Спасовски од Арачиново: Најавуваме една милијарда евра странски инвестиции до крајот на мандатот, за нова развојна економија и добро платени работни места, Арачиново пак ќе биде дел од победата за сигурна иднина

Носителот на листа во ИЕ 2, Оливер Спасовски се обрати на вечерашната трибина во Арачиново, заедно со кандидатот за пратеник од СДСМ, Мухамед Зекири и кандидатот за пратеник од редовите на Движењето БЕСА, дел од коалицијата Можеме, Бастри Бајрами.

„Ви оддавам признание бидејки одовде почна рушењето на режимот и одовде беше испратена пораката за единство, сплотеност и сите заедно да направиме подобро за нас и нашите деца. Ние од ИЕ 2 сме Македонија во мало и затоа ја имаме најглема одговорност во однос на изборите. Победата во Арачиново е победа и во ИЕ 2 и победа на Македонија со што ќе пратиме силна порака за единство", рече Спасовски.

Тој зборуваше за сработеното во изминатите три години и за новата програма што се темели на клучната цел за нова развојна економија и натамошна грижа за сите.

„Најавуваме една милијарда евра странски инвестиции до крајот на мандатот, имаме најповолни услови за инвестирање во регионот и добри работници кои ќе работат за добри плати. Оваа изборна програма којашто ќе биде и владина програма ќе се потпира на проекти од економијата и на инфраструктура, бидеки немаме веќе отворени прашања, дражвата ја запишавме во картата на држави во светот. Ќе имаме нова развојна економија, обезбедуваме нови работни места. Обезбедуваме и над 600 милиони евра пари за поддршка на домашни и странски инвестиции, од коишто 300 милиони предвидуваме да бидат од буџетот, а 300 милиони од европските фондови", најави Спасовски.

Тој потсети на сработеното во изминатите три години, овозможената слобода и демократија, консолидација на институциите, враќање на долговите направени од режимскиот систем, за враќањето на парите кон граѓаните преку евтината тарифа на струјата, укинатата радиодифузна такса, зголемувањето на минималната и просечната плата на 14.500 и 27.500 денари, за најголемото зголемување на пензиите во последните 12 години од 720 денари, за воведената државна социјална пензија, за поддршката на младите преку низа проекти, меѓу коишто и младинската гаранција, за донесените храбрите одлуки од коишто придобивка се членството во НАТО и ЕУ интеграциите.

„Со тоа ги отворивме и можностите за европски фондови од 2 и пол милијарди евра за нашата држава и за нови инвестиции. Со сето ова се создадени можности за нови покачувања на платите и пензиите, за утврдување минимална пензија од 10.700 денари и за нова финансиска поддршка на младите " рече Спасовски.

Тој зборуваше и за создадените основи за правна држава преку донесениот закон за јавно обвинителство и за создавањето Еко-држава.

„Да го исчистиме еколошкиот отпад, но и политичкиот, да расчистиме со остатоците од груевизмот засекогаш", рече Спасовски.

Носителот на листа во ИЕ 2, Спасовски посочи и дека се направени многу километри експресни и регионални патишта и автопатиштата за коишто во времето на ВМРО-ДПМНЕ се барале провизии, а посочи и на сработеното во Арачиново и во ИЕ 2: канализација во должина од 10 километри што е 55 проценти завршена и до крајот на годината нема да има семејство кое нема да биде прикличено на неа, новата општинска зграда, модерни услови за учење во училиштата во Арачиново и Грушино. Рече дека се прави патека за шетање од 1.100 метри, што ќе биде еден од најубавите делови на Арачиново, првата детска градинка што е предвидено да биде меѓу најубавите во државава, а дека ќе се изгради и мултуфунционално игралиште каде децата ќе спортуваат.

„Оваа коалиција Можеме нуду сигурност, јасна визија и перспективи, мир и спокој и развојна економија. На другата страна е Груевски обновен во Мицкоски, режим, лаги и манипулации и желба да се оствари долгогодишната партнерска врска за владеење", рече Спасовски.

„Нема веќе национализам што вирее на овие простори. Да ги оставиме да се само обноват во опозиција", повика Спасовски.

Тој порача водење безбедна кампања и излезност на изборите за да се формираат институции со полн капацитет што ќе може да справат со сите здравствени и економски потреби на граѓаните.

„Ни требаат институции коишто ќе можат во полн капацитет да носат законски решенија, да менуаат законски решенија Ќе има последици од кризата и ќе мора да се справиме со институции со полн капацитет", рече носителот на листа во ИЕ 2, Оливер Спасовси, вечерва во Арачиново.

На граѓанската трибина се обратија и кандидатот за пратеник, Мухамед Зекири и кандидатот за пратеник од редовите на Движењето БЕСА, дел од коалицијата Можеме, Бастри Бајрами.

„Арачиново се менува на подобро за разлика од пред 7 години кога зборувавме за основни потреби во општината. Сега зборуваме за градење градинки, за култура, за вложувања во спортот. Докажавме дека наш интерес како коалиција Можеме е грижа за граѓаните, повисоки плати, подобри работни места, ДУИ не може да `не спречи во тоа, рече Бајрами во Арачиново.

Молк во Софија и Скопје пред Советот за општи работи во Луксембург

Затишје пред бура или соочување со се поизвесниот епилог дека Македонија годинава ќе остане без почеток на преговори со Унијата. 

