Средба Османи-Дендиас во Атина

Грција и Македонија треба да бидат пример за пријателство на Балканот.

Министерот за надворешни работи на Република Македонија, Бујар Османи,во рамки на првата официјална посета на Хеленската Република, по преземањето на функцијата, оствари средба со својот домаќин министерот за надворешни работи на Грција, Николаос Дендиас.

Фокус на разговорот меѓу двајцата колеги, на двете земји соседи беа воспоставување на рамката за следните активности што им претстојат на двете држави согласно Акциониот план за соработка и имплементацијата на Договорот за стратешко партнерство (познат како Договорот од Преспа). Покрај доминантните теми за интензивирање и унапредување на економската соработка, преку поголема соработка на стопанските комори, во делот на инфраструктурата, за меѓу граничните олеснувања на движењето на граѓаните, енергетиката, се разговараше и за понатамошно продлабочување на политичкиот дијалог, за пријателството и добрите односи со соседите, како политики на градење заедничка европска иднина.

„Вистинско задоволство е да се почне годината со ваква успешна посета на Грција. Нашите искрени намери се да го надминеме прагот на добрососедството, како коректен политички наратив, и да поставиме основа за изградба на едно подлабоко долгорочно пријателство меѓу двете земји, како највисок израз на успешност на политиката и дипломатијата", истакна Османи.

Европските интеграции и сојузништвото во НАТО, секако беа и една од темите на разговор меѓу двајцата хомолози при што во тој контекст, Османи потенцираше:

„Како непосреден сосед кој воедно и членка на ЕУ, сметам дека е особено важна принципиелната поддршка од страна на Грција за почеток на преговорите со Македонија, без одложување. Ја цениме оваа поддршка и ја сметам за еден од клучните инпути во создавањето долгорочно пријателство меѓу двете земји. Во истата насока сакам да ја нагласам и соработката во рамките на НАТО, преку аранжманот меѓу двете држави за заштита на воздушниот простор, што во голема мера придонесува за унапредување на довербата меѓу двете земји на политички и безбедносен план".

Во насока на засилениот ангажман на двете земји за збогатување на билатералната соработка, за време на официјалната посета на Османи на Грција,се потпишаа три Меморандуми за разбирање меѓу двете држави за соработка во областа наинвестициите и надворешна трговија меѓу претпријатијата „Грција СА" и „Инвест С.Македонија", за соработка меѓу министерствата за надворешни работи во едукацијата на дипломатите и за соработка во областа на цивилната заштита.

„Особено ме радува што денешната посета ја крунисавме со потпишувањето на три многу важни меморандуми за соработка. Отсекогаш сум велел дека економијата и бизнисот треба да ги предводат нашите односи, наша обврска е преку овие меморандуми, преку политичката соработка, да ги создадеме сите услови за натамошно унапредување на трговската размена, размената во областа на туризмот, инвестициите, како најважна и сигурно нај-опиплива придобивка за граѓаните. Пред нас стојат сериозни инфраструктурни и енергетски проекти: преку изградбата на интерконекторот за пренос на гас, поврзување на земјите преку гасовод, возобновување на постојниот нафтовод, учество во изградбата на гасниот терминал Александрополис, железничкото поврзување, патното поврзување и секако отворањето на новите гранични премини Маркова Нога-Лемос и Мајден-Промахои", нагласи Османи.

На агендата на Министерот во рамките на официјалната посета на Грција ќе бидат и средбите со Претседателот на Хеленската Република, Катерина Сакеларопулу, премиерот, Кирјакос Мицотакис и алтернативниот министер за европски прашања, Милтијадис Варвициотис

Утрински температури над нулата, најмногу снег на Попова Шапка

Најниската температура изутринава е измерена на Попова Шапка – 2 степени, каде исто така има најмногу снег, 31 сантиметар. 

Температурите во другите делови од земјата се над нулата и тоа во Гевгелија, Струмица и Берово се измерени нула степени, во Скопје – Петровец еден, во Тетово два, во Крушево, Лазарополе и Маврово три степени, во Скопје-Зајчев Рид и Прилеп четири степени, во Куманово и Претор пет степени, во Битола шест, во Охрид седум, во Крива Паланка и Дојран девет, во Штип и Демир Капија десет степени.

Во текот на ноќта и утрово времето беше умерено до значително облачно. Само во западните делови облачност се намали. Дуваше слаб до умерен ветер претежно од југоисточен правец. Ветерот беше најинтензивен во Штипско.

Времето денеска претежно облачно, од пладневните часови на запад, а потоа и во останатите делови од земјата ќе има врнежи од дожд, кои на места ќе бидат пообилни. На планините на запад ќе врне снег. Ќе дува умерен до засилен ветер од јужен правец, особено вдолж Повардарието. Максималната температура ќе биде во интервал од 7 до 14 степени.

Во Скопје времето ќе биде променливо облачно. Од пладневните часови ќе има повремен дожд

проследен со умерен до краткотрајно засилен јужен ветер. Максималната температура ќе достигне 10 степени.

Дневен хороскоп за 23. јануари 2021 година

Дневен хороскоп за сабота, 23. јануари 2021 година. 

Водолија 21.1.-19.2.

Љубов

Ќе веводи силна плима на чувства , ќе блескате и ќе имате потреба за љубов повеќе од порано. Ќе ви биде возвратена.

