Спасовски отфрли одговорност за бегството на Мијалков и презентираше хронологија на настаните

Министерот Спасовски претходно на прес-конференција изјави дека не чувствува одговорност за бегството на Мијалков, а вината ја префрли на системот... 

Не сум жртва на криминалец, оставка не поднесувам – рече првиот човек на полицијата Спасовски на првото излегување во јавноста по веста за бегството на Сашо Мијалков. Вели, проблемот е системски и се бара која институција потфрлила. Не чувствува одговорност бидејќи, како што тврди, причина за напуштање на функцијата е само ако со умисла се направи пропуст.

За Спасосвки клучно прашање е зошто се чекаше толку долго за да се побара притвор. Вели, праксата како во случајот „Монструм“, на пример, покажала дека обвинителството барало притвор и пред завршни зборови. Дополнително, тврди, во овој случај обвинителите уште во петокот имале сознанија дека се подготвува бегство, но претпоставените не им дозволиле да побараат построга мерка за Мијалков.

Спасовски го раскажа хронолошкиот редослед на настаните – од неофицијалните информации за можното бегство до утврдувањето дека Мијалков не е достапен на органите на прогонот. Според министерот, последниот визуелен контакт на полицијата со екс-шефот на УБК бил во неделата во 14.40 часот во близина на хотел „Мериот“.

Министерот тврди дека во најкус рок бил изготвен план за прикриено полициско обезбедување.

Видео: Корејци ја пеат „Молитва“ од Марија Шерифовиќ

На интернет се појави снимка на која музичка група од Кореја ја пее песната „Молитва“ на натпревар за пеење.

На нивните способности не остана рамнодушна ни самата Марија Шерифовиќ, која со оваа песна и донесе победа на Србија на Евровизија во 2007 година.

Пејачката го изрази своето воодушевување од нивната изведба на својот Инстаграм профил.

Таа во објавата напомена дека ова е најдоброто изведување на нејзината песна, и напиша прекрасна порака упатена до талентираните Корејци.

„Ви посакувам се најдобро во понатамошната кариера и натпреварување. Се гледаме наскоро“, напиша пејачката.

Фото: Елена Китиќ ги запали социјалните мрежи

Таа објави фотографија во костим за капење, која го покажува нејзиното совршено тело и облини.

Ќерката на пеачкиот пар Миле Китиќ и Марта Салиќ, Елена Китиќ е активна на социјалните мрежи, а фановите неретко ги изненадува со смели фотографии.

Имено, Елена, судејќи по објавите, отпатувала во потоплите краишта. Елена најпрво објави фотографија во костим за капење од една од плажите во Доминиканската република, за потоа да објави снимка на која се гледаат убавините на оваа луксузна дестинација.

Фотографијата во костим на капење на која го покажува своето совршено тело и облини, наиде на многу позитивни реакции од фановите.

„Згодна“, „Убавице“, „Жена бомба“, се само дел од коментарите.

Сирискиот претседател и неговата сопруга имаат корона

Претседателот н Сирија Бапар Ал Асад и неговата сопруга Асма се заразени со коронавирусот, но се добро и нивната состојба е стабилна, објави денес претседателството, додека во земјата расте бројот на заразени.

Ал Асад и сопругата Асма направиле ПЦР тест откако почувствувале благи симптоми на корона.

Тие ќе бидат во изолација две до три недели.

„Во текот на изолацијата која ќе трае измеѓу две и три недели тие ќе продолжат со работата од дома“, додава претседателството во соопштението.

На почетокот на март министерството за здравство извести за зголемување на бројот на инфекции и повика на строго почитување на дистанцата и оцени дека таа земја не е поштедена од другите варијанти на вирусот.

Власта на крајот на февруари најави почеток на кампања за вакцинирање на медицинскиот персонал. Сирија доби 5000 дози од кинеските вакцини за 2500 медицинари, според дневниот весник „Al-Watan“, близок до власта. Сирија исто така одобри употреба на руската вакцина.

притисни ентер