Македонија

Стоилковски: Спасовски и Заев му дале полициско обезбедување на криминалецот Седат Пекер

Ова зад мене е Министерството за внатрешни работи водено од Оливер Спасовски, кој му даде полициско обезбедување и возила на Седат Пекер, рече Наум Стоилковски, портпарол на ВМРО-ДПМНЕ.

Полициско обезбедување и возила за турскиот криминалец при неговиот престој во Македонија.

Спасовски наместо да апси криминалци, тој им дава полициска заштита. Седат Пекер е лице кое се бара со потерница во Турција, добро познат на полициите ширум светот и Интерпол, а во Македонија од владата на Заев доби најголеми почести, полициско обезбедување, возила, и средби со функционери на власта.

Седат Пекер, еден од криминалците на кој им биле издадени македонски документи, сам кажува дека бил на гости дома кај Зоран Заев.

Попусти се обидите на Заев и на Спасовски да се вадат. За добивање на полициско обезбедување не одлучуваат службениците од пасошко кои ги наместија да преземат вина, туку Началникот на шестата управа, директорот на БЈБ, и Оливер Спасовски како министер кој што мора да биде известен.

Зошто МВР и Спасовски му дале обезбедување на Седат Пекер? Дали за тоа влијаела неговата дружба со Заев? Што правела АНБ и зошто не известила за каков криминалец станува збор? Доколку известила зошто известувањето или предупредување не е испочитувано?

Ова се многу сериозни прашања на кои што Спасовски и Заев мора да одговорат. Не знам дали се свесни, но и да не одговорат денес, ден за одговори и одговорност ќе има. Злоупотребата на полицијата за заштита на криминалци нема да остане неказнета.

Прашање: Коментар за изјавата на претседателот на ВМРО-ДПМНЕ Христијан Мицкоски во врска со состојбите во Израел и Блискиот Исток?

Одговор: Денеска е појасно дека изјавата на Христијан Мицкоски е во насока на ставот на стратешките партнери на Македонија.

Изјавата на претседателот на ВМРО-ДПМНЕ Христијан Мицкоски во врска со случувањата во Израел, е во иста насока со ставот на американскиот претседател Џо Бајден, кој што изрази разбирање за реакцијата на Израел.

Изјавата на претседателот Мицкоски не се однесува кон палестинскиот народ, ниту пак кон муслиманите, или пак кон арапскиот народ. Ставот се однесува кон правото на држава пријател на Македонија да ја заштити својата територија која што е нападната и гранатирана од паравоена формација. Денес во Израел губат животи за жал подеднакво и евреи и христијани и сите кои што живеат на таа територија. И во оваа прилика апелираме на прекин на огнот, наоѓање на заедничко решение и смирување на тензиите и насилствата.

Во исто време како партија, како ВМРО-ДПМНЕ силно ги осудуваме сите закани кои што беа испратени до Претседателот на ВМРО ДПМНЕ Христијан Мицкоски од радикални екстремистички елементи, и говор на омраза кој беше насочен од центри на моќ кои што работат во спротивност со стратешките интереси на државава и на нашите стратешки партнери.

Запрепастува молкот од МВР кое го повикуваме да реагира и да постапки во насока на истражување на таквите закани и нивно санкционирање согласно важечките прописи. Истото тоа министерство водено од мафијашки структури на Оливер Спасовски беше тоа кое го повлече и обезбедувањето на претседателот а кое денес гледаме молчи на таквите закани врз Христијан Мицкоски.

Македонија

Димитриеска Кочоска: Платформа 1198 значи повисок стандард, раст на БДП од 5% на среден рок

Состојбата е катастрофална во секоја сфера. Главниот проблем е тоа што државата не е функционална и тоа што граѓаните воопшто не можат да имаат никакво влијание и немаат влијание врз одлучувачките процеси.

Ако немаме економија, тогаш не можеме да очекуваме развој во ниту еден сегмент.

Не смееме да дозволиме и понатаму, државата да биде киднапирана од стотина луѓе од власта кој што носат одлуки само за нивни лични интереси и за нивно богатење.

И токму поради тоа, народот треба да стави стоп на ваквото однесување. Да излезе масовно и да гласа, затоа што се потребни промени, промени кои што ќе ја направат Македонија твоја.

Денес сум во Македонски Брод, кој што можам комплетно да кажам дека е целосно заборавен од централната власт и токму тоа треба да се промени.

