Стопанска комора: Како ќе изгледаше економијата ако се прифатеа сите иницијативи и приоритети

Стопанска комора: Како ќе изгледаше нашата економија ако се прифатеа сите иницијативи и приоритети на Комората.

Во Монографијата за Стопанската комора на Македонија ќе ги најдете на едно место сите најзначајни иницијативи кои оставиле белег во македонската економија изминатите дваесетина години, но и Моделот за нов економски развој кој го предложи Комората уште во 2010 година

Малкумина денес знаат дека постојните законски решенија за бројни суштински прашања во нашата држава се иницирани, барани или воведени како резултат на упорните настојувања на Стопанската комора на Македонија во изминатите 100 години, со цел поттикнување на економскиот раст и развој и создавање поволни услови за водење бизнис. Ако се наведат сите иницијативи, сигурно дека ќе бидат потребни уште стотоци страници, па затоа во Монографијата се одбрани најсуштинските.

Напоменуваме само мал дел од нив: воведување рамен данок, систем на исплата на бруто-плати, примена на интегрираното гранично управување, барање за дијагонална кумулација на потеклото, целосно почитување на законскиот рок за враќање на данокот на додадена вредност, координирано и флексибилно дејствување на инспекциските служби, поволни кредитни линии за поттикнување на производството и на извозот, легализација на земјиштето каде што има диви градби, а каде што нема детален урбанистички план, подобрување на ликвидноста на стопанството преку подмирување на обврските од јавниот спрема приватниот сектор, да се зголеми мрежата на гранични премини на кои може да се врши 24-часовно царинење секој ден од неделата, реконструкција и за модернизација на железничкиот коридор 10, инвестиции за намалување на увозната зависност од енергенси и за создавање перспективи за одржлив економски развој (барање од 2010 година), интензивирање на активностите за гасификација на Македонија (барање од 2007 година), мерки за окрупнување на земјоделскиот посед…

И, секако, тоа не е се… новите структури во Комората ги сублимираа главните приоритети, од кои некои се со постар датум, некои се понови, но скоро сите се и денес актуелни прашања, кои никогаш не забораваме да ги повториме. Во монографијата ќе прочитате и за нив, а ги претставуваме најзначајните: заокружување на темелните приницпи на пазарната економија, задолжителна консултација на бизнисот при донесување на законите, создавање кадар во согласност со потребите на бизнисот, јакнење на независноста на регулаторните тела, законско нормирање на холдингот, менување на системот на јавните набавки, реогранизација на МБПР, воведување даночен календар, непречено извршување на парични побарувања спрема субјектите од јавното право, ревидирање на системот на парафискални давачки, имплементација на електронската фактура, ревидирање на царинските стапки, гасификација, брзи процедури за градежни дозволи, регистрација на електронските портали, поддршка за бизнисот преку мерки за надеминување на последиците од Ковид и Пост-Ковид периодот…. да се реализираа сите овие приоритети, сигурно ќе се оствареа и основните цели од предложениот модел за економски развој на Комората! Повеќе за тоа прочитајте во Монографијата.

Стопанската комора на Македонија во 2010 година понуди модел за нов економски развој, кој сегментарно беше прифаќан во изминатите години, но не успеа да доживее сериозна расправа во државата како вкупна стратегија. Стопанската комора на Македонија го отвори прашањето на новиот модел за економски раст, водејќи сметка и почитувајќи го постигнатото на сите досегашни влади и државни институции, во многу тешките услови на дејствување (осамостојување на земјата, ембарга, блокади, воени дејствија, кризи). Притоа, клучната деловна асоцијација во земјава очекуваше нејзиниот предлог за нов модел на економски развој да резултира со мерки и активности кои сублимирано ќе донесат значаен економски благодет за земјата, базирајќи се на следните цели:

1. Домашните и странските инвестиции да бидат двигатели на растот;

2. Да се зголеми извозот на конкурентни производи за одржлив развој;

3. Приватниот сектор да стане стожер на економскиот раст и да ја апсорбира високата невработеност;

4. Динамичниот економски раст да резултира со функционално интегрирање на земјата кон ЕУ и зголемен животен стандард;

5. Да се модернизира инфраструктурата и да се намали енергетската зависност на земјата.

И на крајот, останува пак да се запрашаме: КАКО ЌЕ ИЗГЛЕДАШЕ НАШАТА ЕКОНОМИЈА АКО СЕ ПРИФАТЕА СИТЕ ИНИЦИЈАТИВИ, ПРЕДЛОЗИ, БАРАЊА И ПРИОРИТЕТИ НА КОМОРАТА?

