Сообраќаен режим пред болницата во Тетово поради реконструкции на две пристапни улици

Полицијата во Тетово почна со посебно регулирање на сообраќајот пред болницата со оглед дека се изведуваат реконструкции на две пристапни улици. 

Станува збор за делница од улицата „Јане Сандански", како и дел од улицата „Димо Гавроски-Кара". Токму овие две улици и улицата „29 Ноември" покрај самата болница се еднонасочни улици што уште повеќе го отежнува сообраќајот.

Пред главниот влез на болницата сега има полицајци кои го регулираат сообраќајот. Од Секторот за внатрешни работи Тетово соопштија дека секојдневно од 8 до 16 часот со сообраќајно-полициска служба се присутни пред и околу тетовската Клиничка болница со цел непречено и безбедно одвивање на сообраќајот на овој простор.

-Секторот за внатрешни работи Тетово има издадено сообраќајна согласност за изменет сообраќаен режим на улиците „Јане Сандански" и „Димо-Гавровски-Кара" кои водат кон болницата, а кои се во фаза на реконструкција.Изменетиот режим на сообраќај, по добиената согласност, кога станува збор за неговото регулирање, е во надлежност на тетовската локална самоуправа, односно на изведувачот на работите.Изведувачот на работите, пак, согласно доставените елаборати до СВР Тетово должен е да обезбеди и постави соодветна сообраќајна сигнализација и да ги реализира сите други законски предвидени предуслови. СВР Тетово ја следи имплементација на изменетиот сообраќаен режим и презема конкретни мерки и активности во функција на непречен сообраќаен проток до оваа здравствена установа, информира Марјан Јосифоски, портпарол на тетовската полиција

Од друга страна жителите на Тетово се жалат на отежнатиот пристап и сообраќајниот метеж додека се стигне до болницата поради реконструкциите на двете улици.

-Сметаме дека не се водело доволно сметка и има пропуст општината што дозволила во исто време да се работи на двете улици. По улица „Јане Сандански" не може да се стигне до болницата, а потоа „Димо Гавроски-Кара" која е за излез не може да се користи. Поради тоа што „29 Ноември" е еднонасочна се создава огромен метеж пред главниот влез во болницата каде поради рекоснтрукција на „Димо Гавровски Кара„ мора возилата да се враќаат назад, објаснуваат револтирани жители на Тетово кои се обратија до МИА.

Улицата „Димо Гавровски-Кара" започна да се реконструира вчера. Треба да се работи атмосферска канализација и асфалтирање на делница од 185 метри со широчина од шест метри и прилагодување на двата тротоари. Градежните работи на улицата „Јане Сандански" започнаа на почетокот на август, каде исто така се работи на подземната инфраструктура, поставување асфалт и уредување на тротоари.

На Британец му извадиле бубрези, тешки рекордни 35 килограми: Можам да дишам (ВИДЕО)

Ворен Хигс, 54, од Виндзор, Велика Британија, страда од полицистична бубрежна болест.

Тоа е наследна болест која предизвикува раст на цисти во бубрезите и може да доведе до откажување на бубрезите. Зафаќа едно лице од 1.000 и нема лек.Хигс бил опериран пред неколку месеци, а хирурзите велат дека неговите бубрези биле рекордно големи.

Имено, тежеле вкупно 35 килограми, а хирурзите му ги отстраниле двата бубрега.Се верувало дека стариот рекорд изнесувал 7,4 килограми, а тој бубрег е изваден од пациент во Индија.

Хигс се вратил во релативно нормален живот три месеци по операцијата и вели дека се чувствува многу подобро.

„Можам да дишам, можам да јадам“, вели тој, но сепак се бори со рамнотежата.

Сепак, тој редовно оди во теретана и тренира и планира да истрча 10 милји дневно.

Во Романија нема места на ооделите за интензивна нега, пациентите лежат на душеци на подот

Рекорден број на нови смртни случаи од коронавирус денеска се регистрирани во Романија, а болничкиот систем достигнал точка што нема повеќе слободни кревети на одделите за интензивна нега.

Во последните 24 часа, пријавени се повеќе од 18.800 нови инфекции со „Ковид-19“, а 574 луѓе починале. Романија е втората земја во Европа со најниска стапка на вакцинација, пишува Ројтерс.

Видеата од болниците во Букурешт покажуваат пациенти како лежат на душеци на подот или држат резервоари за кислород на преполните клупи во ходниците. Мртовечниците работат со полн капацитет.

"Нема доволно простор за сите случаи. Ако стапката на вакцинација беше 70 до 80%, сега ќе имавме десет пати помалку смртни случаи", рече Клаудио Русу, доктор во единицата за интензивна нега.

Во Романија, само 36% од возрасната популација е целосно вакцинирана, а просекот на Европската унија е 74%. Досега во октомври, едно лице на секои пет минути починува во земјата од последиците од инфекција со ковид.

Условите за избор на Мис на Франција ги шокираа кандидатките, подготвија тужба

Француските активистки за правата на жените поднесоа тужба против организаторите на изборот Мис Франција за дискриминација, пренесува порталот Франс инфо.

Групата Osez le féminisme (Осмели се за феминизмот) со три одбиени кандидатки ја обвинија Мис Франција и Ендемол за дискриминација на работа. Тие тврдат дека е неприфатливо условот за избор да е висината над 170 сантиметри, кандидатките да не се во брак и да се „претставнички на убавината“.

„Според францускиот закон, забранет е секаков вид дискриминација врз основа на возраста, моралот, физичкиот изглед и семејниот статус“, изјавила за АФП Виолан Де Филипис-Абате, адвокат на групата „Осез ле феминисме“.

Но, прашање е дали француските натпреварувачки можат да се третираат како вработени. Имено, тие потпишуваат договор, но тоа не е договор за вработување. Француските медиуми пишуваат дека тужителите сега се повикуваат на судската одлука од 2013 година, кога поранешниот кандидат за г -дин Франција ги тужел организаторите од слични причини.

притисни ентер