Собранието ги изгласа измените на законите за основно и средно образование

Пратениците на денешната седница со 61 пратеник „за", ниту еден „против" и 28 „воздржани", го донесе Законот за изменување и дополнување на Законот за основно образование.

Со 61 глас „за", еден „против" и 25 „воздржани" собранието го донесе Закоконот за изменување и дополнување на Законот за средно образование, по скратена постапка.

Министерката за образование и наука Мила Царовска ги образложи законите за основно и за средно образование. Потсети дека за законот за основно образование се дисутирало многу на комисијата и смета дека сите одредби од Предлог-законското решение и измената на законот за основно обрзаование се јасни.

– Утврдуваме одредена уредба која во вонредни околности ќе може да ја носи Владата се со цел да го уреди траењето на часовите, бројот на наставните денови во одредена година се со цел да се воспостави ова како механизам кој првпат ќе биде поставен во законот. Целта на оваа уредба ќе биде технички да ја уреди школската година во текот на таа година кога имаме вонредни околности. Првпат се воведува правото на учење од далечина, кое досега не било регулирано, рече Царовска.

Посочи дека учењето од далечина нема да се случува само во вонредни околности, со осовременување на образовниот систем може да се смета дека овој тип на платформа ќе биде корисна и за учениците и за континуирано учење на наставниците.

Министерката за образование остро реагираше на забелешките од страна на опозициската ВМРО-ДПМНЕ, напоменувајќи дека денешната состојба во образованието е последица на владеењето на ВМРО ДПМНЕ. Таа истакна дека ефектот од она што се работи денес, ќе се види за 10 до 15 години, како што се гледаат последиците од она што било сработено во минатото.

Претениците од СДСМ во неколку наврати истакнаа дека е време на пандемија, со која се соочува цел свет и оти и другите, многу поразвиени земји, се соочуваат со предизвик да се справат со ситуацијата. Рекоа дека пред да се изготви предлог законот е разговарано со сите засегнати страни.

Пратениците од опозицијата укажуваа на недостатоците во образованието, на тоа што работела досега, како што велат, „старо-новата Влада". Сметаат дека ја нема дијагнозата, големата слика во основното образование во состојба на Ковид-19, ги нема профилите на наставниците. Посочија дека 40 илјади ученици немаат компјутери и ќе треба да останат дома и да гледаат ТВ. Според нив, тоа е дискриминација.

Прашаа зошто не почна учебната година на време, дали ќе почне на 1 октомври, зошто нема да има скрининг на наставниците. Зошто досега не биле мапирани регионите со помалку заболени од коронавирус, како и училиштата каде нема основни услови за одржување хигиена, што е со образовните и лични асистенти на учениците со посебни потреби...

Пратеникот Арбер Адеми и поранешен министер за образование и наука посочи на досега реализираните активности во образованието, како донесените законски уредби за децата да не ја изгубат учебната година, која како што рече, заврши успешно. Потсети на проектот ТВ училница што се емитуваше преку националната телевизија и додаде оти наставниците сериозно се ангажирале во целиот процес.

Адеми рече дека тој и пратеничката група на ДУИ ќе дадат поддршка на ова законско решение. Укажа дека измените се потребни, неопходни и изрази надеж дека епидемиолошката слика во земјава ќе се подобри и сите ученици да се вратат во училиште.

Халил Снопче од Алијанса за Албанците смета дека овој предлог-закон за основно обрзаование има за цел пренесување на сите ингеренции на Владата, а се запоставуваат Парламентот и општинските совети. Според него, Владата треба да има последен збор, но со согласност од локалната самоуправа бидејќи, како што рече, тие знаат најдобро што се случува во училиштата, инфраструктура и сл. , дека блок дотациите не се доволни за решавање на елементарните проблеми во нормални услови. Укажа дека досега онлајн наставата во земјава не се одвивала како што треба и била неуспешна.

Измените и дополнувањата на законите за основно и средно образование предвидуваат во услови на вонредни околности учебната година да може да започне и да заврши во различно време за што треба да одлучи Владата. Како вонредни околности, во законите, се наведуваат прогласена кризна состојба, прогласена епидемија, односно пандемија, пожари, поплави или други големи природни непогоди. Одлуката на Владата може да се однесува на целата територија на републиката или на нејзин дел.

