Македонија

Татко што не можел со години да го види детето ја доби битката во Стразбур - државата ќе му исплати 20 000 евра

Татко кој не можел со години да го гледа сопственото дете бидејќи поранешната сопруга не му дозволувала, ја доби правната битка во Стразбур.

Вкупно 20 илјади евра треба да му исплати државата нему и на неговите родители, дедото и бабата на детето, бидејќи биле спречувани од мајката- своето дете и внуче и да го гледаат како расте и покрај тоа што центарот за меѓусоцијални работи во определил датуми во кои можат да поминуваат време заедно.

После оштетата за Ел масри од 60 илајди евра ова е највисока сума досудена од Стразбур за Македонија. Европскиот суд за човекови права констатирал дека на таткото му било повредено правото на семеен живот кое е содржано во членот 8 од Европската конвенција за човекови права објаснува директорот на бирото за застапување на макеоднија во судот во стразбур

Вакви случаи кои настануваат како резултат на бавност на системот но и поради законската празнина има многу во Македонија па дел од нив завршуваат во судот во Стразбур, објаснува Богданов. По оваа пресуда од државата се очекува да преземе мерки со кои нема да се дозволи во иднина вакви повреди односно да воспостави да ефикасен админситративен систем на извршување на решенија на центар за социјални работи

Некогаш конфликтот меѓу поранешните сопружници е толку продлабочен што оди на штета врз сопственото дете со тоа што останува лишено од едниот родител. Многу често не помагаат ниту обидите на социјалните работници да ги вразумат. Крајна мерка која се презема е поднесување на кривична пријава и судски порцес кој може да потрае и подолго.

Во видеото погледнете го разговорот на Елена Ивановска Мукоска со Атина Тасевска - раководител во центар за социјални работи:

Живот

„Најубава станбена зграда во светот“ се наоѓа во Хрватска

На наградите за архитектура „Биг си“ (Big See), зграда во Кутина, Хрватска, го доби престижното признание „Најубава станбена зграда во светот“ - од сите регистрирани во 2024 година.

Објектот е изграден во 2021 година, а вкупната негова квадратура е 1.969 квадратни метри. Главен белег на поголемите апартмани се кујните на предната страна, коишто може да се користат како трпезарии. Становите се прилично светли и имаат нетипично богат просторен стандард за современото домување, се наведува во описот.

Приземјето е малку повисоко од станбените катови и е целосно застаклено, поделено со врати, што му дава достоинство на јавен простор. На истото приземје, има и пекара и кафуле споени едно до друго.

Фото: БИГ СИ

Свет

Во Баварија уапсени двајца руски шпиони

Федералните обвинители уапсија вчера двајца осомничени руски шпиони во Баварија под сомнение дека шпионирале и планирале напади врз воени цели за да ја поткопаат поддршката за Украина, пишува денеска „Еурактив“.

Двајцата мажи се осомничени дека работеле за странска разузнавачка служба во „особено тежок случај“, соопшти обвинителството. Едниот е обвинет и за планирање на напади, пред се против воена инфраструктура и индустриски капацитети во Германија.

- Нашите безбедносни власти спречија можни експлозивни напади за да ја поткопаат нашата воена помош за Украина. Ова е сериозен случај на сомнителна активност на агент на криминалниот режим на Путин, изјави за новинарите министерката за внатрешни работи Ненси Фезер.

Според обвинителството, главниот обвинет бил во контакт со лице поврзано со руската тајна служба од октомври 2023 година.

Двајцата мажи, исто така, се вели дека извидувале неколку потенцијални цели, вклучително и американски бази, каде што собирале информации поврзани со нападот. /МИА

Регион

Словенија: Покрај изборите за ЕП на 9 јуни, можно е да се одржат и три референдум

Надлежните комисии на Државниот збор (Парламентот) на Словенија треба да одлучат дали на денот на изборите за Европскиот парламент во Словенија, 9 јуни, ќе се одржат истовремено три референдуми.

Но, не постои единство во владејачката коалиција за ваквиот предлог. Претставниците на Движењето за слобода се „за“, Левицата е рамнодушна, а Социјалдемократите (СД), Словенечката демократска партија (СДС) и Нова Словенија (НСи) се против.

В петок матичните комисии на Државниот збор ќе подготват уредби за распишување три советодавни референдуми, иако коалицијата се уште не се договорила за датумот на нивното спроведување. Во Движењето за слобода бараат референдуми да се одржат на денот на европските избори.

По процедуралните компликации на вонредната седница на Парламентот во средата, претставниците сепак ги прифатија предлозите за распишување три советодавни референдуми.

Така, гласачите ќе го кажат својот збор на референдумите за регулирање на правото на помош при доброволно завршување на животот, за воведување преференцијално гласање на изборите за Државниот збор и за одгледување, преработка и употреба на канабис.

Датумот на нивното спроведување сè уште не е целосно дефиниран, кој се носи заедно со уредбата за распишување референдум. Иако датумот се уште не е договорен ниту во коалицијата, претставниците веќе в петок во матичните работни тела ќе почнат да ги подготвуваат одлуките за распишување на сите три референдуми.