Струмица е меѓу најзагадените во светот, следете во живо во реално време

Воздухот во Струмица е меѓу најзагадените во светот, а според онлајн платформата „Уаки-инфо“е меѓу првите 20 на листата.

Поради енормното загадување на воздухот во Струмица претходните два дена, од денеска стапуваат на сила мерки препораките и мерките за надминат праг на алармирање на суспендирани честички пм 10..

Министерството за животна средина информрише дека тие се активираат откако вчера и завчера, вредноста на канцерогените честички го надминаа прагот од 150 mg/m3 и добиената временска прогноза од Управата за хидрометеоролошки работи....

Препораките предвидуваат ослобидување од работни обврски на бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар. Исто така се предидвува и работното време за сите што работат на отворено да биде од од 11.00 до 17.00 часот, а се препорачува и да не се организираат спортски натпревари и други културни манифестации на отворено.

Меѓунајзагадените градови во светот и понатаму е и Скопје, покажуваат податоците на „Ајкјуер“, специјализираната интернет страница. Ветерот само малку го спушти Скопје на листата на градови со најзагаден воздух во светот... Откако синоќа повторно главниот град беше еден од првите 10 градови, утрово забележан е благ пад на 21-то место... Екстремно загадување се бележи и во Кавадарци..

Според податоците објавени на веб-страницата, индексот на загаденост изнесува 95 а Скопје денес е рангирано на 17 место.

Според податоците, во воздухот е измерена значителна количина на ПМ 2,5 честички, односно шест пати над дозволената граница според стандардите на Светската здравствена организација.

Први на листата во континуитет се Делхи, Индија и Карачи, Пакистан.

Загаденоста на воздухот во реално време може да ја следите преку „Уаки инфо“ на следниот ЛИНК.

ЦУК: Спасен овчар заглавен на речен остров во водите на Црна Река

Спасен е овчар заглавен на речен остров во надојдените води на Црна Река, заедно со неговите стотина овци, соопштија вечерва од Центар за управување со кризи.  

Оттаму нагласија дека сега овчарот и овците се на безбедно место, откако се намалило нивото на водата и тие биле евакуирани.

- Центарот за управување со кризи известува дека од единствениот број за итни случаи 112, до Секторот за операции и координација, во 17:32 часот добил информација за заглавен овчар среде Црна Река, со неговите стотина овци, на мало островче на 200 метри лоцирано под селото Манастирец во општина Росоман. Реката била надојдена заради зголемен проток при производство на електрична енергија од страна на АД „ЕЛЕМ“ ПО „ХЕЦ Тиквеш Водостопанство Тиквеш“. ЦУК презеде координативни активности за да се запре протокот на вода од Акумулација „Тиквеш“ и да се намали нивото на реката, соопштија од Центарот.

Од ЦУК веднаш биле преземени сите неопходни мерки.

- Овчарот чекаше нивото на реката да се намали за заедно со неговите овци да се засолни на безбедно место. При ваков случај, било потребно три до четири часа да се намали нивото на водата. Инаку, на лице место е испратена екипа на МВР – ПС Кавадарци, а во контакт со градоначалникот на Општина Росоман е добиена потврда дека и од таму ќе биде пратена екипа, информираа од ЦУК.

Видео: Пагани вреден два милиони снимен на поплавените улици во Дубаи

Велат дека е тенка линијата помеѓу храброста и глупоста.

Веројатно веќе сте виделе снимки од поплавениот Дубаи на социјалните мрежи - градот се соочи со рекордни врнежи од дожд, но ниту тоа не можеше да го спречи возачот на „Pagani Utopia“ на патот до целта.

Возилата вредни повеќе од два милиони евра најчесто се заклучуваат некаде за случајно да не се оштетат. Меѓутоа, овде тоа не беше случај.

Се гледа дека возачот на почетокот малку се двоумел, но на крајот храбро решил да помине низ поплавените улици. Тој ризикуваше, може да тргне наопаку и да го чини десетици илјади поправки, со оглед на тоа што автомобилот е речиси „залепен“ за земја.

„Pagani Utopia“ е многу ретка глетка, бидејќи се направени само 99 примери. Сите имаат твин-турбо 6.0-литарски AMG V-12 мотор кој испорачува 852 КС. Претпоставуваме дека нема оштетувања на болидот, но сепак треба да се признае за храброста (или лудоста) на овој возач.

Извор: Б92

Жителите на Канарските острови демонстрираа против масовниот туризам

 Десетици илјади луѓе демонстрираа денеска на шпанските Канарски острови во знак на протест против масовниот туризам на архипелагот во Атлантскиот Океан во близина на брегот на Африка.

Според полицијата имало 20.000 луѓе, а според организаторите 50.000 во поворки низ улиците на градовите на Канарските острови, кои свиреле и извикувале слогани против неограничен туризам.

Демонстрантите носеа натписи „Жителите на Канарските острови не се на продажба“, „Мораториум на туризамот“ и „Почитувај го местото каде што живеам“.

За организаторите на демонстрациите, сегашниот економски модел е штетен и за жителите и за животната средина. Бараат надлежните да го ограничат бројот на туристи.

„Ние не сме против туризмот. Само бараме да го сменат сегашниот модел кој овозможува неограничен раст на туризмот“, рече еден од демонстрантите.

Насобраните бараат да се запре изградбата на два нови хотели на Тенерифе, најголемиот и најразвиениот од седумте острови на архипелагот, а жителите да имаат право на глас при донесувањето одлуки за развој на туризмот.

Демонстрации на поддршка беа одржани и во Мадрид и Барселона.

Сместени на брегот на Северна Африка, Канарските Острови привлекуваат туристи со нивните вулкански пејзажи и сончеви плажи. Архипелагот со 2,2 милиони жители лани примил 16 милиони туристи.

Една четвртина од населението работи во туризмот, што носи 36 отсто од бруто домашниот производ (БДП). /МИА

притисни ентер