СЗО: Европа ја губи трката со вирусот

Европа треба „сериозно да ја забрза“ борбата против коронавирусот, а недостатокот на мониторинг на заразените контакти може да ја одвлече болеста во неврат, изјави висок претставник на Светската здравствена организација (СЗО).

Во Европа, ситуацијата е немилосрдно црна и голем број земји објавија рекордни бројки, почнувајќи од Франција, која вчера за прв пат регистрира над 50.000 нови инфекции, а бројот на смртни случаи во Европа го надмина прагот од 250.000.

46-те европски членки во СЗО сочинуваат 46 проценти од вкупните инфекции во светот и скоро третина од сите смртни случаи, изјави Мајк Рајан, главен експерт за итни случаи на СЗО.

„Сега во Европа, заостануваме зад овој вирус и за да излеземе пред него, ни треба сериозно забрзување“, рече Рајан на прес-конференцијата во Женева.

Капацитетите на болниците за лекување на пациенти со ковид-19 во Европа е зголемен, а смртноста е „многу, многу мала“, рече Рајан, заблагодарувајќи им се на здравствените системи и работниците.

„Но, сведоци сме на голем број случаи, сведоци сме на широко распространета инфекција, сведоци сме на многу висока стапка на инфекција и недостаток на капацитети за да се спроведе ефикасно следење на контактите на заразените, што ќе ја однесе инфекцијата во неврат“, рече тој.

"И многу земји сега се соочуваат со низа карантини во следните недели. Сигурен сум дека ниту една земја во Европа или во светот не сака да биде во таква ситуација", рече тој.

Марија Ван Керхове, техничка менаџерка за ковид-19, запрашана за растечкиот број на пациенти во Европа, рече: „Ние сепак се надеваме дека земјите нема да мора да влегуваат во национални карантини“.

Европските лидери денеска предупредуваат за мрачна претстојна зима во услови на нагло зголемување на случаите со ковид-19, што наведува многу земји да воведат нови мерки за борба против вториот бран на пандемијата, објавија агенциите.

Се повеќе земји во Европа и во светот рушат рекорди во бројот на заразени за еден ден. На врвот на рангирањето сеуште се САД со скоро 60.000 нови инфекции во последните 24 часа. Но, со оглед на големината и популацијата, многу е полошо во Франција, каде што бројот за прв пат надмина 50.000 нови случаи.

Во светот досега 42,9 милиони луѓе биле заразени со коронавирус, а 1.151.929 починале.

Веста дека вакцината што ја развиваат Универзитетот во Оксфорд и фармацевтската компанија „АстраЗенека“ предизвикува силен имунолошки одговор и кај постарата и кај помладата популација дава надеж во време кога есента полека се приближува до зимата на северната хемисфера. Но, британскиот министер за здравство Мет Хенкок предупредува дека вакцината сè уште не е развиена во целост и дека нема да биде широко достапна дури ниту следната година.

Светската здравствена организација (СЗО) неодамна соопшти дека очекува смртноста од ковид-19 во Европа да се зголеми во текот на октомври и ноември и дека овие месеци ќе бидат „многу тешки“ во однос на епидемијата.

Бројот на заразени во Европа во моментов е во пораст, предводен од Франција, која имала вчера рекордни 52.010 нови случаи на ковид-19.

Повеќе од 250.000 луѓе починале досега од оваа болест на европскиот континент.

СЗО вчера објави дека е срушен нов рекорд претходниот ден кога станува збор за бројот на коронавирусни инфекции во светот, трет ден по ред.

Според светската статистика на СЗО, 465.319 лица биле потврдени во саботата, 449.720 во петокот и 437.247 во четвртокот.

Владите се очајни да избегнат карантин. Оваа мерка ја ограничи болеста на почетокот на годината, но исто така предизвика големи штети на фармите.Зголемениот број на новоинфицирани лица, а на повидок не се гледа крај, принуди многу земји повторно да прибегнат кон најстрогите епидемиолошки мерки.

