Таравари ја елаборираше Претседателската платформа

Претседателот на Алијансата за Албанците и кандидат за претседател на коалицијата ВРЕДИ, Арбен Таравари на денешната прес-конференција ја презентираше Претседателската платформа која се заснова на четири столба.

Претседателот на Алијансата за Албанците и кандидат за претседател на коалицијата ВРЕДИ, Арбен Таравари на денешната прес-конференција ја презентираше Претседателската платформа која се заснова на четири столба, Македонија интегрирана во регионот и Европа, Македонија производител на безбедност, правната држава и консензуалната демократија.

„Интеграцијата во Европската Унија е наша неоспорна цел, тоа е нашиот единствен пат кон стабилност и одржлив развој и тоа е мојот највисок приоритет како претседателот. Во регионалната политика ќе се заложам за зголемување и продлабочување на регионалната соработка заснована на нашите вредности, меѓу кои е и Косово како независна, суверена и рамноправна држава. Моите главни цели во оваа област се: ќе барам гаранции од високиот претставник на ЕУ дека по уставните измени нема да има дополнителни барања за Македонија надвор од преговарачката рамка од 2022 година, мандатот за формирање на влада ќе му го доверам на партијата или партиите кои ќе докажат дека имаат мнозинство во Собранието, барајќи од мандатарот временски ограничен план за реализација на уставните измени врз основа на член 121 од Уставот, ќе му предложам на Собранието веднаш Македонија да излезе од иницијативата Отворен Балкан“, рече Таравари, додавајќи дека како претседател ќе се заложи и за целосно усогласување на нашата политика со онаа на ЕУ, особено во однос на санкциите на ЕУ против Русија.

За вториот столб, Македонија која произведува безбедност, Таравари рече дека ЕУ, САД и НАТО се незаменливи сојузници, па затоа Македонија е подготвена да игра улога во одржувањето на мирот и безбедноста во светот заедно со сојузниците.

„ Македонија е безбедна земја и нема директна надворешна закана. Но, тоа не значи дека Русија не претставува закана. Русија ќе продолжи да поттикнува страв и да создава нестабилност, се додека енергетската ефикасност и ранливост од сајбер нападите остануваат постојана закана за нас. Основниот принцип на кој се заснова мојата стратегија за безбедност е дека Македонија нема да биде само потрошувач на безбедноста, туку и производител на безбедноста ка. Како следен претседател, се обврзувам дека: Македонија ќе обезбеди стабилен повеќегодишен буџет за одбрана на ниво од 2% од бруто домашниот производ, во согласност со критериумите на НАТО, ќе се грижам за дејугословенизација на Армијата и Агенцијата за разузнавање со назначување само на најдокажани професионалци, вклучително и нивните про-западни вредносни системи, ќе помогнам да се стави крај на нашата енергетска зависност од Русија преку олеснување на формулација на државен концепт на енергија . Мојата цел е диверзификација на енергијата на сите нивоа, што е најдобриот начин да се постигне мир и стабилност ќе формирам Работна група за сајбер безбедност која ќе помогне во спречувањето и гонењето на сајбер криминалите“, рече Таравари.

Таравари рече дека најголемиот непријател е корумпираниот судски систем и ја држи земјата во заложништво и ги иселува младите и дека само 2 отсто од граѓаните веруваат во правосудниот систем.

„Како следен претседател ветувам дека ќе побарам од Собранието донесување на законодавен пакет за целосна реформа на судксиот систем и обвинителството. Овој пакет треба да го содржи законот за ветинг на судиите и обвинителите, реформа на изборниот систем, унапредување и дисциплинирање на судиите и јавните обвинители и целосна дигитализација на судовите, ќе ја терам напред идејата за формирање Комисија за стандарди во јавниот живот, врз основа на искуството на Обединетото Кралство. Ова тело би имало за цел промовирање на етиката и моралот во јавниот живот, како советодавно тело на претседателот и правна држава, ќе се ангажирам за поништување на измените во Кривичниот законик од 2023 година кои беа антиевропски и штетни во борбата против корупцијата со што уште повеќе се зголеми неказнивоста за слуќаи на корупција од високо ниво и како иден претседател на државата, ветувам дека нема да декретирам прогласување на лабави закони кои дополнително ја оддалечуваат земјата од европските норми како што се случувало во минатото“, изјави кандидатот на коалицијата ВРЕДИ, Арбен Таравари.

Во однос на четвртиот столб, Таравари нагласи дека земјата има економска, политичка и етичка криза и овие кризи го поларизираа општеството, влијаејќи врз продлабочувањето на поделбите, растот на евроскептицизмот, зајакнувањето на екстремистичките наративи и поткопувањето на либералната и консензуалната демократија.