-Се додава и нов став 5, кој уредува дека во услови на вонредни околности бројот на наставните денови во учебната година може да биде помал од 180, но не помалку од 100 наставни денови, зашто одлучува Владата. Ставот 6 станува став 9 и се регулира дека воспитно – образовната работа не смее да се прекинува во текот на наставната година, освен во случај на настапување на вонредни околности (прогласена кризна состојба, прогласена епидемија, односно пандемија, пожари, поплави или други големи природни непогоди), зашто одлучува Владата која го уредува начинот на организирање и реализирање на наставата до крајот на учебната година, но не помалку од 100 наставни денови, според скратени наставни програми, кои на предлог на Бирото, ги утврдува министерот, се наведува, меѓу дургото, во образложението на измените на Законот за основно образование.

Исто така се предвидува во услови на вонредни околности училиштата да организираат воннаставни активности за учениците поврзани со нивниот личен, социо-емоционален и психолошки развој. За учеството во овие воннаставни активности во вонредни околности се предвидува наставникот да води само евиденција за присуство на учениците, и не се издава додаток на сведителство.

Во основното училиште во услови на вонредни околности, кога наставата е организирана преку далечинско учење, може да се организира настава со физичко присуство на учениците доколку се исполнети критериумите и условите согласно здравствените протоколи за соодветниот вид на училиште донесени од Владата согласно закон, епидемиолошката состојба на подрачјето на општината на која се наоѓа училиштето, бројот на учениците во паралелката и просторните и хигиенско санитарните услови во училиштето, на начин согласно членот 50 од овој закон.

Во средните училишта ќе може да се организира настава со физичко присуство на учениците или преку далечинско учење, со примена на средства за електронска комуникација.

Во вакви околности, како што се предвидува, за времетраењето на часот и за максималната бројка на ученици во паралелките во основното и во средното образование ќе одлучува исто така Владата./МИА

Дневен хороскоп за 25.октомври 2020 година

Дневен хороскоп за недела ,25.октомври 2020 година. 

Шкорпија 24.10-22.11.

Љубов

Ќе се обидете уште повеќе да се зближите со личноста што ја сакате. Во тоа ќе ви помогне вашиот внатрешен глас , како и сексот.

Кариера

Многумина за време на работењето ќе осмислуваат нов проект , што сеуште нема конкретни темели. Сепак , идејата ќе биде многу јасна.

Здравје и совет

Ќе ги видите работите во целост.

Стрелец 23.11.-21.12.

Љубов

Во љубовните прашања нека ве води вашата интуиција. Со нејзина помош се ќе биде подобро и полесно.

Кариера

Во работите каде што постои слободна размена на идеи , денеска би можеле да бидете брилијантни. Сите познати дејности ќе ви бидат здодевни.

Здравје и совет

Најдете златна средина.

Јарец 22.12.-20.1.

Љубов

Ќе ви недостига емотивно исполнување , но и сензационализам со кој обично ги пополнувате празнините.

Кариера

Во работењето со младите , ќе измислите нови идеи , кои целата работа ќе ја поместат чекор напред.

Здравје и совет

Помогнете им на послабите.

Водолија 21.1.-19.2.

Љубов

Она што сте го кажале , ќе има позитивно влијание. Партнерот ќе размислува за реалноста , а вие ќе бидете позадоволни.

Кариера

Ќе одработите она што мора да се сработи и тоа што можете побргу. По тоа ќе им се посветите на другите луѓе.

Здравје и совет

Излезете во природа на свеж воздух.

Риби 20.2.- 20.3.

Љубов

Кога би ги собрале сите ваши љубовни сништа , ќе увидите дека во последно време само сонувате. Спуштете се на земја.

Кариера

Климањето со глава не може никому да му користи, но ниту покренуваљње револуција не е најдобро решение. Треба да се размисли.

Здравје и совет

Успех со алтернартивните терапии.

Овен 21.3-20.4.

Љубов

Својата среќа во личниот живот ќе ја споделите со блиските луѓе. Можно е да повикате гости кои ги сакате.

Кариера

Што и да работите , денеска без грижа ќе може да се потпрете на некои колеги , како и тие на вас . Ви претстои убава соработка.

Здравје и совет

Вежбајте правилно дишење.

Бик 21.4- 20.5.

Љубов

Фазата на уживање во љубовта ќе продолжи и денеска . Имате речиси се што можете да посакате.

Кариера

Одличен ден за сите дејности во кои се бара поврзаност со луѓето и смисол за убаво. Се се одвива се подобро и подобро.

