Светот во борба против корона вирусот, во САД над 1000 починати

Според СЗО корона епидемијата во Европа стивнува, но состојбата и натаму е алармантна.. ..Во Шпанија уште 498 жртви.. Во САД бројката на починати надмина 1000.

Корона пандемијата во светот и натаму зема замав. Бројот на позитивни случаи надмина половина милион. Над 23.000 пациенти во светот починале од опасниот вирус, а 122 илјади целосно оздравеле.

Состојбата на стариот континент и натаму е најкритична во Италија. Според податоците до 19 часот, регистрирани се нови 6.100 позитивни случаи на корона, а во последните 24 часа починале 712 пациенти. Со ова, вкупната бројка на смртни случаи во земјата надмина 8.200. Втора најкритична земја во Европа е Шпанија каде изминатово деноноќие починале речиси 500 лица, а уште 6.600 се новозаразени.

Загрижувачки пораст на новозаразени повторно има и во САД. Нови 7.500 лица се инфицирани од короната, со што вкупната бројка се искачи на 75.600.

На корона вирусот и денеска не се имуни ниту земјите од регионот. Црниот биланс го предводи Грција која потврди нови 892 заболени, а дополнително починале 26 лица. По неа следува Словенија со 562 новоинфицирани, Хрватска со 495 и Србија со 457 нови случаи.

Инаку земјите членки на Г-20 ќе ја спасуваат глобалната економија со инвестиција од 5 милијарда долари.

Фото: Адријана Лима позира гола под месечевата светлина

Бразилската манекенка Адријана Лима објави нова фотографија на Инстаграм на која позира целосно гола.

Славната манекенка го покажа своето совршено тело позирајќи гола на месечевата светлина.

-Кога ќе се сретнат двете Месечини, напиша Адријана во описот на објавата.

Иако манекенката минатиот месец наполни 40 години, се уште изгледа феноменално и не покажува знаци на стареење.

Фото: Ѓоковиќ со белгиските гимнастичарки стана хит на интернет

Новак Ѓоковиќ повторно воодушеви бројни фанови на спортот ширум светот, неговиот ведар дух и дружељубивост секогаш се препознаваат.

Овој пат тој влегол на тренинг од олимписки гимнастичарки и им се придружил.

На интернет стана хит фотографијата која на својот Инстаграм профил ја објави белгиската олимписка гимнастичарка Нина Дерваел.

На фотографијата Нина вежба пред натпреварот а во изведувањето на шпага и се придружил и Новак Ѓокович и уште некои белгиски натпреварувачки.

„Кога Новак Ѓоковиќ ќе те замоли за фотографија, едноставно не можеш да одбиеш“, напиша Нина во описот на фотографијата.

Насмевнатиот Ѓоковиќ со шпагата ги освои срцата на фановите на белгиската натпреварувачка, а објавата е преполна со позитивни реакции.

Видео: Американски пожарникари возат низ голем пожар

Шумските пожари и понатаму беснеат на западот од САД.

Се бележат рекордни теператури, многу граѓани морале да ги напуштат своите домови, а пожарникарите се борат против пожарите во екстремни услови.

Двајца пожарникари загинале во пад на авион. На северот од Невада, недалеку од границата со Калифорнија, дошло до масовна евакуација поради избивање на пожар предизвикан од гром. Еден пожар создал голем облак од чад и пепел кој во комбинација со временските услови создал сопствени молњи.

Во Орегон пожарот зафаќа површина од 311 километри квадратни.

Пожарникарите објавија снимка од возење во сред пожар. Погледнете ја:

притисни ентер