тужба од партиите.

– Подготвени сме да примиме тужби од страна на овластени претставници на листите на кандидати за пратеници во текот на денешниот или утрешниот ден, меѓутоа, до овој момент нема поднесено тужби, рече синоќа претседателот на Управен суд Бурим Сејдини.

Тој во гостувањето на Топ Тема, изрази надеж дека нема да дојде до блокада на судот, бидејќи се преземени сите активности и мерки за судот да функционира во целиот свој капацитет.

-Извршена е жрепката на советите за одлучување по избори, така што, убедени сме дека Управниот суд ќе успее навремено да ги изврши своите законски надлежности, а тоа е да донесе одлуки по поднесените тужби и да имаме официјални конечни резултати по одржаните предвремени парламентарни избори 2020 година, рече Сејдини.

Повтори дека се прават напори да се организираат и судот да постапува најефикасно што е можно.

-За првпат Управниот суд, како што се најавите, ќе се соочи со оваа бројка на тужби. Моментално сите стручни соработници, сите судии се на располагање, правиме соодветни симулации како да се обезбеди тоа да навремено одлучиме во рокот од 60 часа по приемот на тужбите, рече Сејдини.

Убедени сме, додаде тој, дека на нашата држава и е потребно што побрзо да се стигне до официјалните конечни резултати за да може конечно да профункционира законодавната власт.

По одлуката на Управниот суд и добивањето на евентуалните одлуки од Уставниот судот, за заштитата на избирачкото право, во ДИК, согласно законот, Комисијата ќе ги објави официјалните конечни резултати од предвремените парламентарни избори. Потоа ДИК ќе им издаде уверенија на избраните пратеници. Крајот рок за одржување на конститутивната седница на Собранието е 4 август.

Тужби до Управниот суд најавија полтичките партии ВМРО-ДПМНЕ, коалицијата Алијанса на Албанците и Алтернатива, Левица и Интегра./МИА

ЕУФОР ќе патролира ширум БиХ

Стратешките резервни сили на ЕУФОР распоредени во Босна и Херцеговина во текот на месецот и во мај заедно со вооружените сили на БИХ ќе патролираат низ земјата, а не само во Пале и во источно Сараево, објави ЕУФОР.

ЕУФОР соопшти дека распоредувањето на овие сили не е поврзано со ништо друго и дека овие активности се планирани долго време и се насочени кон постигнување на редовни цели за обука.

Оклопните возила на резервните сили на ЕУФОР вчера беа распоредени во центарот на Пале, поради што градоначалникот на општината Бошко Југовиќ испрати писмо до командата на ЕУФОР со барање претходно да биде известена локалната администрација за таквите активности.

ЕУ одвои 10 милиони евра за помош на украинските истражувачи-бегалци

Европската комисија денеска соопшти дека издвоила дополнителни 10 милиони евра наменети за поддршка на истражувачите кои биле принудени да ја напуштат Украина поради војната. 

Станува збор за средства алоцирани преку програмата „Марија Склодовска-Кири акции“, која е создадена за да ги поддржува раселените украински истражувачи од почетокот на руската агресија врз Украина.

Како што јави дописникот на МИА од Брисел, овие дополнителните средства ќе им овозможат на најмалку 50 истражувачи, вклучително и докторанти и доктори на науки кои ја напуштиле Украина, да продолжат со својата работа на истражувачки проекти на универзитети, компании, истражувачки центри и други институции со ЕУ и во земји вклучени во програмата „Хоризонт Европа“, меѓу кои е и Северна Македонија.

- Тоа, исто така, ќе им овозможи на истражувачите пристап до обука, вештини и можности за развој на кариерата. Специфична поддршка ќе биде достапна и за организациите кои се домаќини на истражувачите и за оние соработници кои се преселени заедно со нивните семејства, се додава во соопштението на ЕК.

Преку програмата „Марија Склодовска-Кири акции“, која е дел од пошироката поддршка на ЕУ за Украина, досега се поддржани 125 раселени украински истражувачи, кои се обучуваат и работат во 21 земја.

ЕУ неодамна отвори и Канцеларија на „Хоризонт Европа“ во Киев и воспостави инструмент за помош на украинските технолошки компании во рамки на Европскиот совет за иновации (ЕИЦ). Дополнително, формиран е и Центар на Европскиот институт за иновации и технологија (EИТ) во Украина, што треба да им овозможи пристап до партнери, пазари, опрема, обуки и инвестиции на оние украински иноватори кои ќе останат во нивната земја.

Мицкоски: Направивме увид во градежните активности во 3 клучни проекти

Направивме увид во градежните активности во 3 клучни проекти спортска сала, училиште и авантуристички парк, по формирање на влада на ВМРО-ДПМНЕ ќе се реализираат уште поголем број проекти.

Градежните активности и реализацијата на проектите во општина Охрид продолжуваат со несмалена динамика.

Градоначалникот Пецаков заедно со тимот, администрацијата, советниците кои ја поддржуваат работата на градоначалникот Пецаков по оној историски момент кога ја одблокира општина од децениски долгови и неколку јавни претпријатија продолжува со несмалена динамика да ги реализира ветувањата кон граѓаните, ги подобрува условите во општина Охрид и ја збогатува туристичката понуда нешто што му е важно на Охрид.

Она кое е денес предмет на нашата посета е увид во градежните активности во 3 клучни проекти спортска сака, училиште и авантуристички парк.

Јас само можам да посакам на овој прв ден од кампањата за парламентарните избори да посакам уште многу вакви проекти.

Знам дека амбицијата на градоначалникот Пецаков е огромна, знам дека неговата желба да направи проект повеќе за охриѓани е огромна и таа желба ќе биде уште поинтензивна откако ВМРО-ДПМНЕ ќе ја формира следната влада и ќе се реализираат уште поголем број проекти, дури и проекти кои се за доброто на охриѓани, а истовремено можеби не биле дел од ветувањата во кампањата за локалните избори во 2021.

Уште еднаш му честитам на Кире, честитам на администрацијата на советниците кои ја поддржуваат работата на досегашните пратеници во македонскиот парламент, но и идните пратеници во македонскиот парламент кои несебично до сега, а и во иднина ќе ја поддржуваат развојот на Охрид и ќе соработуваме со градоначалникот Пецаков и администрацијата овде.

Христијан Мицкоски, претседател на ВМРО-ДПМНЕ

Со почит,

Центар за комуникации на ВМРО-ДПМНЕ

притисни ентер