Средба Битиќи – Доер Вос: Германската поддршка за реформите во економијата е една од најважните

Вицепремиерот Битиќи, кој престојува во работна посета на Берлин, на средбата истакна дека германската поддршка е една од најважните за земјава.

Економската соработка помеѓу Македонија и Германија беше главна тема на разговор на работната средба во Берлин на заменикот на претседателот на Владата задолжен за економски прашања Фатмир Битиќи со државната секретарка во германското Федералното министерство за економија и енергетика, Клаудија Доер Вос.

Вицепремиерот Битиќи, кој престојува во работна посета на Берлин, на средбата истакна дека германската поддршка е една од најважните за земјава, особено кога станува збор за реформите во економијата.

Битиќи, како што соопшто неговиот, кабинет констатира дека економската соработка на земјава со Германија е на исклучително високо ниво.

– Веќе традиционално оваа земја е прв трговски партнер на Македонија, како последица на голем број на директни инвестиции на компании од Германија. Беше потенциран и процесот на „near-shoring" кој подразбира преселба на голем дел од производството на компании од високоразвиените земји кои имаа сопствени капацитети во земјите од Далечниот Исток во нивна непосредна близина, а Македонија секако е една од дестинациите каде дел од ова производство ќе биде трансферирано, се наведува во соопштението.

Од таму информираат дека на состанокот вицепремиерот Битиќи ги претставил и преземените чекори за развивање на 20-годишна Национална развојна стратегија на земјава до 2041 година, во која ќе бидат опфатени сите аспекти на општественото живеење, а која треба да обезбеди одржлив економски раст.

Вицепремиерот Битиќи и државната секретарка Доер Вос, енергетиката, индустријата, заштитата на животната средина и спроведување на структурни реформи во економијата ги дефинираа како области каде би можела дополнително да се унапреди соработката.

Тие заклучија дека како една од конкретните мерки со кои директно ќе се помогне на инвеститорите, особено оние од преработувачката индустрија, а која е и дел од владината програма, е измената на царинскиот тарифник и негово прилагодување на царинските стапки во ЕУ. /МИА

Која е новинарката која со своите нозе ги излуде Путин и Русите

Руската државна телевизија објави снимка од енергетскиот форум во Москва за да докаже како "злобната" 39-годишна Американка од Си-Ен-Би-Си го провоцирала нивниот претседател

На нејзното прашање како Европа може да верува дека Русија е сигурен енергетски партнер ако не испорачува гас преку гасоводи, претседателот незадоволен од прашањето, имаше забелешка на сметка на нејзиниот изглед која беше протолкувана како сексистичка со намера новинарката да се претстави како убава, но не и паметна.

„Убава сте и симпатична“. Ѝ зборувам едно, а таа одговара нешто друго, како воопшто да не ме слуша“ – рече Путин.

Руската државна телевизија остро го критикуваше нејзиното однесување.

Владимир Соловјев во своето телевизиско шоу на каналот "Росија 1", порача дека Гембл намерно се обидувала да го збуни рускиот претседател со својот изглед.

„Имам чувство дека темелно се подготвувала за средбата со рускиот претседател, како да оди на модна писта ... Ослабела неколку килограми, се затегнала во тесен црн фустан и ја распуштила косата за визуелно нозете да ѝ изгледаат подолги. Носеше потпетици од 12 сантиметри - рече рускиот водител.

Американската водителка тоа не ја збуни премногу.

На Инстаграм и Твитер таа се пофали дека завршила во руските весници.

Покрај фотографијата напиша: „Мојот најдобар агол".

Инаку Хедли Гембл е новинарка на телевизиска куќа Си-Ен-Би-Си од Абу Даби.

Води емисии од економијата и глобалниот пазар, исто така, работела за Еј-Би-Си Њуз и Фокс Њуз во Вашингтон.

Таа е водителка на популарно ТВ-шоу „Пристап: Среден Исток" во кое разговара со светските лидери, челници на меѓународни компании и филантропи.

Во октомври 2018. година, беше прва интернационална новинарка која се јави во живо од Саудиска Арабија во случајот со убиството на саудискиот новинар Џамал Кашоги.

Исто така, таа беше првата меѓународна новинарка која се јави во живо од магацинот за нафта „Арамко“ 2019 г., пренесувајќи за информации за штетата направена од иранските ракети и беспилотни летала.

Гембл е и страстен борец за правата на жените.

На Британец му извадиле бубрези, тешки рекордни 35 килограми: Можам да дишам (ВИДЕО)

Ворен Хигс, 54, од Виндзор, Велика Британија, страда од полицистична бубрежна болест.

Тоа е наследна болест која предизвикува раст на цисти во бубрезите и може да доведе до откажување на бубрезите. Зафаќа едно лице од 1.000 и нема лек.Хигс бил опериран пред неколку месеци, а хирурзите велат дека неговите бубрези биле рекордно големи.

Имено, тежеле вкупно 35 килограми, а хирурзите му ги отстраниле двата бубрега.Се верувало дека стариот рекорд изнесувал 7,4 килограми, а тој бубрег е изваден од пациент во Индија.

Хигс се вратил во релативно нормален живот три месеци по операцијата и вели дека се чувствува многу подобро.

„Можам да дишам, можам да јадам“, вели тој, но сепак се бори со рамнотежата.

Сепак, тој редовно оди во теретана и тренира и планира да истрча 10 милји дневно.

Во Романија нема места на ооделите за интензивна нега, пациентите лежат на душеци на подот

Рекорден број на нови смртни случаи од коронавирус денеска се регистрирани во Романија, а болничкиот систем достигнал точка што нема повеќе слободни кревети на одделите за интензивна нега.

Во последните 24 часа, пријавени се повеќе од 18.800 нови инфекции со „Ковид-19“, а 574 луѓе починале. Романија е втората земја во Европа со најниска стапка на вакцинација, пишува Ројтерс.

Видеата од болниците во Букурешт покажуваат пациенти како лежат на душеци на подот или држат резервоари за кислород на преполните клупи во ходниците. Мртовечниците работат со полн капацитет.

"Нема доволно простор за сите случаи. Ако стапката на вакцинација беше 70 до 80%, сега ќе имавме десет пати помалку смртни случаи", рече Клаудио Русу, доктор во единицата за интензивна нега.

Во Романија, само 36% од возрасната популација е целосно вакцинирана, а просекот на Европската унија е 74%. Досега во октомври, едно лице на секои пет минути починува во земјата од последиците од инфекција со ковид.

притисни ентер