Столтенберг- Џафери: Македонија наскоро да стане земја-членка на ЕУ

Во рамките на официјалната посета на Македонија, претседателот на Собранието, Талат Џафери, оствари средба со Јенс Столтенберг, Генералниот секретар на НАТО.

На средбата присуствуваа и потпретседателите на Собранието, Горан Мисовски и Хусни Исмаили, амбасадорот на Македонија во НАТО, Дане Талески, координаторите на пратеничките групи на СДСМ, Јован Митрески, на ВМРО-ДПМНЕ, Никола Мицевски, на ДУИ, Арбер Адеми, на Алијанса за Албанците, Атнан Незири и генералната секретарка на Собранието, Цветанка Иванова.

Џафери, во име на пратениците на Собранието, му посака на генералниот секретар на НАТО, Столтенберг, топло добредојде во законодавниот дом и му се заблагодари за негувањето на посветен однос кон секоја земја-сојузник во Алијансата, но и кон земјите аспиранти. Со оваа Балканска турнеја, тоа се докажа уште еднаш. Тој го информираше соговорникот за преземените и реализираните обврски на државата како НАТО сојузник во солидарната и воена помош кон Украина, за приклучувањето кон санкциите кон Русија, како и кон осудата на територијалните претензии и анексијата на Крим од страна на Русија. Нашето Собрание беше меѓу првите кое формираше Интерпартиска парламентарна група за поддршка на Кримската платформа, преку чии активности даваме безрезервна поддршка и на меѓупарламентарен план.

Генералниот секретар Столтенберг се заблагодари на укажаната можност да сподели видувања за актуелните безбедносни предизвици, сега кога се очекува од сите НАТО сојузници цврсто да стојат рамо до рамо заедно во овој непредвидлив свет, за да се заштитат и одбранат од напади. Упати честитки до нашата земја за храброста и визијата што доведе до нејзино полноправно членство во НАТО, што овозможи не само безбедност за нејзините граѓани, туку и економска стабилност и раст на државата. Ја пофали Северна Македонија за солидарната помош за Украина, за обезбедувањето на 2% од БДП за одбраната, како и за придонесот кон НАТО мисиите, кој е високо вреднуван од страна на сите НАТО сојузници.

Соговорниците споделија очекувања дека Македонија наскоро ќе стане земја-членка на ЕУ, покажувајќи спремност и визија сите политички фактори во земјата да придонесат во светлата иднина на граѓаните на оваа земја, на сегашните и идните генерации.

По средбата, Столтенберг се обрати пред пратениците во Собранието, се наведува во сооштението.

Русија ја престигна Америка во испораката на гас

 Во мај Русија ја престигна Америка по количината на извезен гас во Европа, за прв пат по речиси две години.

Во мај Русија ја престигна Америка по количината на извезен гас во Европа, за прв пат по речиси две години, и покрај напорите на регионот да се ослободи од зависноста од фосилните горива, пишува „Фајненшл тајмс“.

„Изненадувачки е да се види дека увозот на руски гас во Европа е зголемен по сите напори и напори да се намали зависноста од енергетските извори од таа земја“, истакнал пазарниот аналитичар од ИЦИС Том Марзек-Менсер.

Британскиот весник потсетува дека по почетокот на конфликтот во Украина во февруари 2022 година, Русија ја намали испораката на гас во Европа и регионот престана да го увезува овој енергенс, кој потоа се испорачува со специјализирани бродови од Америка. Во септември 2022 година, Америка ја престигна Русија во количината на извезен гас во Европа.

Сепак, според податоците на ИЦИС, минатиот месец испораките на руски гас и течен гас учествуваа со 15 отсто од вкупниот извоз во ЕУ, Велика Британија, Швајцарија, Србија, Босна и Херцеговина и Македонија, пренесува Капитал.

Истите податоци покажуваат и дека течниот гас од Америка учествува со 14 отсто во регионот, што е најниско од август 2022 година.

Мицкоски за кадровските решенија во владата од коалицијата „Твоја Македонија“

Изјава на мандатарот за состав на влада и лидер на ВМРО-ДПМНЕ Христијан Мицкоски за кадровските решенија во новата влада од коалицијата „Твоја Македонија“, што вечерва беа потврдени од Извршниот и Централниот комитет на партијата. 

Гордон Ремзи имал тешка сообраќајна несреќа со велосипед,ги покажа модринките

Светски познатиот готвач Гордон Ремзи објави видео на Инстаграм во кое откри, како што самиот вели, „лоша несреќа“ додека возел велосипед во Конектикат.

Во видеото, Ремзи се „пофали“ со своите модринки добиени во велосипедската несреќа.

„Доаѓа Денот на татковците и имам важна порака за сите татковци... Носете кацига! рече тој, додавајќи дека се чувствува добро и дека не се здобил со сериозни повреди, но дека телото му е покриено со модринки, поради што изгледа „како виолетов компир“. На крајот им се заблагодари на персоналот во болницата каде што престојува, но и рече дека е среќен што носел кацига.

„Да не носев кацига, искрено немаше да бидам овде во моментов“, порача Ремзи.

притисни ентер