Спасовски: Сите знаеме дека опцијата за сигурност се Зоран Заев и СДСМ

Влеговме во НАТО и сме на почеток на отворањето на преговорите за членство во ЕУ рече Оливер Спасовски, потпретседател на СДСМ и носител во ИЕ 2,се наведува во партиското соопштение.

Со тоа ги остваривме двете стратешки државни цели, при тоа заштитувајќи во целосно идентитетот – нешто што режимот на ВМРО- ДПМНЕ цела деценија намерно го блокираше, за во изолирана држава да краде и да се богати.

Денес сме 30-та земја членка на НАТО. Во Програмата велиме можеме и во ЕУ бидејќи и Преговарачка рамка е утврдена, а од највисоките политички нивоа во Унијата, лично од германската канцеларка Ангела Меркел, слушнавме најава за отворање на првите поглавја меѓу нашата земја и ЕУ.

Во Преговарачката рамка, македонскиот јазик е наведен како јазик на којшто треба да се преведе европското законодавство пред да станеме држава членка на ЕУ. Македонскиот јазик е наведен и во личната карта на државата во Обединетите нации. Република Северна Македонија, македонскиот јазик, македонскиот идентитет, македонската посебност, денес се признаени од целиот свет.

Разобличени се лагите на Мицкоски и на ВМРО-ДПМНЕ за наводно губење на идентитетот и на јазикот. Изгубени се само Мицкоски и ВМРО-ДПМНЕ во пустите надежи за обнова на режимот.

На правиот пат сме и обновен режим не смееме да дозволиме.

СДСМ е сигурност. ВМРО-ДПМНЕ е опасност. Со Зоран Заев и СДСМ одиме напред. Со Мицкоски, продолжена рака на Груевски и ВМРО-ДПМНЕ, се враќаме назад.

И вие знаете дека опцијата за подобар живот и за сигурна иднина на државата се Зоран Заев и СДСМ.

Најавуваме дека во следните 4 години ќе отвориме 80% од поглавјата за интеграција во ЕУ, а за 5 - 6 години ќе го затвориме преговарачкиот процес. Од европските фондови со тоа обезбедуваме 2,5 милијарди евра за државата за европски стандарди - дома. Евроатланскиот пат овозможува и нови странски инвестиции од една милијарда евра на што се обврзуваме. Ќе ги поддржиме и домашните и странските претпријатија во земјава со 600 милиони евра, во новата развојна економија, за повисоки плати, пензии, работни места, за уште повеќе пари назад кон граѓаните.

Донесовме храбри и лидерски одлуки со што ја осигуравме државата во НАТО и кон ЕУ и го заштитивме целосно идентитетот и одлучно се справуваме и со здравствено-економската криза.

Знам дека не сте подготвени вашето здравје да го доверите на неодговорни луѓе како Мицкоски и носителите на листи на ВМРО-ДПМНЕ, кои се продолжена рака на режимот и мислат само на себе.

На овие избори се носи голема одлука за продолжување по правиот пат. Гласањето е целосно безбедно. Сите протоколи за безбедно гласање се утврдени. Да постапиме одговорно, да излеземе на изборите на 15 јули и да овозможиме победа на Сигурноста наспроти Опасноста.

Да избереме функционални институции коишто уште повеќе и уште подобро ќе бидат во можност да продолжат да се грижат за граѓаните и државата.

Да заокружиме број 3. За сигурност.

Казни за десет правни субјекти на охридското крајбрежје

Од Локалната самоуправа посочуваат дека и во текот на наредниот период инспекторатот ќе спроведува интензивни контроли на угостителските објекти и плажите на Охридското крајбрежје.

Општинскиот инспекторат од Охрид во текот на празничниот викенд, во координација со Државниот пазарен инспекторат, Управата за јавни приходи и Државниот инспекторат за труд спроведоа заеднички контроли и извршија инспекциски надзор на плажите, угостителските и сместувачките капацитети, од аспект на почитување на законските прописи за поставување на урбана опрема и почитување на протоколите за превенција од Корона вирусот Ковид-19, при што се изречени казни на десет правни субјекти.

