Спасовски на средна со граѓани во Ѓорче Петров

Продолжува вистинската грижа за сите, во соработка со граѓаните ќе ја зголемиме општата и сообраќајната безбедност.

Потпретседателот на СДСМ Оливер Спасовски денеска присуствуваше на маалска средба со граѓани од скопската општина Ѓорче Петров.

На средбата на која беа запазени сите мерки за заштита од коронавирусот, Спасовски со граѓаните разговараше на повеќе актуелни и важни теми.

Потпретседателот Спасовски истакна дека по трите сета мерки за помош во економијата, Владата предводена од СДСМ неодамна го донесе и веќе го спроведува и четвртиот сет мерки вреден 470 милиони евра преку кој ќе им се помогне на пензионерите, на невработените, на самохраните родители, но сериозно ќе им се помогне и на компаниите особено оние кои се од најпогодените сектори од коронакризата.

Спасовски на средбата разговараше и за општата и сообраќајна безбедност, при што се осврна на засилените контроли што Министерството за внатрешни работи ги прави во овој дел од Скопје а кои имаат за цел превенирање на сообраќајни прекршоци и зголемена безбедност во сообраќајот.

„Само во текот на вчерашниот ден преку засилена акциска контрола само во Ѓорче Петров се санкционирани 192 возачи за различни сообраќајни прекршоци, а од санкционираните 11 лица се мотоциклисти. Важно е да сфатиме дека само со почитување на сообраќајните правила од сите учесници ќе се достигне целосна состојба на ред и дисциплина која сите ја посакуваме и затоа овие засилени контроли и овде во Ѓорче Петров но и низ целата државата, ќе продолжат и во иднина, порача Спасовски на средбата со граѓани.

Порно актерка ги возбуди фудбалските навивачи (ФОТО)

Во текот на изминатиот викенд, завршија натпреварите во италијанската Серија Б, а крајот на сезоната го означи враќањето на Салернитана по 23 години во највисокиот ранг.

Навивачите на италијанскиот клуб од градот Салерно бурно го прославија пласманот во Серија А, а фотографијата од прославата на една од навивачките го обиколи светот.

Италијанските медиуми наскоро објавија дека атрактивната дама што ја рекламираат светските медиуми е всушност 40-годишната порно актерка Присила Салерно.

"Во добро и лошо, вашата кума секогаш ќе биде таму. Моето срце чука забрзано за местото во Серија А, следната година сме шампиони", напишала Присила и објавила фотографии од прославата на својот Инстаграм профил.

Австријка стана хит поради еластичноста, си сипува чај со нозете (ВИДЕО)

Стефани Милингер од Австрија стана хит на социјалните мрежи. Нејзиниот Инстаграм е полн со фотографии и видеа кои покажуваат колку е еластична.

Флексибилната 28-годишна Австријка го витка своето тело на навидум незамисливи начини, а својот талент го покажа и во германската верзија на шоуто Суперталент.

"Главно добивам различни реакции. Луѓето или коментираат дека работите што ги правам се глупави и дека го ризикувам мојот живот поради кликови или ме поддржуваат затоа што го работам она што го сакам. Јас само сакам да покажам што сум способна да направам", изјави Стефани за Метро.

Таа исто така пронашла интересен начин да сипува чај, а научила и да слика и држејќи ги четките со прстите на нозете.

Трамп ја зајакнува позицијата во неговата партија, ја смени од важна позиција Лиз Чејни

Доналд Трамп денеска го потврди своето влијание врз републиканците со исфрлањето од партискиот врв на Лиз Чејни, која  не ја толерира.

Таа конзервативна лидерка „нема личност и не направи ништо добро за нашата политика и за нашата земја“, коментира поранешниот претседател на САД и поранешен магнат за недвижнини.

Со затворено гласање за само неколку минути, 212 републиканци во Претставничкиот дом ја тргнаа Чејни од позицијата трета по ранг во пратеничката група на републиканците.

„Немаше многу гласови“ за да ја поддржат, изјави пред новинарите пратеникот од Флорида, Бајрон Доналдс, кој гласаше за нејзино разрешување.

„Ќе направам се што е во моја моќ да се осигурам дека поранешниот претседател никогаш повеќе да не влезе во Овалната соба“, одговори Лиз Чејни веднаш по гласањето.

„На земјата и треба силна републиканска партија заснована врз главните принципи на патриотизам и ветувам дека ќе дадам се од себе партијата да оди во таа насока“, рече ќерката на поранешниот потпретседател Дик Чејни.

Лиз Чејни негодуваше против Доналд Трамп и немилосрдно ја критикуваше неговата „голема лага“ кога без докази тврдеше дека неговите последни претседателски избори биле „украдени“ и го обвини за поттикнување приврзаниците на насилство и упадот во Капитол.

Чејни, како и уште девет републиканци од долниот дом, гласаа за отповикување на Трамп на 13 јануари под обвинение за бунт по смртоносниот напад на американскиот Капитол една недела претходно. Останатите 197 гласа беа против отповикувањето.

Лиз Чејни (54), ќерка на поранешниот републикански потпретседател Дик Чејни, беше во републиканската администрација пред нејзината прва победа на изборите за Конгресот во 2016 година.

притисни ентер