Здравје и совет

Кашлица.

Близнаци 21.5.-21.6.

Љубов

На повеќето љубовни настани вие ќе иамте некаква забелешка. Обидете се работите да ги гледате помалку строго и опуштете се.

Кариера

Нема ништо да се придвижи доколку само чекате. Треба да се покажете , да зсе јавите , да се претставите.

Здравје и совет

Некои ќе имаат преодна настинка.

Рак 22.6-22.7.

Љубов

Доколку сте решиле да бидете пољубезни , тоа нека биде искрено. Секоја измама ќе ве носи чекор наназад во односите со саканата личност.

Кариера

Доколку го проанализирате она што сте го сработиле , можете да бидете сосема задоволни. барем работата ви оди од рака.

Здравје и совет

Бидете трпеливи.

Лав 23.7-22.8.

Љубов

Ќе мора малку да се помачите за да освоите нечие срце. Доколку тоа ви е премногу тешко , почекајте.

Кариера

Можни се финансиски издатоци на кои не сте сметале. Немојте многу да се грижите , зашто се ќе се врати на друга страна.

Здравје и совет

Бидете поконкретни.

Девица 23.8.-23.9.

Љубов

Малите внатрешни превирања нема да ја загрозат вашата стабилна врска. Оние кои се сами , нека не се откажуваат од додворувања.

Кариера

Денешните финансиски планови би можеле да ја нарушат соработката со младите колеги на работното место. Најдете компромис.

Здравје и совет

Внимавајте на сопствената грубост.

Вага 24.9.-23.10.

Љубов

Оние кои успеале да воспостават поотворен контакт со лицата од работното место , денеска би можеле да ги повикаат на забава.

Кариера

Работата ќе ја одработите како зомби, а потоа ќе живнете и ќе се занимавате со спорт , забава , пријатели и љубов.

Здравје и совет

Можете да се опуштите.

РОЈТЕРС: Ердоган за Макрон - му треба лекарска помош за менталното здравје

Франција денес го повлече својот амбасадор во Турција, откако турскиот претседател Таип Ердоган рече дека на неговиот колега Емануел Макрон му е потребна психичка помош поради неговиот однос кон муслиманите.

„Бесот и навредата не се метод“, велат од канцеларијата на Макрон.

Францускиот лидер овој месец му објави војна на „исламистичкиот сепаратизам“, за кој верува дека е се поприсутен во некои муслимански заедници во Франција.

Франција е потресена од обезглавувањето на наставникот од страна на радикалниот исламист, кој сакал да се одмазди затоа што наставнкот покажувал карикатури од пророкот Мухамед на час за слобода на изразување.

.„Каков проблем има личноста наречена Макрон со муслиманите и исламот? На Макрон му треба третман на ментално ниво “, рече Ердоган во говорот во централниот турски град Кајсери.

„Што друго може да се каже за шефот на држава кој не ја разбира слободата на верување и кој се однесува на овој начин кон милиони луѓе што живеат во неговата земја и кои се членови на друга вера?“ Додаде Ердоган.

Турција и Франција се членки на НАТО, но имаа несогласувања околу прашањата меѓу кои Сирија и Либија, поморската јурисдикција во источниот Медитеран и конфликтот во Нагорно Карабах.

„Франција ги собра своите европски партнери, кои ја подржуваат во барањето Турција да запре со своите опасни авантури во Средоземното море и во регионот“, се вели во соопштението од канцеларијата на Макрон.

Ердоган има рок од два месеци да одговори или да се соочи со мерки, се додава во соопштението, истакнувајќи го отсуството на сочувство од турскиот водач по смртта на наставникот по историја минатата недела.

Турскиот претседател исто така рече на 6 октомври дека коментарите на Макрон за исламистичките закани се „јасна провокација“ и покажуваат „неискреност“, пишува „РОЈТЕРС“.

Нивес Целзиус: Сакам фраери кои се бават со спорт

„Спортски тип сум, сакам спортска облека и фраери кои се бават со спорт.“

Нивес Целзиоус (38) уште еднаш ги воодушеви фановите на социјалните мрежи. Овој пат позираше во спортско издание.

-Спортски тип сум, сакам спортска облека и фраери кои се бават со спорт, напиша таа во описот на објавата која за краток временски период собра повеќе од 19.000 лајкови.

притисни ентер