Со бесплатни прегледи, Институтот за јавно здравје го одбележува Светскиот ден на срцето

Со акција за бесплатни прегледи за проверка на шеќер во крвта, холестерол и крвен притисок, Институтот за јавно здравје во Градскиот парк во Скопје денеска го одбележува Светскиот ден на срцето - 29 септември. 

Министерот за здравство, Фатмир Меџити, на настанот изјави дека Денот на срцето претставува аларм за будење на колективна свест во правец на превенција на сите ризик фактори кои зависат од поединецот.

- Годинава под мотото „Користи го срцето и знај повеќе за срцето“, упатуваме јасна порака дека најдобро се чува она што добро се познава. Со ова апелираме будно следење и контрола на сите ризик фактори како покачен крвен притисок, дијабет, обезност и друго, за популацијата афектирана од овие состојби, а за останатите редовни прегледи со цел навремена дијагноза, потенцираше министерот.

Како совети ги издвои прекин на пушењето и други нездрави наивки, воведување здрав режим во скојдневната исхрана, како и спортска активност.

- Возрасната група над 65 години е сѐ уште највулнерабилна и најзасегната од кардиоваскуларните заболувања. Но, 20 проценти ѝ припаѓаат и на помладата популација. Затоа, апелираме добро да си го знаете срцето и свесно и активно да ни помогнете во нашата дејност, рече Меџити.

Проф. Д-р, Елена Ќосевска од Институтот за јавно здравје изјави дека Институтот го одбележува овој ден за да се подигне свеста кај граѓаните да водат здрав стил и да се грижат за своето здравје.

- Направена е акција со соработка со Детскиот културен центар Карпош и Градинката „13 Ноември“. Сакавме да постигнеме подигање на свеста уште од мали нозе кај децата, да знаат што значи овошје, што зеленчук и да се грижат за своето здравје, рече таа, појаснувајќи дека во 2022 година имало девет случаи на починати млади луѓе од срце.

Џулијана Михајловска, специјалист и докринолог на болницата Жан Митрев, изјави дека оваа акција ја поддржуваат со организирање бесплатни кардиолошки прегледи.

- Во текот на вчерашниот ден тие беа во сите здравствени организации во Битола, Струмица и Скопје. Денеска учествуваме во акцијата за подигнување на свеста на граѓаните за намалување на ризик факторите, а со тоа и намалување на компликациите на кардиоваскуларните заболувања, изјави таа.

Др. Ана Челикиќ, од Универзитетската Клиника за кардиологија потенцираше дека секојдневно работат на рано откривање на пациентите кои се со кардиоваскуларни болести. Појасни дека го користеле Европскиот спорт систем кој го одредува десетгодишниот ризик од фатален кардиоваскуларен настан.

- Со одредување на високиот крвен притисок, холестеролот, полот, возраста и дишењето како ризик фактор, се одредува бројот кој на пациентите им е од неизмерна важност, а нам ќе ни овозможи следење навремено и првенствено следење и унапредување на квалитетот на животот на нашите пациенти, рече таа.

Ужас во Германија: Ментално болен ученик со нож и ножици избодел соученици во гимназија (ВИДЕО)

Неколку ученици се повредени во гимназија во германскиот град Вупертал кога соученик ги нападнал со нож и ножици, јавија германските медиуми.

Полицијата го уапсила осомничениот кој, според извештаите, си нанел повеќе убодни рани во градниот кош, пренесува TagesSchau.

Се наведува дека во нападот се повредени пет ученици, од кои некои потешко.

Според полицијата, осомничениот е уапсен, а објектот на гимназијата бил детално претресен во потрага по можни соучесници.

Според наставничка која била во училишната зграда, напаѓачот употребил нож и ножици.

"Тоа беше ненадеен, ненадеен напад. Ги нападна учениците околу себе, дури и пријателите, а на крајот се прободе четири пати во градите. Еден колега го совлада", вели наставникот, кој не бил очевидец на нападот, но прв дошол на помош на жртвите.

„Тогаш бевме заклучени и сега сме во банка и чекаме да се провери зградата на гимназијата“, додаде таа.

Сите ученици во зградата на банката во близина на гимназијата, каде што биле префрлени откако се евакуирани од училиштето, сега се пребројани и родителите групно ги носат децата, почнувајќи од оние кои се од пониските класови.

Како што потврди полицијата, сторителот е 17-годишен средношколец.

Заднината на злосторството се уште е целосно нејасна, а германските медиуми јавија дека напаѓачот е момче со психички проблеми.

Пендаровски се сретна со маратонецот Дарио Ивановски

Претседателот Стево Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија.

Пендаровски денеска во градскиот парк во Скопје се сретна со маратонецот Дарио Ивановски кој пред неколку дена постави нов македонски рекорд на маратонот во Севиља, Шпанија, како и со неговиот тренер и менаџер, Игор Јакимовски и атлетичарот Жан Тосев.

Претседателот Пендаровски му честиташе на Ивановски за извонредниот резултат и постигнатиот успех, со кој ја исполни нормата и ќе трча во дисциплината полумаратон на Европското првенство во атлетика во Рим кое ќе се одржи од 7 до 12 јуни годинава.

Ивановски го запозна претседателот Пендаровски со текот на неговите подготовки во пресрет на настапот на претстојното Европско првенство, како и за можноста во Рим да обезбеди норма за настап и на годинашните летни Олимписки игри во Париз.

Посочувајќи дека успесите на македонските спортисти претставуваат голема гордост за целата нација, претседателот Пендаровски на Дарио Ивановски му посака успех во натамошната кариера и порача дека со упорност, желба и силна волја, може да се совладаат и најголемите предизвици.

Дарио Ивановски ја истрча маратонската трка во Севиља за 2 часа 8 минути и 25 секунди што претставува нов државен рекорд, подобрувајќи го и својот досегашен рекорд за 3 и пол минути. Со овој резултат, Ивановски се доближи на само 15 секунди до олимписката норма од 2 часа 8 минути и 10 секунди и се искачи високо на светската ранг листа преку која може да обезбеди учество на Олимпијадата во Париз, се наведува во соопштението.

ВРЕДИ: Али Ахмети се исплаши од Таравари, Бујар Османи оди курбан

Изјавата на Ахмети за "големата вест" потврдува најмалку две работи. 

Првата, дека ДУИ е безидејна партија која со предлози извадени од нафталин покажува целосна немоќ да ги претставува Албанците на највисоко политичко ниво. Крајно понижувачки за митот за Али Ахмети е да излегува со вакви бајати тези само за да конкурира на предлогот на кандидатот на здружената албанска опозиција др. Арбен Таравари во иднина изборот на шефот на државата да се прави во Собрание.

Втората, дека сеуште живеат во филмот дека имаат монопол на принципите за стратешкото партнерство во ЕУ и САД. Наместо да се мачат како да објаснат зошто Али Ахмети се плаши да излезе на изборен мегдан, и затоа ќе го жртвуваат Бујар Османи, нека излезат од теснопартиските интереси и нека го подржат Арбен Таравари за прв претседател Албанец.

Логично се поставува прашањето: зошто ДУИ сака да го подели гласот на албанците? На кого му служи Али Ахмети со овој потег?

Коалицијата “Вреди” не се бори за утешни награди туку за чесна и реална улога на Албанците во политичкиот живот. Ахмети ако веќе не е способен да се бори за интересите на Албанскиот народ, чесно е да замине во политичка пензија, изјави на прес конференција Фари Хисени, од Коалицијата ВРЕДИ.

притисни ентер