„Ни претстојат многу, многу тешки месеци“, рече германската канцеларка Ангела Меркел.

Охрид СОС ја достави до Владата петицијата за спас на Преспанското Езеро

 Здружението Охрид СОС достави 5.522 потписи од петицијата „Барање за преземање итни мерки за спас на Преспанското Езеро" до Владата и Министерството за животна средина и просторно планирање.

Потписите, како што соопшти Здружението, биле собрани во период од 25 септември до 25 ноември, а петицијата е поддржана од 31 граѓанска организација.

– Во прилог кон потписите беше доставен допис, во кој се осврнавме на активностите за кои дознаваме преку соопштенијата на МЖСПП, како и дописот кој Министерството го испрати до нас на 28 септември. Од тогаш, па до денес забележуваме напредок во однос на експертската група, која работи на изготвување акциски план, стои во соопштението.

Забележуваат дека нема информација за трилатералното тело, кое, како што е наведено, треба да работи на координирани мерки и активности со оглед на тоа што Преспанско Езеро припаѓа на три држави. Сооред соопштението на Охрид СОС, не се реализирала ниту најавата за можно прогласување кризна состојба во Преспанскиот слив која била најавена за 1 октомври годинава.

– Го повторивме барањето за посветена страница со сите поврзани документи, тајмлајн, каде секој, во секое време ќе може да се информира за состојбата, најновите сознанија, мерките, што точно се работи и каков е напредокот. Ја реафирмиравме и потребата од прогласување кризина состојба за непречено и ефикасно спроведување на мерките, како и интензивирање на прекуграничната соработка и дефинирање на работни задачи до крајот на годината. Очекуваме акциски план, кој беше најавен за крајот на ноември, а за кој сè уште нема информација, да биде објавен и ставен во акција час поскоро, посочуваат од Охид СОС.

Петицијата, како што е нагласено, е отворена и Охрид СОС повикува на поддршка со цел да се најде одржлив начин на управување за Преспанското Езеро.

Кандидат со име Адолф Хитлер победил на избори во Намибија

На локалните избори во Намбија е избран еден кандидат кој се вика Адолф Хитлер, пренесе германскиот дневник „Билд“.

Овој 54 годишен Намбиац, Адолф Хитлер Уунона, освоил 84,88 отсто од гласовите во дисктиктот Опунџа во регионот Ошана, на сверот од Намибија.

Адолф Хитлер ја започнал својата политичка кариера во партијата „СВАПО“, со која победил на актуелните регионални избори.

Тој за „Билд“ објаснил дека името му го дал неговиот татко.

„Очигледно мојот татко не разбирал кој бил Адолф Хитлер“, реко тој.

Вели дека, додека бил дете, името му било сосема нормално, се додека не пораснал и дозјал чие име носи.

„Со сите тие работи кои ги правел тој човек чие име го носан немам никаква врска“, вели тој.

Во јавноста настапува најчесто како Адолф Уунона изоставувајќи го Хитлер.

Рекол дека името не може да се промени затоа што се наоѓа во сите негои официјални документи.

„За тоа е сега доцна“, додал тој укажувајќи дека името Адолф во Намибија, поранешна германска колонија, било сосема нормално.

Приведен сопственик на угостителски објект од тетовско

Полициски службеници на СВР Тетово во тетовска Мала Речица вчера го лишиле од слобода 39-годишниот З.А. од истото село, сопственик на угостителски објект, затоа што било констатирано дека објектот работи надвор од дозволеното време.

-При заедничка контрола на објектот од полициски службеници и инспектори од Државниот пазарен инспекторат, било констатирано дека објектот на 39-годишниот 3.А. работи надвор од дозволеното работно време, а во него биле затекнати шест гости, се наведува во соопштението на МВР.

Оттаму информираат дека З.А. е задржан во полициската станица во Тетово и против него ќе следува поднесок по член 206 од Кривичниот законик за сторено кривично дело „непостапување според здрaвствени прописи за време на епидемија".

притисни ентер