Светските лидери и ја честитаа на Меркел 15. годишнината на чело на Владата

Германската канцеларка Ангела Меркел доби бројни честитки по повод 15-годишнината од позицијата на чело на владата.

„Германската канцеларка презеде решителни чекори за зајакнување на Европа во време на предизвици и денеска е една од најценетите водечки фигури во светот“, напиша на Твитер претседателката на Централната европска банка, Кристин Лагард.

Поранешниот министер за надворешни работи на Франција, Бернард Кушнер, во написот за францускиот весник „Ле Паризиен“, исто така, ја истакна важноста на Ангела Меркел за Европската унија.

„Таа е без сомнение најголемата политичка фигура во Европа“, рече Кушнер.

Поранешниот француски премиер Жан-Марк Ајро за истиот дневник изјави дека Меркл е „многу трезвена и конкретна“ и дека таа е пример за „германски квалитет“.

Но, тој, како и некои други француски политичари, ја критикуваше нејзината темелност, што понекогаш одзема многу време. „Понекогаш може дури и да ви дојде на нерви затоа што е многу бавна, не е премногу опуштена“, рече Ајро.

Честитки и пристигнаа на Ангела Меркел од женскиот огранок на сопствената Христијанско-демократска унија ЦДУ / ЦСУ.

„Ангела Меркел е поддршка во бурни времиња и е пример за жените ширум светот“, соопшти Унијата на жени преку Твитер.

Десничарската популистичка Алтернатива за Германија (АфД) изрази надеж дека Меркел ќе остане на својата најава за повлекување од политиката кога нејзиниот мандат ќе истече следната година.

„Издржете луѓе, само уште една година“, рече пратеничката на АфД, Јоана Котар, на Твитер.

АфД ги поддржува протестите против коронамерките, кои исто така повикуваат на соборување на владата предводена од Меркел.

Видео: Јелена Карлеуша евакуирана од хотел поради пожар

Српската пејачка Јелена Карлеуша заедно со своето семејство летува во Турција.

Таа на својот Инстаграм профил сподели дека се запалила шумата покрај хотелот во кој престојувале.

Поради ова била побарана итна евакуација на гостите од сите околни хотели.

Јелена Карлеуша целиот настан го снимила и го објавила на Инстаграм, а на видеото можат да се чујат и гласови на други гости од хотелот кои се во паника.

„Нема да верувате што се случува во нашиот фенси хотел, се годи. Само што дојдоа да не евакуираат. Еве, јас сум тука со децата. Да знаете, ова е хаос“, вели Карлеуша додека ги смирува децата.

Инаку шумскиот пожар во Турција започна вчера и го зафати југот на земјата.

Пекинг регистрира прв случај на коронавирус по шест месеци

Пекинг го забележа првиот случај на коронавирус за речиси шест месеци или првиот случај по 179 дена, јави Си-Ен-Ен.

Веднаш по првиот, пријавен е уште еден. Станува збор за маж и жена кои неодамна престојувале во град во провинцијата Хунан, каде се пријавени неколку случаи на инфекција на Делта сојот.

Сите контакти на заразената двојка се ставени во карантин.

За последните 24 часа во Кина се регистрирани 49 нови случаи, додека 86 случаи беа регистрирани претходниот ден.

Седница на ИО на СДСМ: Дефинирани уште пет кандидати за градоначалници

​Вечерва на седница на Извршниот одбор на партијата, беа дефинирани уште неколку кандидати за градоначалници од редовите на СДСМ.

По спроведените испитувања на јавното мислење, по истражувањата и анализите во органите на партијата и секако по консултација со членовите, вечерва дефинирани се дополнителни пет кандидати за градоначалници.

1. Ѕвонко Пекевски – Берово

2. Борис Георгиевски – Гази Баба

3. Јасмина Гулевска – Могила

4. Тони Делков - Неготино

5. Даниел Крстевски - Ранковце

Ова се кандидатите кои Извршниот одбор, раководството на партијата, ги дефинираше заедно со граѓаните и членовите на партијата од овие општини.

Токму граѓаните знаат која личност е најдобрата опција за нив и затоа токму заедно со граѓаните ја создаваме најдобрата кадровска понуда за секоја општина.

Анализите, истражувањата на јавното мислење и консултациите продолжуваат и во овој период. Како што најавивме и претходно, фазно, до крајот на август, ќе ги објавиме кандидатите за сите општини во кои СДСМ ќе настапи со свои кандидати.

СДСМ е и останува прв во промените, прв во храбрите одлуки и чекори и така ќе биде и на овие локални избори.

СДСМ го носи најдоброто за секој општина, најдоброто за нашата држава и тоа е препознаено и од граѓаните.

Затоа расте довербата на граѓаните, затоа СДСМ има убедливо водство на сите релевантни анкети.

Граѓаните знаат дека само со СДСМ е можен развојот на општините, дека само со СДСМ е можен напредокот на државата и затоа на изборите во октомври граѓаните повторно масовно ќе ја дадат довербата на концептите на СДСМ.

Центар за комуникации со јавноста на СДСМ

притисни ентер