Тој на прашањата на судијата Ивица Стефановски посочи дека со години не знае каде му се наоѓа пиштолот, долго време го чувал дома, но не знаел точно каде завршил откако го извадил надвор од дома.

Видевски и на денешното рочиште негираше инволвираност во двете убиства, додека пак обвинителството читаше негов исказ даден во истрага, при што детално ги опишал грабнувањата и убиствата на Панче Жежовски и Вања Ѓорчевска, посочувајќи го Љупчо Палевски како директен извршител.

-Тогаш слушнав истрел, девојчето беше убиено од куршумот на Палевски. Го прашав зошто го направи тоа, но тој само ги крена рамениците. Кога ја закопавме се вративме во Десна и тогаш пак го прашав зошто ја уби кога за неа требаше да бараме откуп. Тој рече: „Да помине малку време ќе бараме“ - Исказ на Боре Видевски во полициска станица

Видевски потврди и дека партијата Десна имала радиостаници, но дека ги користела само за партиски активности.. Инаку, според обвинителството и исказот на Велибор Манев, токму радиостаници биле користени за комуникација при грабнувањата.

За различните искази пак, неговиот адвокат тврди дека веродостоен е оној кој го дал во обвинителството, бидејќи исказот кој првично го дал во полиција бил под тортура.

-Јавноста може да верува на неговиот став даден во вториот исказ во ЈО, кога бевме заедно, а истиот исказ го даде и овде пред судот на минатото рочиште. Евидентно е употребена тортура од страна на полицијата врз него и тоа е евидентно по неговата здравствена состојба. - Бојан Манев – Адвокат на Боре Видевски

На следното рочиште кое е закажано за втори април, исказ треба да даде обвинетиот Влатко Кешишев.

Директорот на Центарот за истражувања и анализа на СДСМ, Јон Фрчкоски поднесе оставка од функцијата од како што наведува на неговиот Фејсбук профил морални причини по обвинувањата на ВМРО-ДПМНЕ дека конзумирал наркотични средства иако нападите врз него ги оценува како дефокус на јавноста за начинот на кој се води истрагата за трагичната несреќа во Кочани, сепак вели дека не е горд на своето минато и не сака да биде товар на партијата, како и дека нема да дозволи СДСМ да биде мета на напади и јавен линч.

Родителите често веруваат дека ограничувањето на излегувањата и поставувањето строги правила ги штити децата од опасност, но прекумерната контрола може да доведе до проблеми во развојот на самодовербата, социјалните вештини и донесувањето одлуки.

Имено, кај децата кои растат во премногу строги семејства, каде што правилата се „драконски“ и нема никаков простор за „преговарање“ и попуштање, честопати се развива анксиозност и ниска самодоверба. А пак, децата израснати во средина со поголема самостојност за одлуките, желбите и поотворена комуникација, имаат подобри социјални вештини и поголемо чувство за одговорност. Адолесцентите кои имаат поголема слобода во донесувањето одлуки, подоцна покажуваат повисоко ниво на зрелост и емоционално прилагодување.

Освен тоа, престрого контролираните деца често стануваат побунтовни или кријат информации од своите родители, наместо отворено да комуницираат со нив.

Умерено строгото (авторитетно, а не „авторитарно“) родителство, коешто е спој од јасни правила, смирен, топол тон и флексибилност, се смета за најздраво за развојот на детето, советуваат стручњаците. Исто така, дружењето со врсниците е клучен дел од растењето, а социјалната интеракција овозможува да се развијат комуникациски вештини, емпатија кон другите луѓе и чувство на припадност.

Кога децата се премногу ограничени, тие може да се почувствуваат изолирани, што доведува до социјална несигурност и проблеми со менталното здравје. Поставувањето пофлексибилни правила, како што е согласноста за враќање дома подоцна, наместо строга забрана, поттикнува одговорност. Децата кои имаат доверба во родителите честопати се поодговорни, бидејќи не чувствуваат потреба се кријат, да бегаат или да се бунтуваат. /МИА