Средбата на Г-7 почнува денеска со фокус на пандемијата и климатските промени

Годишниот самит на Г-7 почнува денеска со фокус на борбата против новиот коронавирус и климатските промени.

На првиот ден од форумот во Карбис Беј, Велика Британија, лидерите на седумте најразвиени индустриски држави се очекува да разговараат за обнова по пандемијата со фокус на донирање вакцини против Ковид-19 и обезбедување финансиска поддршка за производство на вакцини.

Синоќа домаќинот на тридневната средба, британскиот премиер Борис Џонсон изрази очекување дека земјите од Г-7 ќе донираат вкупно милијарда дози на вакцини. Британија ќе им даде на сиромашните земји најмалку 100 милиони дози.

Неколку часа претходно, американскиот претседател Џо Бајден вети дека неговата држава ќе донира 500 милиони дози вакцина од американската компанија „Фајзер".

Вечерва британската кралица Елизабета Втора и престолонаследникот Чарлс ќе организираат прием во чест на лидерите на Г-7.

Се очекува да се разговара и за заштита на животната средина и борбата против климатските промени.

Ова е прв самит на Г-7 во последните две години. Минатата година, форумот беше во видеоконференциски формат, поради пандемијата.

Тоа е исто така прв голем меѓународен самит за новиот американски претседател Џо Бајден, кој ја презеде должноста во јануари.

Специјални гости на форумот ќе бидат лидерите на Австралија, Индија, Јужна Африка и Јужна Кореја, кои беа поканети од домаќинот Велика Британија.

УХМР: Попладне нестабилно со пороен дожд и грмежи

Летото на северната хемисфера официјално започна утрово во 5 часот и 32 минути, додека на јужната хемисфера во исто време започна зимата.

Првата недела од летото е со најава за високи температури и до 40 степен.

Изгоре камион кај Струмица, нема повредени

Во близина на селото Добрашинци, кај Струмица денеска околу 13:30 часот изгоре камион. Предизвикана е материјална штета, повредени нема.

Според информацијата од Територијалната противпожарна единица на Струмица, во гаснењето на запалениот камион марка „Застава" учествувале тројца пожарникари и едно против пожарно возило, а пожарот бил локализиран и целосно изгаснат за кусо време.

Според пожарникарите причина за пожарот најверојатно е самозапалување на товорното возило од електричната инсталација.

Министерот Јетон Шаќири оствари работна средба со градоначалникот на Дебар, Хекуран Дука

,,Денес ми беше чест, во просториите на Министерството за информатичко општество и администрација да го чекам на работен состанок, градоначалникот на Општина Дебар, Хекуран Дука.

За време на состанокот разговаравме за можноста за дигитализација на услугите на оваа општина и нивно вклучување во националниот портал за е-услуги. Го уверив градоначалникот Дука дека Министерството што го водам е подготвено да ги стави на располагање сите свои капацитети за да помогне во овој процес.

Исто така се дискутираше за можноста за поврзување на оваа општина со системот за управување со документи (ДМС). Со поврзување на овој систем, меѓуинституционалната комуникација станува побрза и поефикасна.

Состанокот го завршивме со ветување дека ќе ја продлабочиме меѓуинституционалната соработка и комуникација, со цел да постигнеме конкретни резултати во иднина, во корист на граѓаните“, истакна министерот за информатичко општество и администрација Јетон Шаќири.

притисни ентер