Станува збор за казни против пет правни субјекти од автокампот „Градиште" што ги прекршиле одредбите од Законот за градење при што за секој од нив е изречена глоба во износ од седум илјади евра во денарска противвредност. Инспекторите констатирале дека тие правни субјекти незаконски поставиле урбана опрема – тераси со и без натстрешници и покриени и непокриени шанкови, без одобрение за поставување на урбана опрема или спротивно на одобрението за поставување на урбана опрема.

Во текот на инспекцискиот надзор на делот од крајбрежјето на потегот во населбата „Свети Стефан" каде што во текот на изминатиот период се вршеше отстранување на бесправни градби, исто така од страна на општинските инспектори е утврдено законско прекршување, при што се изречени глоби против исто пет правни субјекти, со идентичен износ од по седум илјади евра во денарска противвредност.

Од Локалната самоуправа посочуваат дека и во текот на наредниот период инспекторатот ќе спроведува интензивни контроли на угостителските објекти и плажите на Охридското крајбрежје и ќе ги санкционира сите прекршувања на законските одредби. /МИА

Пронајдено телото на малолетникот кој исчезна во водите на Преспанското езеро

Пронајдено телото на 16 годишното момче кое завчера исчезна во водите на Преспанското езеро.

Денеска во водите на Преспанското езеро околу 14 часот е пронајдено безживотното тело на 16 годишното момче од Ресен.

Во Полициската станица Ресен завчера во 18:18 часот од Итната медицинска помош било пријавено дека во туристичката населба „Претор", во водите на Преспанското езеро исчезнал 16-годишен малолетник од Ресен.

Продолжува трката по вакцина против коронавирусот

Ќе има ли „спас“ од коронавирусот? Каде е Македонија на листата „резервации“ за вакцина? 

Колкава е надежта „новото нормално“ да се замени со старото?

Низа прашања „висат“ по последната изјава од претставниците на Светската здравствена организација. Оттаму првпат јасно порачаа дека постои веројатност никогаш и да не се пронајде ефикасна вакцина против вирусот.

„Во моментов нема сребрен куршум и можеби никогаш нема ниту да го има.“истакна Тедрос Аданом Гебрејезус- Генерален директор на СЗО.

Во меѓувреме во светот, во трка први да имаат добро решение што ќе не спаси од „новото нормално“ се 140 светски тимови на научници. Седум од нив веќе се во третата фаза од истражувањата, па вакцината ја тестираат и на луѓе.

Најгласни се руските научници, кои тврдат дека досега нема негативни ефекти од нивниот производ, а ветуваат дека до 10 август вакцината ќе биде испратена до надлежните за одобрување.

-Го одбравме најбезбедниот метод, не само сега, тој беше одобрен и со вакцината за ебола и сметам дека тоа е најбезбедниот механизам за пронаоѓање на решение. Сите податоци од истражувањето ќе бидат објавени во август, тоа го направивме и со претходните вакцини за други болести, вели Кирил Дмитриев -Извршен директор на Рускиот фонд за директни инвестиции.

Од министерството за здравство за Канал 5 велат дека кога ќе има ефикасна вакцина што ќе биде достапна во целиот свет, ќе ја има и кај нас.

-Владата доби покана за учество во акцијата/проектот за обезбедување глобален и рамномерен пристап до безбедни и ефективни вакцини за COVID-19 преку таканаречен COVAX механизам.-Министерство за здравство.

Во изминатиот период имаше неколку состаноци, во кои се разговараше за детали околу испорака, набавка, количини и начин на дистрибуција.

Во моментот кога преку Ковакс механизмот вакцината за Ковид-19 ќе биде достапна во светот, ќе биде достапна и во нашата земја.

Засега „лек“ против вирусот остануваат заштитните мерки – држење на растојание и хигиена, како и носење маски.

притисни ентер