Стопанска комора на Македонија

Го сретнал Бруклин Бекам во скап автомобил и го прашал како го заработил,одговорот е хит(ВИДЕО)

Бруклин Бекам стана предмет на потсмев откако тврдел дека неговата кариера како „готвач“ на социјалните мрежи му го овозможила неговиот луксузен спортски автомобил.

ТикТокерот Даниел Мек неодамна го фатил најстариот син на мултимилионерите Дејвид и Викторија Бекам додека крстарел низ Беверли Хилс со неговиот црвен Мекларен П1. Мек, кој е снимен како ги прашува случајните возачи на скапи возила како ги купиле, истото возбудено го прашал и Бруклин, кој често објавува видеа како готви разни јадења дома.

"Еј човеку! Како заработуваш за живот? Твојот автомобил е одличен!" прашал Мек, кој на врвот на клипот напишал дека автомобилот чини неверојатни 1,2 милиони долари и дека се направени само 375 примероци.

„Хм, јас сум готвач“, одговорил Бруклин. „Ти си готвач! Навистина? Дали си најдобриот готвач на светот? Мек го праша, што го поттикна Бруклин да одговори: „Се обидувам да станам“.

"Само следете ја вашата страст. Што и да ве прави среќни, само продолжете да го правите тоа!" Бруклин им даде совет на оние кои сакаат да влезат во кулинарскиот свет. Како тонот на Мек во видеото да не беше доволно исмејувачки, бројни корисници под неговата објава оставиле саркастични коментари за младиот богаташ.

„Како се заработува за живот? „Моите родители се богати, па јас некако живеам“, „Како се живее? „Јас сум роден“, „Никогаш во животот не работел смена во ресторан“, „Роден во мултимилионерско семејство, а сега е оженет со ќерка на милијардер. Но, тој е готвач!“ се само дел од коментарите на видеото на популарниот тиктокер.

@itsdanielmac Bruh What Even Is A “Chef Name 😅💀@brooklynbeckham #mclarenp1 #p1 ♬ original sound - DANIEL MAC

Бруклин моментално има посериозни проблеми отколку саркастичните коментари од корисниците на социјалните мрежи. Имено, синот на познатиот фудбалер моментално е среде студена војна помеѓу неговата мајка и неговата сопруга Никол Пелц.

"Тие не се поднесуваат и не разговараат. Планирањето на венчавката се одвива во страшна атмосфера. Никола не сакала нејзината идна свекрва да има никаква врска со планирањето на свадбата и таа не сакала да ја вклучам во било што. Комуникацијата беше минимална“, изјави неодамна извор за проблемите меѓу мајката и сопругата на Бруклин.

Мисајловски од Маврово Ростуше: Граѓаните во сабота масовно да го поддржат Мевмед Џафери

Потпретседателот на ВМРО-ДПМНЕ Владо Мисајловски денеска беше во Маврово Ростуше, се наведува во партиското соопштение.

Денеска ги посетивме Сретково, Врбен и Маврово.

Четири години беа сосема доволни за граѓаните да видат дека актуелната локална власт предводена од актуелниот кандидат на СДСМ немаат квалитет да го подобрат животот во оваа општина.

Во сабота граѓаните на Маврово Ростуше масовно ќе го поддржат концептот на ВМРО - ДПМНЕ за промени и проекти кој веќе со месеци се имплементира во најголемиот дел од општините во Република Македонија.

На 20-ти август Др. Мевмед Џафери убедливо ќе победи, а од наредниот ден ќе почнеме со многу работа да го средуваме Маврово Ростуше, општина која е национална гордост.

Разбиена е „крофна мафија“ на Халкидики, се води војна меѓу албански и бугарски кланови (ВИДЕО)

Грчките медиуми објавија документи за операциите на „крофна мафијата“ на плажите на Халкидики, чии членови неодамна биле уапсени од грчката полиција.

Како што пренесуваат медиумите во Грција, членовите на криминалната организација ги принудувале луѓето на кои им биле потребни пари да продаваат крофни на екстремно високи температури, а потоа им земале поголем дел од пазарот, често со физичка принуда. Од производителот наводно ги купиле крофните за 50 центи, на продавачот му дале 50 центи, а добивката од едно или две евра одела во џебовите на организаторите на „акцијата“.

