Талибанците тврдат дека имаат контрола врз 90 отсто од границите на Авганистан

Талибанците соопштија дека контролираат 90 проценти од границите на Авганистан, и тоа со Таџикистан, Узбекистан, Туркменистан и Иран.

„Под наша контрола се авганистанските граници со Таџикистан, Узбекистан, Туркменистан и Иран, околу 90 проценти од границите", изјави за РИА Новости високиот талибански функционер Забихулах Муџахид.

Талибанците водат офанзива против авганистанските сили од мај додека меѓународните сили се повлекуваат од земјата, операција што треба да заврши до крајот на август. Во меѓувреме, тие окупираа големи рурални области, како и неколку клучни гранични премини и ги опколија големите градови.

Без клучна поддршка од САД, авганистанските сили даваат мал отпор.

Претходно во јули, талибанците тврдеа дека заземале 85 проценти од територијата на Авганистан, што владата го оспорува и не може да биде независно верификувано.

Талибанската офанзива ги загрижува пограничните земји, особено Таџикистан, кој со Авганистан има повеќе од 1.200 километри граница.

Вооружените сили на Таџикистан од денеска се во состојба на готовност, првпат по стекнувањето независност, за да ја проверат борбената готовност, соопшти претседателскиот кабинет.

Во соопштението се прецизира дека 100.000 офицери и војници на таџикистанската армија и 130.000 офицери и војници од резервата низ целата земја се ставени во состојба на готовност.

Инспекцијата е наложена и спроведена од претседателот Емомали Рахмон.

Претседателот пристигна во базата на Националната гарда по завршувањето на тричасовната операција наречена „Граница 2021".

Проверката на борбената готовност опфати и 1.023 парчиња оружје, 3.167 моторни и специјални возила, 447 артилериско оружје, 234 противвоздушни системи и 45 воени и транспортни авиони и хеликоптери.

Обраќајќи им се на војниците, Рахмон истакна дека ситуацијата во Авганистан останува многу тензична и непредвидлива и дека во таа смисла на армијата, како и на другите служби, им е наредено да ја подигнат борбената готовност на највисоко ниво, со цел да се спречат реални и потенцијални закани и да се преземат соодветни мерки за итни случаи.

Германка на 52 години освои олимписко злато, првиот медал го добила пред 21 година

Изабел Верт можеби не е глобално позната спортистка, но таа е убедливо најдобра во она што го работи.

Оваа неверојатна 52-годишна Германка освои злато и сребро во коњички спортови во Токио.

Фактот дека ова биле нејзини единаесетти и дванаесетти олимписки медали во нејзиниот живот, кажува колку е неверојатен нејзиниот успех. Таа го имала својот прв настап на Игрите во 1992 година во Барселона. Освоила седум златни и пет сребрени медали на тој натпревар. Таа освојувала по најмалку два медали на секоја Олимпијада, освен во Атина во 2004 година.

Таа ја потврдила титулата како најуспешна во историјата и на други турнири. Верт освоила 14 златни, пет сребрени и седум бронзени медали на светските првенства. Таа била европски шампион 20 пати, со три сребрени и една бронза.

Изгоре Бугати на познат музичар, вредно 3 милиони долари (ВИДЕО)

Штетата е голема, а поправката ќе биде обемна и пеколно скапа.

На социјалните мрежи се шират снимки од црвено Бугати уништено во пожар, за кое се верува дека е во сопственост на познатиот музичар од Доминиканската Република, Емануел Ерера Батиста, познат под уметничкото име ЕЛ Алфа Ел Џефе.

Црвено-црниот Bugatti Chiron изгоре додека бил паркиран во гаража во Мајами. Двете снимки објавени на Инстаграм од supercar.fails јасно покажуваат колкава е штетата, но и дека огнот не го зафатил соседното црно Ферари.

На на Chiron ќе му треба нов преден капак, браник, тркала, возачка врата и стакло, како и сите делови што ќе останат црни од саѓите. Лесно е да се претпостави дека ќе биде многу поскапо да се поправи оштетувањето на деловите што не се видливи како резултат на изложеност на високите температури.

За среќа во несреќа, автомобилот не изгорел целосно, зашто некој го изгаснал со противпожарен апарат. Исто така, да кажеме дека се уште се трага по сторителот кој го подметнал пожарот.

Како изгледал овој автомобил вреден најмалку три милиони долари, може да се види во следното видео објавено пред неколку месеци. Ако се докаже дека е навистина тој автомобил, тогаш Ел Алфа нема да стане пешак. Имено, покрај Бугати, овој млад човек поседува и Ролс Ројс Кулинан во кој веќе доживеал напад со огнено оружје.

Борис Џонсон и неговата сопруга Кери го очекуваат второто дете

Британскиот премиер Борис Џонсон и неговата сопруга Кери очекуваат уште едно бебе, објавија денеска британските медиуми.

Нивното прво дете, синот Вилфред, се роди во април минатата година, објави Ројтерс.

Медиумите објавија дека Кери им напишала на своите пријатели на Инстаграм дека се чувствува „неверојатно благословена“ што е повторно бремена.

притисни ентер