Кариера

Пред вас е ден одличен за секаков вид пријатни , естетски и уметнички проекти.

Здравје и совет

Изразете се слободно .

Риби 20.2.- 20.3.

Љубов

Доколку сте во тајна љубовна врска , денеска вонеа би можеле да доживеете вистинска љубовна екстаза.

Кариера

Уметниците денеска ќе бидат посебно инспирирани за големи и квалитетни дела. За сите се однесува дека треба подобра организација.

Здравје и совет

Обрнете внимание на соништата.

Овен 21.3-20.4.

Љубов

Денеска би можело да дојде до искрени изливи на емоции од страна или кон личност од работното место. Другите во личниот живот ќе бидат успешни.

Кариера

На работното место денеска ќе ви биде пријатно. Можни за ангажмани поврзани со убавина или со уметност , односно со работи што го прават животот посреќен.

Здравје и совет

Не обрнувајте внимание на ситници.

Бик 21.4- 20.5.

Љубов

Ќе бидете расположени за шеги и забава , а ќе ви недостига јасна цел поврзана со трезвенсот и емотивност.

Кариера

Се чини дека колегите толку ве сакаат што се подготвени се да направат за вас. Немојте тоа да го злоупотребувате.

Здравје и совет

Барате пријатна диета за себе.

Близнаци 21.5.-21.6.

Љубов

Засилени од претходните љубовни успеси , вашата самодоварба ќе порасне , а вие ќе тргнете во нови подвизи.

Кариера

Ќе се двоумите дали во нешто што е стабилно и добро да внесете малку чудни идеи , што уште не сте ги испробале.

Здравје и совет

Некои размислуваат за диета.

Рак 22.6-22.7.

Љубов

Како што ќе минува денот , вие ќе бидете се понежни и поемотивни. плимата на чувства ќе направи да блескате.

Кариера

Во ситните деловни задачи ќе има мал хаос , што ќе треба да го надминете со добар план и подобра организација.

Здравје и совет

Преминете од зборови на дела.

Лав 23.7-22.8.

Љубов

Вашиот главен адут во љубовните теми ќе биде сензуалноста и смилосот за еротика. Многумина ќе заведуваат , без оглед на резултатот.

Кариера

Влијанијата се многу различни. Од една страна убаво напредувате и имате поддршка од другите , а од друга , некого иритирате.

Здравје и совет

Ќе има мали неровози.

Девица 23.8.-23.9.

Љубов

Денеска во личните прашања ќе успеете да ја поврзете еротиката со идеалите. Се ќе стане појасно , а вие ќе бидете помирни.

Кариера

Се чини како да нема ниедна нејаснотија , што сега не би можеле да ја решите.Затоа многумина ќе ве прашаат за совет.

Здравје и совет

Излезете им во пресрет на другите.

Вага 24.9.-23.10

Љубов

Денеска ќе се чувствувате стабилно ,а од вас ќе зрачи токлаво колилчество на самодоверба , што ќе оставате впечаток како се можете да постигнете.

Кариера

Кај некои ќе дојде до окрупнување на имотот или заработката што ќе ви изгледа како вистинско мало богатство.

Здравје и совет

Здрави сте и инвентивни.

Шкорпија 24.10-22.11.

Љубов

Во попладневните часови ќе дојде до поголема отвореност меѓу вас и саканата личност. Доколку се додворувате , ќе станете дрдорливи.

Кариера

Ќе анализирате можни опцииза влоувања и развој на работата врз добри финансиски темели.

Здравје и совет

Вашите идеи се се подобри и подобри.

Стрелец 23.11.-21.12.

Љубов

Вашиот партнер денеска ќе биде особено емотивен и инспириран за љубов. Оние кои сеуште се сами, ќе ги измачува копнеж.

Кариера

Во соработката со другите ќе покажете исклучителна способност за дипломатија , па дури и да не ви се допаѓа.

Здравје и совет

Проблеми со исхраната.

Јарец 22.12.-20.1.

Љубов

Повеќето работи ќе се одвиваат според желбите на вашиот партнер , а на вас ќе остане само да ги следите.

Кариера

Некои ќе сонуваат за подобри деловни партнери , иако оние кои сега ги иамте не се толку лоши. Треба дас е разбудите и самите дасе уверите во тоа.

Здравје и совет

Разбистрете ги мислите во тишина.

По тригодишна врска, девојката на Дибала признава: Сакам и мажи и жени (ФОТО)

Пејачката и актерка Оријана Сабатини е во врска со sвездата на Јувентус, Пол Дибала, а на социјалните мрежи ја следат 5,5 милиони луѓе.

Дибала ја видел на концертот на Ариана Гранде во Буенос Аирес во 2017 година, каде што Сабатини била танчерка. Тој бил толку маѓепсан што веднаш и го побарал бројот и ја поканил на пијачка по што започнала романсата. Тие се во врска веќе три години.

Сега Сабатини го сврте вниманието кон себе велејќи дека таа сака и жени.

„Ако треба да си ставам етикета - да, мислам дека сум бисексуалка.

Италијанците и Аргентинците пишуваат веќе три години, навестувајќи дека Сабатини сака и мажи и жени, особено по синглот „Остани или бегај“ во чие видео таа се гушка и бакнува со манекенката Соледад Алонсо.

„Нема ништо подобро во животот од чувството за слобода“, одговорила таа тогаш на прашањето дали е личност која сака и мажи и жени.

притисни ентер