Странски дипломати остварија средби со соборениот судански премиер Хамдок

 Странски дипломати се сретнаа со соборениот судански премиер Абдула Хамдок во главниот град Картум, потврди мисијата на ОН во оваа африканска земја, јави ДПА.

Претставници на делегацијата на ЕУ во Судан, како и на амбасадите на Германија, Франција, Велика Британија, САД и други земји имаа средба со Хамдок во неговата резиденција, соопштија доцна синоќа тие во заедничка изјава на Твитер.

„Задоволство ми е што го пронајдовме во добра здравствена состојба. Продолжуваме да повикуваме на целосно враќање на неговата слобода", се наведува во изјавата на Твитер од Мисијата на ОН за асистенција на интегрираната транзиција (УНИТАМС).

Во изјавата објавена од амбасадите на САД и ЕУ во Судан, дипломатите соопштија дека е „огромно е задоволството на амбасадорите во Картум да можат да комуницираат со премиерот", додаде германската агенција.

ДПА потсетува дека суданската војска во понеделникот ја презеде власта во оваа источноафриканска земја по долгиот период на интензивна политичка криза, во која имаше и улични демонстрации со кои се бараше војската да го прекине своето учество во владата.

Генералот Абдел Фатах ал Бурхан, кој претходно ја предводеше преодната влада, заедно со Хамдок, во понеделникот објави дека цивилната влада е распуштена и дека е прогласена вонредна состојба.

Видео-Фото: Ибра како вистински борец

Еден од најдобрите светски фудбалери во последните две децении, асот на Милан Златан Ибрахимовиќ покажа дека и со 40 години е вистински „ѕвер“.

Популарниот Ибра покажа дека со право не само што е мајстор со фудбалската топка дека е мајстор и во боречките вештини.

Шведскиот фудбалер со потекло од Балканот покажа и докажа зошто е носител и на црн појас.

Ибра како вистински ММА борец ја растури боксерската вреќа.

За Златан дефинитивно годините се само бројка.

Заради промоција на спортот, Златан има почесен црн појас во теквондо, кој во 2010 година му го додели олимпискиот шампион Мауро Сармиенто. Повеќе од десет години подоцна, Ибрахимовиќ се уште удира многу силно.

Најпродаваните автомобили во Европа

Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Нарушувањата во производството на нови автомобили поради недостаток на чипови се веќе познати и поради тоа фаворитите во продажба од месец во месец изгледаат поинаку. Со години првото место беше резервирано за „Volkswagen Golf“, а во октомври не е ниту меѓу првите десет во Европа, според „JATO Dynamics“.

Првото место сега го има одличниот мал „SUV Peugeot 2008“ (18.109 продадени примероци), втор е „Renault Clio“ (14.639), потоа „Dacia Sandero“ (14.034), „Peugeot 208“ (13.978), на петтото место е „Ford Focus“. (12.704)…

Голфот испадна од првите десет - продадени се нешто повеќе од 11.000 возила. Поради недостиг на чипови, фабриката на Фолксваген во Волфсбург, Германија, работи на ниво кое не е забележано од 1958 година, пишува магазинот ХАК.

Санкционирани 78 возачи на автопат Велес – Скопје – Куманово

 На автопатот Велес – Скопје – Куманово при зајакната акциска контрола денеска се санкционирани 78 возачи кои возеле со брзина поголема од дозволената, информираат од Министерството за внатрешни работи.

Од нив, 22 возилa се движелe со брзина над 50 километри на час повеќе од дозволеното, а шест возила се движеле со дури над 70 километри на час повеќе од дозволената брзина.

Од МВР посочуваат дека засилените акциски контроли продолжуваат и во наредните денови и апелираат до сите учесници во сообраќајот да ги почитуваат сообраќајните правила и прописи со цел заеднички придонес за побезбедни патишта.

притисни ентер