Македонија

Столтенберг очекува сите членки на НАТО да го потпишат протоколот

Столтенберг очекува сите членки на НАТО да го потпишат протоколот за прием на Македонија.. Изрази очекување дека сите 29 членки ќе го потпишат протоколот, по што како што рече, Скопје ќе учествува на двата претстојни состанока на НАТО.

Од Романија каде што е во работна посета, генералниот секретар на НАТО кажа дека очекува сите земји членки да го потпишат протоколот за нашето членство во Алијансата. Столтенберг вели дека е убеден дека ниедна од 29 членки, нема да го забави процесот, по што земјава или како што ќе бидеме заведени и во НАТО Северна Македонија, ќе биде 30тата држава членка на најсилниот воен сојуз на светот. Тоа според генералниот секретар ќе значи зацврстување на мирот на Балканот и стабилизирање на регионот.

Во меѓувреме тече процедурата преку потпис да се дава и формално одобрување земјава да го финишира процесот на интеграција во Алијансата. По бугарската, денес и германската Влада преку својот портпарол информираше официјален Берлин дал согласност за прием на Македонија во НАТО, а дополнително ќе се заложи овој процес да заврши што е можно побрзо

„Пристапот кон нато ќе влезе во сила откако сите држави-членки на НАТО поединечно ќе ја достават информацијата дека го ратификувале пристапниот протокол. За таа цел, во Германија потребен е Закон за договор. Сојузната влада ќе се залага за брзо донесување на овој Закон за договор. Од моментот кога пристапниот протокол ќе биде потпишан во Брисел, Северна Македонија ќе има статус на набљудувач во Алијансата.

Откако ќе заврши процесот на одобување на протколот да почне процедурата за ратификација на истиот во парламентите на членството во НАТО. Има држави каде што ова ќе помине брзо, но има и такви парламенти каде што процедурата е по комплексна, како во случајот со Канада и Белгија. Целата оваа процедура на пример за Црна Гора траеше една година, но во случајот со земјава, информациите се ќе биде многу побрзо.

Инаку, членството на Македонија во НАТО беше и причина за коментар портпаролката на Руското МНР Марија Захарова, која на брифинг со новинарите повторно обвини за мешање на западните земји во решавањето на спорот за името, а според неа тоа се прави со единствена цел ,да се внесат Скопје во НАТО.

Свет

Вооружените сили на Хондурас заплениле 2,7 тони кокаин, наменет за американскиот пазар

Вооружените сили на Хондурас соопштија дека заплениле 2,7 тони кокаин скриен во два глисери.

Запленети се вкупно 2.760 пакувања со дрога, тешки по еден килограм“, потврдил портпаролот на вооружените сили на Хондурас, Сантос Ноласко, пренесува парискиот весник „Фигаро“.

Дел од дрогата бил закопан на плажа на Карибите, а потрагата продолжува за да се најдат други пакети скриени во областа, рече Ноласко.

На 24 март, поморските сили на малата централноамериканска земја заплениле повеќе од 1,3 тони кокаин и уапсиле 10 осомничени шверцери на дрога кои дејствувале во регионот на Карибите.

Од 1970-тите, Хондурас е транзитна рута за кокаин од земјите производители во Јужна Америка до САД, но во јануари 2022 година, по доаѓањето на власт, новиот претседател Ксиомара Кастро вети дека ќе се бори против трговијата со дрога.

Неговиот претходник, Хуан Орландо Хернандез, беше екстрадиран и приведен во САД набргу откако тој ја напушти претседателската функција.

На крајот од историското судење, федералната порота во Њујорк на 8 март го прогласи Хернандез за виновен за олеснување на увозот на 500 тони кокаин во Соединетите држави помеѓу 2004 и 2022 година.

Хуан Ернандез ќе биде осуден на 26 јуни и се соочува со доживотен затвор.

Македонија

ДИК со последни подготовки пред утрешниот изборен ден

Речиси 7.000 болни и изнемоштени лица, затвореници во казнено-поправните домови и лица во притвор, оние во старечките домови, како и нашите државјани во странство, денеска гласаат, ден пред утрешните претседателски избори.

Гласањето на болните и немоќни лица, во ДКПта и казнено-поправните домови се одвива без проблеми, а Државната изборна комисија е целосно подготвена и за утрешниот изборен ден- соопшти првиот човек на ДИК Александар Даштевски. Резултатите од гласањето на овие категории на граѓани кои традиционално го остваруваат гласачкото право ден пред сите останати, ќе се пребројат и ќе се објават комплетно по завршување на изборниот молк утревечер. Од ДИК велат дека за следење на овие претседателски избори, освен домашните, интерес покажале значителен број и странски организации и медиуми.

Од Државната изборна комисија соопштија дека во Избирачкиот список за овие избори се запишани вкупно 1.814.317 гласачи. Во дипломатско конзуларните претставништва гласаат 2569 граѓани, од казнено-поправните установи 2147 лица, а во своите домови гласачкото право имаат можност да го остварат близу 7000 лица кои се пријавиле како болни и немоќни.

Автомобилизам

Се намалува цената на електричните автомобили, некои се поевтини и за 2.000 евра

Портпаролот на Tesla денеска изјави дека компанијата ќе ги намали цените на некои модели на автомобили во одредени земји во Европа, вклучително и Германија, како и на Блискиот Исток и Африка.

Во Германија цената на моделот 3 со погон на задните тркала паднал од 42.990 евра на 40.990 евра, пренесува Ројтерс.

Таа компанија, чиј основач и директор е милијардерот Илон Маск, претходно најави намалување на цените во Кина и САД.

Така, во САД цените на трите модели ќе бидат за 2.000 долари пониски, а Model Y ќе чини 42.990 долари, Model S 72.990 и Model X 77.990, пишува ABC News.

На 15 април Маск објави дека 10 отсто од вработените во компанијата ќе бидат отпуштени.

Компанијата Тесла на почетокот на април објави дека испорачала 386.810 возила во првиот квартал од 2024 година, што е за 8,5 отсто помалку во споредба со истиот квартал минатата година, објавија медиумите.

На квартално ниво, испораките на возила на Tesla паднаа за 20 отсто во споредба со четвртиот квартал од 2023 година.