Студија во Израел: Две дози од Фајзер вакцината штитат повеќе од 95 проценти

 Две дози од Фајзер вакцината штитат повеќе од 95 проценти, само една доза значително ја намалува заштитата.

Досега најголемата студија за ефикасноста на вакцината на Фајзер/Бионтек против коронавирусот кај општата популација покажа дека вакцината обезбедува повеќе од 95 проценти заштита. Во исто време, таа заштита значително паѓа ако некое лице се вакцинира само еднаш наместо препорачаните две дози.

Авторите на студијата од националната кампања за вакцинација во Израел изјавија дека тоа обезбедува докази од реалниот живот дека пандемијата може да заврши со брзи, глобални програми за вакцинација

Анализата на податоците за јавното здравство од Израел – една од земјите со најголем процент на целосно вакцинирани возрасни – покажа дека вакцината исто така ги заштити старите лица исклучително ефикасно во време кога доминираше позаразната англиска варијанта, според резултатите објавени во медицинскот списание „Лансет".

До почетокот на април, речиси пет милиони луѓе во Израел примија две дози вакцина Фајзер/Бионтек, што е повеќе од 70 проценти од населението.

Студијата покажа дека двете дози обезбедуваат 95,3 проценти заштита од инфекција и 96,7 проценти заштита од смрт седум дена по втората доза. После 14 дена, таа заштита се зголеми на 96,5 проценти, односно 98 проценти.

Но, заштитата е значително помала кога луѓе примиле само една доза на вакцина.

Помеѓу седум и 14 дена по првата доза, се покажа дека заштитата од инфекција е 57,7 проценти и заштитата од смрт 77 проценти.

Авторите нагласуваат дека единечна доза може да обезбеди пократок период на заштита, особено во средина каде што се појавуваат нови вирусни варијанти.

„Важно е што студијата покажува дека две дози на вакцина значително го зголемуваат нивото на имунитет и заштита", наведува Џонатан Бол, професор по молекуларна вирусологија на Универзитетот во Нотингем, кој не беше вклучен во студијата.

„Затоа е важно луѓето да ги добијат двете дози. За време на студијата, пријавени се 232.268 потврдени инфекции со ковид-19, а англиската варијанта Б117 е идентификувана во скоро 95 проценти од тестираните примероци. Регистрирана е 4.481 тешка инфекција и 1.113 смртни случаи. Научниот тим објави дека не може да го проучи влијанието на јужноафриканската варијанта, која беше идентификувана и во Израел.

Најголемата студија за општата популација на Фајзер/Бионтек исто така спроведена во Израел, беше скоро петпати помала и вклучуваше 1,2 милиони луѓе.

Ејал Лешам од медицинскиот центар „Хаим Шеба" и Анелиес Вајлдер-Смит од Лондонското училиште за хигиена и тропска медицина напишаа дека резултатите од студијата „сугерираат дека високата стапка на покриеност со вакцините може да понуди излез од пандемијата".

„За жал, брзата покриеност на ниво на население не може лесно да се повтори во многу други земји", нагласија тие

„Глобалната употреба на вакцини (Фајзр/Бионтек) е ограничена поради проблеми со снабдување, високи трошоци и барања за складирање на екстремно ниски температури.

Јутјуберот, кој не загуби против Мејведер, сега сака во ринг со Тајсон: Ќе го победам

Логан Пол има намера да се врати во рингот против некои од боксерските икони, сега дополнително охрабрен од неодамнешната борба во која не беше поразен во осум егзибициони рунди со Флојд Мејведер.

Ѕвездата на Јутјуб боксуваше пред десет дена со еден од најдобрите боксери на сите времиња во натпревар во кој судиите дозволија нокаут, но не го постигнаа, а бидејќи нокаутот не беше виден, на крајот скапо продадениот меч за плаќање по преглед, му донесе добра заработка на дуото во рингот, а на Пол и дополнителна популарност, што ќе се обиде да ја искористи што повеќе.

Мечот со Мејведер беше само втор за Логан, а во неговиот трет настап во спротивниот агол на рингот сака да го види Мајк Тајсон. И тој е убеден дека може да го победи некогаш најдобриот боксер на светот во тешка категорија, кој наскоро ќе наполни 55 години.

„Некој го спомна Мајк Тајсон. Мојот адвокат ми рече дека не е добра идеја, дека немам шанса и дека ќе ми ја откине главата. Во последно време поминав многу. Не можете да ми кажете дека не можам да го победам Мајк Тајсон. Тој е стар '', сигурен р јутјуберот кој ова го изјави во подкастот Impaulsive.

Логан бил критикуван по мечот против Мејведер, борец кој ја заврши својата кариера со 50 победи од ист број натпревари, затоа што барал премногу спас во клинчот за време на егзибицискиот натпревар.

Во Русија се избришани 150 сајтови на кои се нудат лажни сертификати за вакцинација

Оваа година, руското тело за надзор на телекомуникациите блокирало или избришало 150 страници со реклами и понуди за лажни сертификати за вакцинација против ковид-19, соопштило денеска надзорното тело за агенцијата ТАСС.

„Во 2021 година, врз основа на судски одлуки или барања за гонење, околу 150 сајтови во Русија беа затворени или блокирани затоа што нудеа лажни сертификати за вакцинација“, се вели во соопштението на надзорниот орган.

Сè на сè, од почетокот на 2020 година, повеќе од 1.000 материјали што содржат лажни информации за коронавирусот биле избришани или блокирани.

Македонски државјанин е фатен во Драч со 300 килограми кокаин (ВИДЕО)

Во Драч, Албанија биле откриени и запленети околу 300 килограми кокаин, скриен во кутии со логоа на Чикаго Булс, Пари сен Жермен и Диор, при контрола на македонски камион што превезувал железо.

Информацијата е објавена и на официјалниот фејсбук профил на албанската полиција.

Дрогата била сокриена во камион со македонски ознаки, што требало да замине за Италија. Како што информираат од албанската полиција, со камиотнот управувал македонскиот државјанин 40-годишниот Н.А. кој веднаш бил уапсен.

Според албанските медиуми , возачот на камиониот е македонскиот државјанин Назиф Ајроски , а дрогата требало да стигне во Неапол , Италија. Тој во полицијата рекол дека е само возач и дека не знаел дека во камионот имало дрога. Рекол дека со години превезува градежни материјали на меѓународни рути и не е поврзан со никаков транспорт на дрога.

Кокаинот бил спакуван во пакети со лого на светски познатите брендови „Чикаго Булс“, „Кензо“, „Диор“, како и под логото на францускиот ПСЖ.

притисни ентер