Македонија

Свештеникот кој ја покрена канонизацијата на Мајка Тереза вели: Таа не правеше разлика меѓу луѓето

Свештеникот Брајан Колодијејчук,кој ја покрена и застапуваше каузата за канонизација на Мајка Тереза, или во римокатоличката црква познат како постулатор, вели дека процесот на канонизација почнал од 1999 година – цели 17 години што вели е долг процес но во историски контекст е релативно кус.

Во интервју за хрватската телевизија Нова, тој објаснува дека било потребно едно чудо за да почне процесот на беатификација , а чудо значи дека господ одговорил на молитвите на Мајка Тереза.

Свештеникот вели дека го запознал мажот од Бразил за кој се верува дека бил извлекуван преку молитвата на Мајка Тереза.

,,Марчило , неговата сопруга и двете деца дојдоа први во Ватикан – тој и своите деца ги нарекува продолжување на чудото бидејќи докторите му рекле дека има помалку од еден процент шанси да стане татко“, вели тој.

Според него, имало и други случаи кои биле анализирани но или немало доволно докази или освен посредството на Мајка Тереза имало и други чинители.

На оние кои ја критикуваа канонизацијата, свештеникот им одговора – „Најпрво треба да ги имате сите факти бидејќи обвинувањата се втемелени на лажни информации – Калкута не е во Њујорк, ниту во Париз и не можете да ги користите стандардите на Америка и Европа и да очекувате иста работа“.

„Интересно е дека и денес во Калкута доаѓаат многу волонтери кои се од различна вера или воопшто не се верници и се многу скептични по прашање на верата, но доаѓаат да помагаат и тоа им се враќа“, вели свештеникот кој додава дека начинот на работа на Мајка Тереза бил таков што им дозволувал на сите да се вклучат во давањето помош..

Македонија

Сообраќајот тековно и без застои

Сообраќајот на државните патишта се одвива непречено, по претежно суви коловози. 

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Патниот правец Охрид – Ресен, преку националниот парк Галичица од 01.04.2024 е пуштен за сообраќај за сите видови возила со вкупна тежина до 3.5 тони.

Македонија

Посебен сообраќаен режим викендов во Скопје поради предизборни митинзи

Поради предизборни митинзи за претседателските избори викендов во централното градско подрачје ќе биде воведен посебен сообраќаен режим. 

Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.

Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.

Од МВР апелираат до граѓаните да ги почитуваат наредбите на полициските службеници.

Македонија

Пожари на диви депонии во Желино и Боговиње

 Два пожара на отворен простор се регистриранио во последното деноноќие, соопшти ЦУК. 

Гореле диви депонии во атар на с.Церово, Општина Желино и над расторанот „Дарданија“ кај с.Боговиње.

Интервенирале пожаникари од Тетово и ренеџер од Наионалниот парк „Шар Планина“. Според последните информции, пожарите се локализирани.

ЦУК апелира за внимателност заради најавените метеоролошки промени со дожд, ветер и снег на повисоките места.

Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.

притисни ентер