Македонија

Советот на амбасадори ја поздравува силната поддршка на САД за брза евроинтеграција на земјава

Совет на амбасадори исто така ја поздравува одлуката на британскиот премиер Борис Џонсон да го назначи Стјуарт Пич за специјален пратеник за Западен Балкан.

Здружението за надворешна и меѓународна политика Совет на амбасадори ги поздравува напорите на американскиот Стејт Департмент за стабилизирање на безбедносните состојби на Западен Балкан и забрзување на евроинтеграциските процеси преку именување на Габриел Ескобар, заменик-помошник државен секретар за Европа и Евроазија за специјален пратеник на САД за Западен Балкан.

– Совет на Амбасадори високо ја цени силната поддршка на американската администрација, изразена за време на посетата на Габриел Ескобар во Скопје за брза евроинтеграција на Македонија и нивната работа со европските партнери за да се обезбеди тоа да се случи многу брзо, стои во соопштението на Советот на амбасадори.

Совет на амбасадори исто така ја поздравува одлуката на британскиот премиер Борис Џонсон да го назначи Стјуарт Пич за специјален пратеник за Западен Балкан, како дел од тековната посветеност на Обединетото Кралство за стабилност и просперитет во регионот, а во функција на зајакнување на меѓународните напори за заштита на мирот и промовирање на евроатлантската интеграција во овој клучен регион.

– Советот е убеден дека Габриел Ескобар во соработка со Стјуарт Пич, Жозеп Борел, висок претставник на ЕУ за надворешна политика и Оливер Вархеји, ЕУ комесар за проширување и балканските лидери ќе и отворат на земјите на Западен Балкан вистинска ЕУ перспектива и што побрза интеграција во ЕУ преку надминување на присутните билатерални несогласувања и недоразбирања, стои во соопштението на Советот на амбасадори.

Други спортови

Бонмати и Ѓоковиќ добитници на спортските оскари за 2023

Шпанската фудбалерка Аитана Бонмати и српскиот тенисер Новак Ѓоковиќ се добитници на наградата Лауреус, таканаречените Оскари за најдобра спортистка и спортист во 2023 година.

Минатата година Бонмати беше избрана за најдобар играч во изборот на ФИФА, а беше прогласена и за најкорисен играч (МВП) на Светското првенство на кое Шпанија ја освои шампионската титула.

Новак Ѓоковиќ ја освои наградата Лауреус по петти пат во кариерата, откако минатата година освои три од четирите грен - слем турнири (Австралија Опен, Ролан Гарос, УС Опен) и играше во финалето на четвртиот (Вимблдон).

Спортистите за наградата Лауреус се номинирани од претставници на светските медиуми, а победниците ги избираат 69 членови на Светската спортска академија Лауреус. Наградата е основана во 2000 година.

Добитници на наградата Лауреус за 2023 година:

Спортистка на годината: Аитана Бонмати

Спортист на годината: Новак Ѓоковиќ

Тим на годината: Шпанска женска фудбалска репрезентација

Најголем напредок: Џуд Белингем

Повратничка на годината: Симон Белс

Најдобра спортистка со попреченост: Диде де Грот

Спортистка на година во акциски спортови: Ариса Трев

Награда за хуманитарна работа: Фондација Рафа Надал. /МИА

Македонија

Гласањето на болните и изнемоштените во десетте општини од Југоистокот почна без проблеми

Најмногу болни и изнемоштени се пријавени во Општина Струмица - 356.

Вкупно 1.547 болни и изнемоштени лица денеска гласаат во првиот круг од претседателските избори во десетте општини во Југоисточниот плански регион - Струмица, Радовиш, Василево, Босилово, Ново Село, Конче, Богданци, Гевгелија, Дојран и Валандово. Гласањето се одвива без проблеми и според општинските изборни комисии се очекува да заврши во попладневните часови.

Најмногу болни и изнемоштени се пријавени во Општина Струмица - 356, а заедно со нив гласат и затвореници од Затворот во Струмица. Утрово од 07:30 почна подигањето на избирачкиот материјал и процесот тече без проблеми.

Претседателите на изборните комисии од другите општини, исто така, информираат дека гласањето се одвива нормално и без пробеми.

Во Општина Ново Село се пријавени 299 болни и изнемоштени лица, Босилово-172, Гевгелија-175, Валандово-78, Василево-186, Радовиш-123, Конче-48, Дојран-44, Богданци-66 избирачи.

Во избирачкиот список во десетте општини вкупно се запишани вкупно 147167 граѓани со право на глас, кои ќе гласаат на 273 избирачки места.

Македонија

ЈСП: Јавниот превоз утре по неделен возен ред, жичницата на Водно нема да работи

Јавното сообраќајно претпријатие Скопје соопшти дека утре јавниот превоз ќе функционира по неделен возен ред, а жичницата на Водно нема да работи.

Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.

притисни ентер