Спасовски рече дека е направена веќе привичната пријава за четири лица и тоа на 100 страници. Главно на прес конференцијата е тоа што во Турција е уапсено лицето Љ.П. кој е главен планер , кооринатор и извршител на кривичните дела.
По него била пратена црвена потерница. Постапката за екстрадиционен притовр е во рацете на Министерството за правда, а потоа тој ќе излезе пред лицето на правдата. „Правдата е совест, не лична туку совест на целото човештво. Правдата затоа треба да биде брза и целосно спроведена, потенцира Спасовски на прес конференцијата.
Со Шкода Суперб , Љупчо Палевски е однесен во Белград и оставен во хотел. Потоа со Ланд Ровер е пренесен преку Бугарија во Турција во градот Баликесир. нашите полицајци стапуваат со нивен оперативен извор , а ова лице ги известило дека од таму сакал да замине во Истанбул. Се подготвува и со такси возач треба да замине во Истанбул. Тука е негово симулирање дека оди во Истанбул , но останува во Баликесир, каде што е уапсен на улица.
Спасовски ја покажа и потврдата дека е уапсено лицето, доставена од турските колеги.
Апсењето следува по меѓународната потерница за Палевски која Министерството за внатрешни работи ја распиша вчера.
- Љупчо Палевски род.12.12.1964 год. во Скопје се бара со меѓународна потерница за истрага за кривични дела „грабнување" и "убиство“ по издадена наредба XV KO бр 3047/23 од Основното јавно обвинителство Скопје, беше објавено на веб-страницата на МВР.
Основното јавно обвинителство Скопје претходно денеска до судот поднесе и предлог за определување мерка краткотраен 48-часовен притвор и против 46-годишен скопјанец под сомнение дека извршил помагање на Љупчо Палевски – Палчо да избега во Турција, преку Бугарија и Србија.
Малолетната Вања беше пронајдена мртва на 3 декември во близина на Скопје, по пријавата за нејзино исчезнување на 27 ноември годинава. Додека, велешанецот Панче беше пронајден истиот ден, по пријавата за исчезнување од 24 ноември.
Во Основниот кривичен суд во Скопје вечерва беа спроведени и четворицата осомничени за убиството на Вања Ѓорчевска, каде судија на претходна постапка ќе треба да одлучи по предлогот на обвинителството за продолжување на мерката притвор.
Четворицата се спроведени од Истражниот затвор во Шутка, каде тројца се во притвор како осомничени за убиството на 14-годишната Вања Ѓорчевска и 74-годишниот велешанец Панче Жежовски, откако Судот претходно го прифати предлогот на Основното јавно обвинителство Скопје и им определи мерка краткотраен притвор од 48 часа, поради опасност од бегство, влијание врз сведоци и сторување ново кривично дело, додека таткото на 14-годишното девојче е осомничен дека споделувал информации со останатите осомничени за нејзиното излегување од дома.