„Со следните измени на Уставот ќе побарам изборот на претседател да се направи во Владата преку механизмот за двојно мнозинство, за да претседателот биде претставник на народното единство. Доколку ниту еден кандидат не добие ⅔ од гласовите со Бадентер во првите два изборни круга, претседателот ќе биде избран на третото гласање со мнозинство од гласовите на сите пратеници на Собранието и мнозинството од гласовите на пратениците кои се припадници на заедниците кои не се мнозинство, ќе се погрижам од Уставот да се елиминира навредувачката дефиниција за албанскиот како „друг јазик што го зборуваат најмалку 20% од граѓаните“ и да албанскиот јазик, според неговото писмо, да биде официјален јазик во целата територија на Републиката на исто ниво со македонскиот јазик, во соработка со граѓанските организации и медиумите, ќе покренам претседателска иницијатива за борба за слобода на медиумите, а особено проруските дезинформации. Руските медиуми и оние кои се финансираат од Русија ќе бидат затворени, внимавајќи постојано на почитување на правото на слободно изразување и информирање“, рече на крајот на елаборацијата кандидатот за претседател Арбен Таравари, се наведува во партиското соопштение.

Снимен е моментот пред трагичната смрт на убавата инфлуенсерка Инеса (Вознемирувачко видео)

Девојка од Русија паднала од карпа и починала додека се обидувала да фотографира маж на платформа со поглед на Црното Море.

Сега се појави вознемирувачко видео од смртта.

Инеса Поленко (39) која работела како козметичарка, паднала од висина од 50 метри на плажата подолу.

Претходно беше објавено дека Инеса починала додека правела селфи. Сепак, на видеото се гледа дека Инеса паднала додека фотографирала човек со спектакуларен морски пејзаж зад себе, пренесува Daily Mail.

На видеото се гледа како таа прави чекор назад и ја губи рамнотежата, поради што паѓа преку работ. Немало ограда за да ја спаси.

Шокираниот маж, кој не е именуван, истрчал кон неа, но веќе било доцна.

Таа била пренесена во болница во Абхазија, каде се случила трагедијата.

Медиумите јавуваат дека лекарите се бореле за нејзиниот живот, но за жал таа починала на одделението за интензивна нега истиот ден.

Била погребана во вторникот.

Поленко имала повеќе од 9.000 следбеници на Инстаграм. Таа често објавувала на социјалните мрежи од нејзините неодамнешни патувања низ светот - од Дубаи, Египет и Крим.

Истрагата за точните околности на смртта на 39-годишната козметичарка, која имала неколку клиенти и во Москва и во руското одморалиште Сочи, каде што живеела, е во тек.

Младоженец направи шокантен потег среде свадба: Невесто, барај документи за развод (ВИДЕО)

На многу свадби, невестата и младоженецот се хранат меѓусебно со свадбена торта, а додека некои тоа го прават на традиционален и пристоен начин, некои овој обичај го претвораат во шега - и претеруваат.

На видеото кое невеста го објави на социјалните мрежи може да се види како таа го мачка со парчиња торта лицето на нејзиниот нов сопруг, а тој по неколку секунди го прави истото – но на многу погруб начин што згрози многумина, објави Мирор.

Тој агресивно зел огромно парче торта и ѝ го фрлил во лицето на невестата.

@kelsboyd3 #cakesmash #nobodygotcake #smash #cakesmashchallenge #hedidntgetany #kingston #tennessee #barnofmaplecreek #johndeeergreen #ohno #rusticwedding ♬ Oh No - Kreepa

Во коментарите повеќето пишувале дека ова е првиот аларм дека во него се крие агресивна личност и дека треба да побара документи за развод.

Меѓутоа, по еден куп вакви коментари и предупредувања, невестата се вратила со образложение дека тоа се едноставно „тие двајца“ и дека тоа е нивна шега. „Извинете, но ова е друг вид на хумор, нашиот вид“, порачала таа.

Артета по шокантниот пораз на Арсенал: Сега е моментот

Каков викенд за Манчестер Сити.

Вчера Граѓаните го декласираа Лутон со 5:1 и, се чинеше, барем привремено го зазедоа првото место во Премиер лигата. Но, денеска се случија две мали чуда. Прво Ливерпул загуби дома од Палас со 1:0, а потоа и Арсенал со 2:0 на домашен терен од Астон Вила. Двата гола во Лондон дојдоа во самата завршница. Бејли прв погоди во 84-та, а Воткинс три минути подоцна.

Уште два пати гостинските играчи ја погодија рамката од противничкиот гол. Во 39. минута Воткинс ја погоди стативата, додека во 62. Јури Тилеманс ја погоди гредата. Голем број на шанси имаа и домашните, но не беа прецизни Каи Хаверц, Габриел Жесус, Леандро Тросард и Букајо Сака.

Сити сега е на врвот со 73 бода, додека Арсенал и Ливерпул имаат два бода помалку. Секоја екипа има шест натпревари до крајот.

„Две сосема различни полувремиња. Прво врвот, едно од најдобрите полувремиња што ги одигравме против врвен тим. Требаше да постигнеме три или четири гола. Можеби повеќе. Не успеавме и тоа се одрази во второто полувреме. Ни недостасуваше моментум, немавме проток како во првите 45 минути, а потоа примивме два наивни гола“, изјави тренерот на Арсенал, Микел Артета по натпреварот, а потоа испрати порака до своите играчи да се вратат во играта за титулата и да ја спасат сезоната.

„Не можеме да контролираме што ќе прави Сити. Она што можеме да го направиме е да победуваме. Продолжете да победувате. Сега е моментот. По овој пораз мораме да реагираме. Првата можност да реагираме веќе во среда против Баерн во Лигата на шампионите. Тимот треба да се покаже таму. Ако сакаме да победиме, мора да ги надминеме овие ситуации.“

притисни ентер