Спасовски: Борбата против недозволената трговија со оружје е издигната на ниво на приоритет

Министерот за внатрешни работи Оливер Спасовски денеска се обрати на Регионалниот состанок на претставници на гранична полиција и Царинска управа од Југоисточна Европа.

Министерот за внатрешни работи Оливер Спасовски денеска се обрати на Регионалниот состанок на претставници на гранична полиција и Царинска управа од Југоисточна Европа, во организација на Агенцијата за контрола на мало и лесно оружје во Југоисточна Европа (SEESAC) и Европската агенција за гранична и крајбрежна стража ФРОНТЕКС.

Како што соопшти МВР, на состнокот присуствуваше и заменик-амбасадорот на Делегацијата на Европската Унија во Скопје Бен Нупнау, како и полициски службеници од граничните полициски и царински служби во регионот на Југоисточна Европа.

Истакнувајќи ја партнерската соработка со СИСАК и ФРОНТЕКС, Спасовски во своето обраќање рече дека управувањето и зајакнувањето на границите со цел справување со сите форми на прекуграничен криминал, меѓу кои и недозволената трговија со оружје е еден од приоритетите на МВР. Во исто време, како што се наведувам и еден од најголемите предизвици, а во таа насока, борбата против недозволената трговија со оружје е издигната на ниво на стратешки приоритет на Министерството за внатрешни работи.

- Во таа насока, согласно стратешката определба на Република Македонија за пристапување кон Европската Унија и усогласување со европските директиви, оваа година ја донесовме Националната стратегија за контрола на мало и лесно оружје и национален акциски план за 2022-2025 година. Во завршна фаза на усвојување е Прирачникот за мало и лесно оружје за граничните и царинските службеници, во соработка со Frontex, а во соработка со ОБСЕ донесена е и Стандардната оперативна процедура за прибирање и следење на податоци и информации за известувања поврзани со мало и лесно оружје, истакна Спасовски.

Тој соопшти дека Министерството за внатрешни работи континуирано работи и се залага за зајакнување на своите капацитети. Тоа, како што рече, јасно се гледа преку редовното учество на нашите експерти на регионалните состаноци за огнено оружје на земјите од Југоисточна Европа, организирани од страна на СИСАК, со цел продлабочување на регионалната соработка во борбата со нелегално поседување и трговија со огнено оружје во Југоисточна Европа, преку меѓусебна размена на искуства.

Спасовски рече дека активно се работи и на спроведување на сите планирани активности за остварување на поголеми резултати во подигнувањето на јавната свест за опасностите од злоупотреба на огнено оружје, спречување на трговијата со оружје, како и воспоставување ефикасни системи за размена на информации.

- Неодамна одржаната Обука за етиката во информирање на јавноста за родово базираното насилство, со фокус на инциденти со злоупотреба на огнено оружје, организирана од СИСАК, на која учествуваа и вработени во МВР но и медиуми беше уште една убава можност да се поработи во истата насока, рече Спасовски, кој порача да продолжат да се организираат настани од ваква природа, со кои ќе се подигне свеста во борбата против злоупотребата на огненото оружје.

Миле Јанакиески излезе на слобода по шест години во притвор и затвор

По шест години во затвор, поранешниот министер за транспорт и врски Миле Јанакиески од денеска е на слобода. 

Утринава е пуштен од истражниот затвор во Шутка, потврди за Канал 5 неговиот адвокат Еленко Миланов. Таму ја издржуваше казната за предметот Титаник поврзан со изборни нерегуларности за кој призна вина. Во 2022 година беше осуден на 4 и пол години затворска казна а следната година скопска Апелација му ја намали на 3 и пол години. Во март годинава Апелациониот суд одлучи да ја уважи жалбата на Јанакиески со која бараше условен отпуст, но и ова решение со кое првично требаше да излезе од затвор во јануари догодина го преиначи со денешен датум, но под услов до истекот на условниот отпуст обвинетиот да не стори ново кривично дело – беше наведено во одлуката на Апелација.

