Стојкоски: Ќе им помогнеме на лицата со интелектуална попреченост

Живееме исто, сакаме исто, поминуваме низ предизвици, ги делиме истите проблеми. Се бориме за подобро утре. 

Кандидатот за градоначалник на Ѓорче Петров од ВМРО-ДПМНЕ, Александар Стојкоски на средбата со раководството на центарот „Порака Неготино" ветил дека со менување на јавната свест, спроведување и приклучување во проекти ќе им помага на лицата со интелектуална попреченост.

Тој со раководството на центарот разговарал за проблеми и предизвиците со кои се соочуваат. Тие свое катче имаат и во Волково, каде згрижуваат 44 лица.

– Живееме исто, сакаме исто, поминуваме низ предизвици, ги делиме истите проблеми. Се бориме за подобро утре. Ова е една од оние средби која ме остави без зборови. Сигурно сте чуле за „Порака Неготино", центар кој згрижува 44 наши сограѓани со интелектуална попреченост во Волково. Премрежјата низ кои поминувале и поминуваат се различни и ги знаеме сите. Зошто лицата со попреченост да не живеат живот како сите ние? Зошто да не се еднакво вклучени во општеството? Зошто да немаат сервисни служби? Зошто да не дадеме се од себе да ги унапредиме нивните права?, истакна Стојкоски.

Според него, овие лица и овој центар, не смее и нема да бидат повеќе заборавени, бидејќи Ѓорче ќе биде општина за сите граѓани.

– Тие се жители на општината како сите ние. Ќе ја менуваме јавна свест, ќе спроведуваме и се приклучуваме на кампањи, ќе обезбедуваме поддршка, ќе ги изедначуваме во општеството. Ќе придонесеме за овие центри, затоа што сакаме и се обврзуваме!, потенцираше Стојкоски.

Битолскиот театар на меѓународен фестивал во Рума, Србија

Актерите на НУ Народен театар-Битола, Викторија Степановска Јанкуловска и Никола Стефанов вечер во Рума, Србија на тамошниот меѓународен театарски фестивал ќе ја одиграат претставата „Кислород“ во режија на Иван Јерчиќ.

Фестивалот е со натпреварувачки карактер и освен македонските актери во конкуренција се и актери на театри од Унгарија, Романија, Словенија, Хрватска, Босна и Херцеговина и домаќинот Србија.

Театарската претстава „Кислород“ е фокусирана на проблемите во животот, потребата на човекот да живее, или како што велат битолските актери, да се живее живот полн со љубов, среќа, емпатија и солидарност.

Претставата „Кислород“ почнува во 21 часот и ќе се одигра на сцената на Градски театар во Рума. /МИА

Бајден со помош на Обама и Клинтон собра рекордни 25 милиони долари за својата кампања

 Кампањата за собирање средства за американскиот претседател Џо Бајден со поранешните претседатели Барак Обама и Бил Клинтон генерира над 25 милиони долари, најголема собрана сума досега во историјата на САД.

Бајден синолќа со Обама и Клинтон учествуваше во дискусија во познатата њујоршка „Радио сити мјузикл хол“, модерирана од водителот на „Лејт шоу“ (The Late Show) Стивен Колбер.

Но, настанот неколку пати беше прекинуван од демонстрантите во салата, кои скандираа против политиката на Бајден за поддршка на Израел во војната со Хамас. Еден од демонстрантите извика „Срам да ти е, Џо Бајден“. Тие исто така го прекинуваа и говорот на Обама.

Демонстрантите го прекинаа и настапот на музичарите Квин Латифа, Лизо, Бен Плат, Синтија Ериво и Леа Микеле.

Влезниците за вчерашниот предизборен митинг на Бајден чинеа од 250.000 и 500.000 долари. Дел од донаторите позираа со претседателите, а фотографиите ги направи славната фотографка Ени Лејбовиц. /МИА

Петровска: Судот донесе одлука дека Ковачки неправедно ме клеветел, се откажав од надомест

Овој е само еден од низата примери на неодговорно, нечесно и валкано однесување на политичката сцена од страна на Ковачки, вели Петровска.

Како што ветив транспарентност од почеток до крај на процесот против изнесените лаги, клевети и навреди од страна на Драган Ковачки врз мене сакам да Ве известам дека Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел ми го наруши угледот и честа во очите на јавноста. Ова го објави предмалку министерката за одбрана Славјанка Петровска на нејзиниот фејбук профил.

- Овој е само еден од низата примери на неодговорно, нечесно и валкано однесување на политичката сцена од страна на Ковачки. Како што кажав и на почетокот во медиумите: "Пари од нечесник не сакам" и Ве известувам дека се откажав од паричниот надомест, напиша Петровска.

На ФБ министерката за одбрана напиша дека секој го прави тоа што најдобро го знае, „тие со лагите, јас со труд и одговорна и чесна работа“.

притисни ентер