Македонија

Стабилна епидемиолошката состојба во кумановските градинки

Стабилна е епидемиолошката состојба во кумановската градинка „Ангел Шајче", информираа денеска надлежните од јавната установа. Засега нема заболени деца згрижени во осумте објекти во градинката.

-Минатата, за целата година во октомври имавме само едно дете, за среќа сега немаме ниту едно заболено дете. Ќе се појави по некој случај од вработените и од вакцинираните и од невакцинираните, постапуваме согласно алгоритмот и соработката со Центарот за јавно здравје, навремено го известуваме министерството. Седумдесет проценти од вработените се вакцинирани додека преостанатите поради некои коморбидети или пак прележан ковид сè уште не можат да се вакцинираат, но засега нема никаков отпор, изјави директорката на градинката, Марина Алексовска.

Во сите објекти извршена е преадаптација на просториите за згрижување на деца до шест години, врз основа на протоколите донесени до Комисијата за заразни болести, Владата и ресорно министерството за начин на работа во услови на пандемија.

Според последните протоколи, бројот на деца во воспитна група до две годишна возраст изнесува 15, додека во воспитни групи од две до шест години изнесува 25. Во моментот проектираниот капацитет согласно протоколите изнесува 1.345 деца, а запишани се над 1.200 деца и останува мал број за прием на деца, но не во сите објекти.

-Станува збор за центарот за ран детски развој „Бамби" каде знаеме како работат центрите, но овие две простории во основното училиште „11 Октомври" во непосредна близина на објектот „Синоличка" ќе се преадаптираат во воспитни групи со целодневен престој. Исто така информација и до жителите на населбата „Иго Тричковиќ" центарот за ран детски развој „Сонце" во подрачното училиште, досега беше затворен, некои од родителите доаѓаа во градинка и испративме информација до училиштето каде ги повикуваме, сите заинтересирани кои сакаат да ги стават децата во центарот да дојдат во управата и ќе ги добијат сите информации, информираше Алексовска.

Незначителен број места за згрижување на нови деца, има во објектот „Пчелка", „Славејче" и „Бубамара" и во „Бамби" каде целосно ќе се отворат две нови групи за целодневен престој.

-Доаѓаат и родители на деца од шест до десетгодишна возраст и бараат како што имавме согласно закон згрижување и на овие деца од училишна возраст. Комисијата за заразни болести на крајот на август донесе заклучок со кој не дозволува згрижување во овие пандемски услови, поради епидемиолошка оправданост затоа што во таа група од различни возрасти, одделенија, ќе бидат во ист простор. Засега сè уште не сме во можност, имаме писмено известување дека не можеме да ги згрижиме овие деца од 6 до 10 години, вели Алексовска. /МИА

Свет

ЦИА: Без помош од Конгресот, Украина може да биде поразена до крајот на годинава

Директорот на ЦИА Вилијам Барнс ги предупреди членовите на американскиот Конгрес дека Украина може да биде поразена до крајот на оваа година, пишува весникот „Политико“.

Постои многу реален ризик украинците да бидат поразени на бојното поле или барем Путин да биде во позиција суштински да ги диктира условите за политичко решение – рече тој во ленгли на настан во центарот „Џорџ Буш“..

Украинските власти денеска соопштија дека во два руски напада во централниот украински регион Дњепро-Петровск загинале најмалку осум лица, меѓу кои три деца..

Македонија

Еуромакс Рисоурцес со последно предупредување пред арбитража за рудникот за бакар Иловица-Штука

Еуромакс Рисоурцес со последно предупредување пред арбитража за рудникот за бакар „Иловица – Штука“. 

На Владата и дадоа рок до крајот на годината да ја промени својата одлука, во спротивно државниот Буџет ќе претрпи огромна штета. Третманот кон нашиот прокетот од страна на властите во Македонија е скандалозен оценуваат од компанијата. Велат доколку тоа не се промени и се продолжи со занемарување на владеењето на правото тогаш ќе има соодветни последици.

„Нашето трпение е при крај. Не можеме повеќе да одоголовлекуваме, чекајќи политички одлуки за игнорирање на правните околности. Ако политиката спротивно на законот каже не за нов и модерен рудник за бакар ќе има правен епилог кој нема да биде поволен за дражвата, а аза жал и нејзните граѓани.“- Тимоти Морган Вин – главен изврешен директор на Еуромакс Рисоурцес

Реакцијата на компанијата доаѓа откако Владата минатата година реши да ги спои двете концесии Иловица 6 и Иловица 11 со што се отвори патот за реализација на проектот за ископ на злато и бакар во струмичката околина, но неколку дена подоцна, по низата протести на струмичани, ваквата одлука беше повлечена. Што за адвокатскиот тим на компанијата е неприфатливо и спротивно на владеењето на правото.

„Одиме во насока која ќе биде штетна можеби. Претпоставувам дека се работи за семоцифрен износ кој ќе биде досуден против С.Македонија. и морам да ви кажам дека ако до крајот на годината нема реалзиација на владеењето на правото, за жал ќе мора да бараме поддршка и пресуда од институциите кој се одговорни за заштита на инвестициите.“- Габрил Лански – правен застапник на Еуромакс Рисоурцес

Од Владата тогаш беа на ставот дека доколку граѓаните во тој регион не сакаат рудник нема да има, а протестите беа поддржани и од дел од тогашните министри.

Од Еуромакс и денеска останаа на ставот дека целиот процес со рудникот е во согласност со законот, и дека ќе се применуваат најсовремени рударски практики, и дека на ниту еден начин нема да се загрози животната средина.

Македонија

Лукаревска во Штип: СДСМ не се откажува, ќе го штитиме достоинството на пензионерите

Го прифатив предизвикот да бидам носител на листата во третата изборна единица зашто верувам во исправните политики на СДСМ.

Ние знаеме да носиме храбри и осмислени одлуки, и тоа го покажавме.

Работевме напорно и посветено за да стигнеме до преговори со Европската Унија.

Никогаш не сме биле поблиску, затоа треба да продолжиме храбро и единствено, за да го направиме последниот чекор. Најтешкиот, не чека многу работа, но тоа не не плаши, затоа што сакаме и ветивме иднина за сите нас.

Заедно со граѓаните поминавме три кризи. Со 9 пакети антикризни мерки не дозволивме никој да остане сам, никој не беше заборавен. И успеавме во исто време да ги зголемиме и платите и пензиите.

СДСМ не се откажува, ќе го штити достоинството на пензионерите.

Тоа се наши родители, нашиот штит, нашата поддршка кога е најтешко, секогаш со нас и во добро и во лошо.

Заслужиле и многу повеќе.

Затоа се обврзуваме на минимална пензија од 20.000 денари, а просечната пензија ќе биде 30 000 денари. Пензиите ќе се усогласуваат секој Јануари и Јуни, системски. Пензионерите нема да зависат од ничија милост, се им е заслужено и одработено, имаат право на спокоен живот.

Имаат право и на поголема институционална грижа, на тие што им треба. Потребни се повеќе и подостапни домови за стари лица. Предвидовме изградба на уште најмалку 12 нови.

Не чека уште многу работа, за подобра иднина на сите.

Затоа да останеме заедно и единствени. За да продолжиме да живееме достоинствено.

За да живееме така како што посакуваме сите, европски, во нашата Македонија.

Победата на СДСМ на овие избори, ќе биде победа на сите и за сите. И затоа не се откажуваме, ќе останеме заедно и заедно ќе ја славиме победата на европска Македнија, рече Сања Лукаревска, носителка на ИЕ 3 и заменик претседателка на СДСМ.

.

притисни ентер