Случајот Титаник беше еден од првите кои ги отвори сега згаснатото СЈО. Јанакиески беше обвинет и во предметите Топлик и Талир, но со ланските измени на Кривичниот законик кривичните дела во овие предмети застареа.

Јанакиески сепак останува обвинет во два случаи за кои ќе треба да се појави во судница. Првостепената пресуда за Организатори на 27 април Апелација ја укина и го врати предметот на повторно одлучување во Кривичен откако утврди дека понискиот суд сторил суштествени повреди во постапката. Екс министерот е првообвинет за злоупотреба на службената положба во случајот Шпански скали. Вкупно 11 лица опфатени во овој предмет се товарат дека со незаконската продажба на парцелите пред зградата на ЕВН на плоштадот во Скопје ја оштетиле државата за 2,6 милиони евра.

Европскиот суд за човекови права во Стразбур претходно утврди дека на Миле Јанакиески незаконски му бил продолжуван домашниот притвор во случаите за Организатори на 27 април и за „Шпански скали“ а државата да му плати отштета од 3900 евра.

Со условен отпуст од затвор излегоа и поранешниот шеф на УБК Сашо Мијалков каде ја издржуваше затворската казна за случајот Империја, како и поранешната министерка за внатрешни Гордана Јанкуловска која беше осудена на четиригодишна затворска казна за случајот Тенк.

Вработен во „Македонски Шуми“ не може да се оперира од рак, претпријатието не платило придонеси

Корун иако е вработен не може да се лекува во здравствените установи на товар на Фондот.

Околу 80 илјади денари приватно треба да плати Корун Кукуловски од Ресен за ПЕТ скен снимање што е клучно за да се знае дали Корун треба да направи операција откако му било потврдено дека има малиген рак на простата со укажување дека ракот може да се прошири и на други органи. Корун иако е вработен не може да се лекува во здравствените установи на товар на Фондот бидејќи од Јавното претпријатие Македонски Шуми не им испалатиле две плати а со тоа не им исплатиле ниту здравствено и пензиско осигурување. Корун за спас бара помош а ако не ја добие ќе продава тоа што може да се продаде.

Од претпијатието Македонски Шуми за Канал 5 објаснуваат дека сметката е блокирана од Управата за јавни приходи и дека се додека не се плати долгот плата ќе нема. Единствено директорот Гуревски гледа можност доколку од управата дозволат да се плати само здравствено осигурување.

Од синдикатот на Македонски шуми раскажуваат дека не е само Корун единствен случај кому итно треба итна интервенција и колега од Гевгелија чека здраваствено тој на болницата во Веле и должи за направена операција без осигурување.

Во Март годинава околку две илјади вработи од 30 подружници штрајкуваа поради неплатени плати и и придонеси.

.

Претседателот на Уставен суд на средба со амбасадорот на Италија

Претседателот на Уставниот суд Дарко Костадиновски и судијката Ана Павловска-Данева денеска остварија работна средба со амбасадорот на Република Италија, Адреа Силвестри. 

Централна тема на разговор беше испитување на можностите за остварување на билатерална соработка помеѓу уставните судови на двете држави.

Претседателот д-р Костадиновски го информираше амбасадорот Силвестри за приоритетите во неговиот мандат.

Амбадсадорот Силвестри пројави интерес за прашањата поврзани со обезбедувањето на независноста и самостојноста на Судот, како и за транспарентноста и отвореноста на Уставниот суд.

На средбата беа разменети мислења на теми поврзани со реформирање на правосудниот систем, при што судиите проф. д-р Ана Павловска-Данева и д-р Костадиновски изразија надеж дека реформскиот процес во сферата на правосудството ќе се одвива во согласност со Уставот и во рамките на уставните принципи.

Амбасадорот Силвестри изрази поддршка за најавените приоритети и најави дека лично ќе се заложи за унапредување на билатералните односи во полето на уставното судство и подобрување на севкупната соработка.

притисни ентер