Сменет е романскиот министер за здравство, поради лошото управување со епидемијата

Романскиот премиер Флорин Циту го отпушти министерот за здравство затоа што сака да ја зајакне довербата во државните институции, бидејќи земјата се обидува да ја задуши епидемијата.

Министерот за здравство Влад Воикулеску е сменет од функција, прва голема промена во владејачката коалиција од изборите во декември, кога владата е формирана од либералите на Циту, централно-десничарскиот блок УСР-плус, кој го поддржува министерот и етничката унгарска партија УДМР .

Овие три групи имаат околу 56 проценти од гласовите во парламентот, но повеќето од нив зависат од согласноста на лидерите на партиите за важни прашања.

„Со цел успешно да се бориме против пандемијата, секогаш велев дека ни треба доверба во државните институции“, рече Циту по смената на Воикулеску.

„За да трае довербата во државните институции, решив да го сменам човекот на чело на Министерството за здравство. Силно верувам во владејачката коалиција“, рече Циту без повеќе детали.

Воикулеску, 37-годишен економист, вети дека ќе го направи потранспарентно функционирањето на здравствената заштита и јавните болници, но наиде на критики од политичарите и политички назначените директори на болниците.

Воикулеску започнал да вработува нови луѓе на чело на агенциите за здравствено осигурување кои надгледуваат милијарди евра за здравствена заштита. Многумина биле избрани според политичка припадност, велат критичарите.

Здравствената инфраструктура на Романија е најмалку развиена во Европската унија. Еден од четворица Романци нема доволен пристап до основните здравствени услуги, а десетици илјади лекари и медицински сестри побарале подобро платена работа во странство.

Циту рече дека должноста министер за здравство ќе ја преземе вицепремиерот и лидер на УСР-плус, Дан Барнар.

Воикулеску сè уште не го коментирал неговото разрешување, што пратениците на УСР-Плус го нарекоа агресивен чин.Владината седница закажана за денеска, е одложена.

Два пожари и неисправни респиратори во кавид болниците во ноември, јануари и нешто порано оваа недела се причина за смрт или повреда на десетици пациенти, пишува Ројтерс.

Околу 13.360 случаи со ковид-19 се во болниците низ Романија, од кои 1.521 во единиците за интензивна нега. Романија пријавила 1,01 милиони случаи и 25.605 смртни случаи од коронавирус.

Џеј Ло во секси поза, чија е раката на нејзиниот задник? (ФОТО)

Додека има гласини за наводно помирување на поранешната двојка, Џенифер Лопез и Бен Афлек, Лопез реши да ги игнорира сите гласини и да се посвети на работата.

Таа снима во Мајами, а нејзиниот стилист Роб Зангарди објави фотографии од Џеј Ло во предизвикувачка модна комбинација. Носи црвен фустан со длабок шлиц и наметка.

Модната комбинација ја надополнила со големи обетки и неутрална шминка.

„Тој сјај на Џеј Ло“, напишал стилистот покрај фотографијата.

Освен што нејзините обожаватели делат комплименти, тие забележале и нечија рака на нејзиниот задник.

„Ова е најсексипилното нешто што некогаш сум го видела“, „Каде можам да се пријавам за да работам со тебе?“, „Кој е среќникот што ти го држи задникот?“, „Кралица“, се само некои од коментарите.

Имено, човекот на фотографијата е шминкерот Скот Барнс.

Ги имитира топлес позите на Ирина Шајк, па доби повеќе лајкови (ВИДЕО)

Снимката со Ирина Шајк, во кое ги покрива градите со раце, на Инстаграм ја погледнале 1,5 милиони луѓе, но пародијата на австралиската комичарка собрала дури 800 000 прегледи, и тоа за три дена помалку.

Селест Барбер се прославила со ироничните и смешни имитации на совршени, често нереални фотографии од познати личности, а последна на удар беше 35-годишна руска манекенка.

„Буахахааха“, „Ме убиваш секој пат“, „Умирам од смеа“, се само некои од реакциите, кои се прилично чести кога станува збор за нејзините имитации, на кои таа ја изгради својата слава на Инстаграм.

Имено, 7,9 милиони луѓе ја следат на таа социјална мрежа.

Кинески ровер ноќеска ќе се обиде да слета на Марс

Кина треба да се обиде да го спушти својот прв ровер на Марс вечерва околу 1 часот по полноќ. Станува збор за многу ризичен потфат што успешно го постигнале само половина од леталата што стигнале до Црвената планета.

Слетувањето е предвидено за сабота во 1 часот по полноќ, иако засега Кинеската национална вселенска агенција (ЦНСА) сè уште официјално не го потврдила тоа.

Планирана е мисијата наречена Тијанвен-1 (Прашања до рајот) во две фази. Првата фаза, испраќањето на леталото во орбитата на Марс, беше успешно завршена. За време на втората, кинеското вселенско летало би требало да спушти орбитер и ровер на Марс.

Тијанвен-1 се состои од три компоненти: орбитер, летало и роботско возило, а масата на целото вселенско летало е околу 5 тони. Ќе се обиде да слета на копно со роверот на површината, додека орбитерот ќе продолжи да кружи околу Црвената планета.

Роверот со соларен погон е тежок 240 килограми, а по слетувањето три месеци ќе бара биомолекули и други знаци на живот, по што неговата мисија завршува. Орбитерот, пак, треба да кружи околу Марс уште две години.

Роверот наликува на роверите на НАСА 2000 Спирит и Опортјунити, а се напојува со соларни панели.

Кога станува збор за истражување на Црвената планета, досегашната статистика е добро позната - скоро половина од сите претходни обиди не успеале. Првиот обид на Кина да испрати сателит „Јингхуо-1“ на Марс пропаднал бидејќи нејзиниот руски носач престанал да работи и се урна во Тихиот океан.

Доколку Тјанвен-1 безбедно слета на тлото на Црвената планета, тоа ќе биде првото слетување на Марс во последните неколку децении, што не било извршено од НАСА. Иако Советскиот сојуз го спушти леталото на површината на Марс во 1971 година, тоа престанало да работи 110 секунди по слетувањето, по што е изгубен контакт со него. Досега само САД успеале да слетаат на Црвената планета, осум пати од 1976 година.

Повеќе од половина од леталата што требало да ја допрат земјата на Марс или експлодирале, или изгореле, или се скршиле на површината.

Во случај мисијата да успее, Кина ќе стане трета земја во светот која успешно ќе слета на површината на планетата или втора чиј ровер детално ја истражува оваа далечна планета.

притисни ентер