Молк и во Софија и во Скопје, пред министерскиот состанок, каде следниот вторник треба да се формализира одлука. Она што е јасно е дека преговарачката рамка на Македонија вчера не го мина филтерот на ниво на амбасадори и според се уште неофицијалните информации , опцијата за вклучување датум за одржување на првата меѓувладина конференција е отстранета од заклучоците. Нема никакви детали ниту за патоказот, на кој инсистира Софија, а кој неодамна го спомена министерот Османи како механизам за следење на спроведувањето на Договорот со Бугарија. Цврстиот став на Бугарија денеска се обидоа да го амортизираат опозициските социјалисти. Костадин Паскалев за бугарската БТВ вели дека однесувањето на Софија ќе има трајни последици во односите со Македонија.

-Однесувањето на Бугарија кон Македонија ќе има трајни и неповратни последици. Бојко Борисов би требало да ги седне неговите министри и политички партнери и да стори се што е возможно со неговите партнери преку границата, и овој еден народ во две држави да стане член на ЕУ. Во последниве недели неопходни се категорични дејствија од Бугарија за да стане Македонија членка на ЕУ. Земјата можеби има претензии кон Бугарија? -Какви претензии? Со двата тенка, што им ги подаривме? Немојте така. Тоа е несериозно. , вели Костадин Паскалев, член на Националниот Совет на БСП

Во затегнати политички односи, 11-тата средба во низа ја очекуваат и членовите на мешовитата Комисија за историја, кои во среда и четврток на онлајн разговори ќе се обидат да ги поместат позициите. Последните пораки на првите луѓе Ангел Димитров и Драги Ѓоргиев не влеваат надеж дека научните факти ќе надвладеат над политиката.

-Големата одговорност треба да ја понесат политичарите, треба да заземат позиција, а не да се занимаваат со мантрата дека историчарите ќе го решат спорот. Нашите колеги сакаат тие спорови да ги пролонгираат додека не се пензионираат. , вели Ангел Димитров, копретседател со Мешовитата комисија за историски прашања (28.11.2020).

- Не можам ништо да прогнозирам дали ќе има некаков напредок. Го чувствуваме притисокот и на јавноста и на актуелните политички случувања, вели Драги Ѓоргиев, копретседател со Мешовитата комисија за историски прашања (26.11.2020).

Според најавите, клучни теми на средбата се очекува да бидат Гоце Делчев и македонските учебници по историја за седмо одделение.

ЦЈЗ во Прилеп: Мал пад на новозаразени, зголемен број пациенти на кислородна поддршка

Најголем пораст има во бројот на хоспитализирани пациенти на кои им е неопходна кислородна поддршка.

Во последните две недели, Прилеп бележи мал пад на новозаразени, останува бројот на хоспитализирани, но и бројот на починати пациенти, а се зголемил бројот на пациентите кои се на кислородна поддршка, информираат од прилепскиот Центар за јавно здравје во неделните пресеци на состојбата со коронавирусот во Општината.

Претходната недела, од 17 до 23 ноември, имало 425 нови случаи на заразени, а последниете седум дена, од 24 ноември до вчера, регистрирани се нови 402 случаи, што е за 23 помалку. Од 107 хоспитализирани претходно, минатата недела бројот е 119. Речиси ист е бројот, 47, односно 48 пациенти, кои се лекуваат со дневна терапија. За жал, не опаѓа бројот на оние кои ја загубиле битката со коронавирусот. За две недели починале 36 граѓани. Досега вкупниот број на починати во Прилеп е 131 лице.

Најголем пораст има во бројот на хоспитализирани пациенти на кои им е неопходна кислородна поддршка. Ако пред една недела половината од хоспитализираните имале потреба од килородна поддршка, минатата недела бројката е две третини. Како што велат од Градската болница „Борка Талески", последниве денови се хоспитализираат претежно повозрасни пациенти.

Од почетокот на пандемијата, до вчера, бројот на заразени од коронавирусот во Прилеп е 3.010 граѓани, од кои 1.000 се активни случаи./МИА

Почина заменик-градоначалникот на град Скопје, Енвер Малиќи

Од компликации од Ковид-19, почина заменик-градоначалникот на Скопје, познатиот бизнисмен Енвер Малиќи.

Тој бил хоспитализиран во болница поради здравствни проблеми, со тест му било потврдено присуство на коронавирус. Градот Скопје на социјалните мрежи ја објави тажната вест.

„Денеска загубивме голем пријател, драг колега и човек кој својот лик и дело на повеќе нивоа нераскинливо ги врзува за Скопје.“

Преку социјалните мрежи сочувство за загуба на заменик-градоначалникот Енвер Малиќи изразија и премиерот Зоран Заев, градоначалникот на Скопје Петре Шилегов како и советничката група на ВМРО-ДПМНЕ и Коалицијата во град Скопје.

Изминатото деноноќие од ковид-19 во болнички услови животот го загубија 32 лица, информираа од министерството за здравство. Црниот ноемвриски бран на починати од корона вирус ја искачи Македонија на второ место по починати за една недела споредено со земјите во регионот. Трендот кој започна во септември, дополнително се засили во октомври, последнава недела ескалира. Ако од почеток на пандемијата заклучно месец октомври имаше 994 починати, само во ноември црниот ковид биланс во Македонија изнесува 769 лица.

Слична е состојбата и со земјите во региононот. Статистичките податоци покажуваат дека во моментов најтешка е состојбата во Бугарија, таа е на врвот на листата со 19,86, Македонија со 14,88 и Босна и Херцеговина со 14,76 на милион жители.

Словенија е на прво место во Европа според неделниот број на смртни случаи од коронавирус, со просечен број од 23,23 пациенти на милион жители, Унгарија со 13,78 и Хрватска со 13,50 смртни случаи на милион жители.додека СрбСрбија со 8,1% смртност од корона.

притисни ентер