Безбедноста на затворите се префрла во раце на интервентна затворска единица. Македонските затвори се преполни со затвореници од висок ризик и за таа цел е формирана интервентна единица составена од затворски полицајци подготвени да се справат со безбедносните ризици. Првиот човек на управата за извршување сакнцкии Александар Пандов вели дека причина за дефицит на затворската полиција е тоа што полицајците ги напуштале работните места токму од безбедносни причини и уверува дека сега таа пракса ќе биде прекината.

„И во моментот во Македонските затвори, има затвореници, не од висок -од многу висок ризик, а најавата е дека и во идниот период ќе додјат нови такви затвореници. Не велам дека затворската полиција не е обучена да се справува со нив, меѓу тоа верувајте се работи за многу опасни луѓе. Од друга страна оваа група на луѓе е подготвена да работи со нив, со тоа што бројката на тие момци е релативно мала и планирам да ја триплирам таа бројка ако можам. Според мене тие ќе бидат главниот столб за справување со таков тип на затвореници кои пак претставуваат жаришта и ги прават најголемите проблеми во Македонските затвори.“

Оценката е дека недостасуваат главно околу 450 вработени во македонските затвори, 300 затворски полицајци како и персонал во правниот дел, финансии, во човечки ресурси и деловите на затворите за ресоцијализација. Пандов реагира дека затворската полиција нема униформи, ниту основни ресурси за работа, е не се задолжени ниту со оружје. Тој најави дека од 7 до 10 октомври во Македонија ќе се состанат со претставници на Европскиот Комитет за превенција од тортура со цел да се деблокираат средствата за втората фаза односно изградба и пуштање во функција на современо притворско и затворено одделение во затворот „Идризово“. Со цел да се заштедат средства, неопходно е и да се стави во полна функција современата судница во склоп на КПУ „Идризово“, вели Пандов.

„Сѐ ќе направиме да ги увериме и да ги одмрзнат средствата за веќе на почеток на следната година да распишеме тендер и сум оптимист дека до крајот на мандатот ќе биде изградена втората фаза. Се работи за специфични објекти кои што не може да се изградат за неколку месеци, тоа е меѓународен тендер и меѓународни компании се способни да изградат таков тип на градби.“

Според директорот на Управата за извршување на санкции, работното ангажирање е најдобриот начин за ресоцијализација на затворениците. Само во мал број на затворите има фарми каде одреден број затвореници се ангажирани, а најголем дел од земјиштата стојат неискористени. Тој најави веќе се координира со директорите и нивните заменици да го зголемат работното ангажирање на затворениците, бидејќи од околу 2400 лица, само 100-тина се работно ангажирани. Пандов рече дека ќе иницира измени во делови на законот за извршување на санкции, со цел да се подобрат состобите во затворите, а затворениците полесно да ја мунуваат ресоцијализацијата. Како пример ги посочи Франција и Грција дека во тамошните затвори за три дена работа, се добива два дена намалување на затоврската казна, доколку затвореникот одбие работно да биде ангажиран- да нема никакви погодности.

За лошата слика во затворите сведочи и фактот дека околу 200 затвореници се евидентирани дека се во бегство. Последно двајца осуденици едниот на 33, другиот на 274-годиншна возраст барани со потерница беа вратени во Идризово за доиздржување на казните. Пред една година беа откриени два тунела кои сведочеа за планирано филмско бегство на непознат број затвореници од најголемиот македонски затвор.