Просечно продавале околу 600 крофни дневно, а заработката изнесувала меѓу 600 и 1.200 евра, во зависност од тоа дали една крофна чини две или три евра. Споменатото апсење не е прв случај на апсење на членови на „крофна мафијата“ во Грција. Минатата година грчките медиуми објавуваа за оваа криминална група, наведувајќи дека на овој дел од грчкото крајбрежје се водат вистински војни меѓу „клановите“ на продавачи на крофни. Војната главно се води меѓу бугарски и албански граѓани, кои сакаат да го постигнат приматот во продажбата на крофни на плажите на Халкидики, пишуваат медиумите.

„Слушнав истрел и некој рече дека ќе земе граната. За среќа, луѓето излегоа и бев спасен“, е сведоштвото на четириесет и четиригодишен Грузиец кој бил жртва на напад на плажа на Неа Мармарис на Халкидики.

Странец кој живее во Грција во последните 25 години и продава крофни, преку своето сведочење, што го откри грчкиот портал „protothema.gr“, го опиша нападот на „мафијата за крофни“ На празна улица во Никити, четири непознати мажи се забарикадирале се неговиот автомобил, го паркирале возилото, црн „фолксваген“ туарег со покриени регистарски таблички, му го попречиле патот.

„Сигурен сум дека ме нападнаа затоа што продавав крофни на плажите на Халкидики“, додава тој.

Од автомобилот излегле четири лица, кои заедно со уште двајца поминале покрај автомобилот на продавачот на крофни и почнале да го удираат. Истовремено, дел од сторителите фрлале камења кон жртвата при што ги оштетиле стаклата на возилото. Додека жртвата постојано била удирана со тупаници, видел како еден од нив вперил пиштол кон него и пукал. Куршумот не го погодил, додека веднаш по пукањето слушнал како еден од напаѓачите вели: „Земете ја гранатата и одиме“.Потоа сторителите побегнале со автомобил кон плажата.

„Сите излегоа и застанаа до моето возило. Се обидоа да ја отворат вратата, но прво не успеаја. Потоа еден почна да фрла по мене со големи камења, друг ме удри со тупаница по лицето, додека третиот ме клоцна по ребрата.Ја покрив главата со рацете бидејќи силно ме удираа.

Одеднаш слушнав истрел и луѓето кои дотогаш ме удираа одеднаш рекоа некој да ја најде и да ја земе гранатата. За среќа, луѓето излегоа на балконите и терасите, тие влегоа во Туарегот и отидоа на плажата Никити“, го опишува нападот Грузиецот.

Во контекст на претресот на возилото, идентификуван е обвинетиот К., за кој се вели дека е мозокот на организацијата „крофна мафија“.Туарегот што го управувал имал траги од удар на предниот десен браник, што ја потврдува жртвата и описот на вмешаноста на возилото во нападот врз него. Во автомобилот бил пронајден нож со сечило од 6,5 сантиметри. При усен распит, К. признал дека учествувал во нападот на четириесет и четиригодишникот и конкретно признал дека го удрил двапати по лицето, но негирал дека пукал и вмешал други луѓе.

Како причина за инцидентот, тој навел претходен, несреќен, полесен судир меѓу неговото и оштетеното возило, за кое изјавил дека не знаел, па успеал да ги убеди истражителот и обвинителот да го ослободат под рестриктивни услови до судењето. Наводниот водач на бандата и извршител на нападот и претходно ги загрижил властите бидејќи против него е поведена постапка за повеќе тешки кривични дела, како што се разбојништво, изнуда, киднапирање, кражба, кражба на животни, прекршоци со оружје, како и за телесни повреди и закани .

Како што пишуваат корисниците на социјалната мрежа Фејсбук во групата „Во живо од Грција“, оваа приказна продолжила и оваа година. Уапсени се сите членови на криминалната организација, околу дванаесет, чиј лидер бил триесет и деветгодишен Грк. Оваа група принудувала странци да продаваат крофни во нивно име на 19 плажи на Халкидики. Тие се уапсени на возраст меѓу 17 и 52 години, пишуваат медиумите.

Со закани по живот, физички казни, вклучително и споменатото пукање минатата година, успеале да ги растераат и другите продавачи на брза храна по плажите. Истовремено уценувале и изнудувале барови на плажа и ресторани за брза храна. Како што јавија медиумите, констатирано е дека во најмалку седум случаи членови на споменатата криминална група употребувале закани по живот, нанесувајќи и физички повреди и огнено оружје против други.


притисни ентер