Имав средби со граѓани, имав средби со стопанственици. Едногласно е секаде размислувањето и одлуките на луѓето дека промени мора да да има. При тоа, го искористивме периодот од денот да ги презентираме мерките и решенијата кој што ВМРО-ДПМНЕ ги има во својата Платформа 1198, кој што и всушност значат многу подобар живот за граѓаните, повисок животен стандард, раст на БДП од 5% на среден рок, повеќе пари за малите и средби бизниси, повисоки пензии.

Затоа, масовно треба да излеземе и да гласаме на 24 април и на 8 мај, со цел да има промени и за повторно Македонија да биде твоја, односно да биде наша, рече Гордана Димитриеска Кочоска, кандидат за пратеник во изборна единица 1.

Свет

Напад со нож во Шведска: Застрелан е напаѓачот, кој им се нафрли на три постари жени

Шведската полиција соопшти дека застрелала маж во врска со нападот на три постари жени во градот Вастерас.

Полицијата соопшти дека мажот ги нападнал жените на возраст меѓу 65 и 80 години со остар предмет, пренесува Ројтерс. Шведската агенција Експресен објави дека една од жените и напаѓачот се во болница со сериозни повреди.

Очевидци велат дека слушнале десет истрели. Нападот се случил денеска околу 12:25 часот.

"Многу полицајци беа на местото на нападот. Мислевме дека станува збор за петарди. Не знаевме за што се работи. Автомобилот на нашиот сосед беше уништен. Полициско возило удри во него", рекол еден од очевидците.

Свет

Г7: Ќе ја зајакнеме противвоздушната одбрана на Украина

Земјите-членки на Г7 се решени да ја зајакнат воздушната одбрана на Украина, изјавија денеска нивните министри за надворешни работи кои се собраа на состанокот во Капри.

Седум суперсили - Италија, Канада, Франција, Германија, Јапонија, Велика Британија, САД и ЕУ - силно ја критикуваа руската инвазија на Украина, која трае повеќе од две години.

Киев, сепак, ги предупредува дека мора да ја сменат својата стратегија доколку сакаат Украина да издржи сѐ подеструктивни руски воздушни напади. Русија негира дека цели цивили, но смета дека енергетскиот систем на Украина е легитимна цел. Во тие напади беа убиени стотици цивили.

„Г7 ќе ја зајакне воздушната одбрана на Украина за да спаси животи и да ја заштити критичната инфраструктура“, рекоа министрите за надворешни работи, додавајќи дека ќе ја зголемат одбранбената и безбедносната помош за Киев.

„Ние сме решени да продолжиме да обезбедуваме воена, финансиска, политичка, хуманитарна, економска и развојна помош за Украина и нејзиниот народ“, додаваат тие. Изјавата е објавена на крајот од тридневниот министерски состанок во Капри, каде главни теми беа Украина и воените конфликти меѓу Израел и Иран.

Американскиот државен секретар Антони Блинкен по самитот изјави дека на Украина ѝ требаат веднаш повеќе ресурси и го предупреди Пекинг дека односите на Кина со Европа ќе настрадаат доколку ѝ помогне на руската одбранбена индустрија.

„Кога станува збор за руската одбранбена индустриска база, главниот придонесувач во моментов е Кина“, рече Блинкен. „Ако Кина од една страна тврди дека сака добри односи со Европа и со другите земји, од друга страна не може да ја поттикне најголемата закана за европската безбедност од крајот на Студената војна.“

Воената помош за Киев е забавена во последните месеци бидејќи на европските партнери им снемува муниција, а американската помош е блокирана од републиканците во Конгресот. Претставничкиот дом на САД овој викенд конечно би можел да гласа за пакетот помош од 60,8 милијарди американски долари за Киев.

Друго прашање што се разгледува е како да се искористи профитот од 300 милијарди американски долари замрзнати руски средства на Запад за да ѝ се помогне на Украина. Министрите рекоа дека се уште размислуваат како тоа може да се направи.

Италијанскиот министер за надворешни работи Антонио Тајани рече дека постои правна основа за користење камата од замрзнатите средства, а експертите сега размислуваат дали би можел да се искористи самиот капитал.

Во врска со нападот на Израел врз Иран по неодамнешниот ирански напад со беспилотни летала и ракети врз Израел, министрите рекоа дека ќе работат на спречување на ескалација на конфликтот.

„Политичката цел на Г7 е деескалација. Работиме и ќе продолжиме да работиме за да бидеме активни играчи за да обезбедиме деескалација на целиот Блиски Исток“, рече Тајани.

притисни ентер