Следува ли сериозна борба против корупцијата?

Македонија се почесто добива критики од своите партнери и пријатели за големиот проблем со корупцијата. 

Судскиот совет утре ќе избира нов претседател. Ова доаѓа по оставката на досегашната претседателка на највиското судското тело, Павлина Црвенковска, која во вторникот изјави против неа започнала медимска хајка бидјеќи таа не одговарала на група од судска – бизнис елита. Црвенковска останува да биде член на Судскиот совет.

Судијата Лазар Нанев во неделното интервју за Радио Слободна Европа рече самиот чин на Црвенковска покажува дека има сериозни проблеми во целокупниот правосдуен систем. Иако постојано се говори дека во судството има политички влијанија, според него, правосудната фела нема црвена линија на саморегулација и заштита на независноста на судството.

Нанев вели дека лично не е задоволен од фунцкионирањето на правосудството, особено во делот на ефикасноста и ажурноста. Долгото трање на судските постапки, лошиот пристап до правдата, неажурноста – причина за тоа.

„Секое долготрајност на постпаката со траење повеќе од една година, создава сериозни сомнежи во јавноста дека нешто во позадина се случува. Меѓутоа, причините за едно такво однесување и за долготрајна постапка, не секогаш треба да се бараат само во судството. Тука се и странките во постапката, односно квалитетот на јавнообвинителските одлуки, пред сè мислам на обвиненијата кои се поднесуваат од страна на јавните обвинители и местото и улогата на бранителот во постапката, меѓтуоа, посебно во последно време на случаите кои во последно време се актуелни и се однесуваат на организираниот криминал“, вели судијата Нанев.

И додека правосудството се соочува со лоша слика за начинот на работењето, министерот за надворешни работи Бујар Османи кој доаѓа од редовите на ДУИ со повик – наредните години да се работи на расчистување на коруцпијата на сите нивоа. Според шефот на дипломатијата, државата ги реши сите егзистенцијални прашања, внатрешно се консолидираше за функционална мултиетничка демократија и меѓуетнички односи, ги среди односите со соседите, па останвуа уште борбата против корупцијата.

„И затоа ова е заедничка определба помеѓу нас и САД за засилена антикорупцика политика во државата и ние апсолутно ги поддржуваме тие ставови на САД и очекуваме сериозна поддршка. Токму еден од мотивите за почнување на стратешкиот дијалог со САД беше нивно вклучување во атикорпциските полтики и овде. Тоа беше во услови кога не знаевме дали ќе ги почнеме преговорите. Сега веќе имаме два големи инструменти за следење на антикорупциските политики“, рече Османи на брифингот со новинарите.

Премиерот Димитар Ковачевски и амбасадорката на САД во земјава, Анџела Агелер го делат истиот став за борбата против корупцијата. И двајцата се согласуваат дека корупцијата го кочи напредокот на земјава. Неодамна специјалниот претставник за Западен Балкан, Габриел Ескобар рече дека САД ќе воведат дополнителни чекори за да ги санкционираат корумпираните официјални лица од Балканот и да се тргнат од одговорните позиции.

Милков: Скопје има одговорност да ја осигура безбедноста на сите присутни на 4-ти февруари

Освен министерот за внатрешни Демерџиев, во Скопје ќе дојде и првиот бугарски разузнавач, Пламен Тончев, најави вечерва шефот на бугарската дипломатија Милков.

Во интервју за БТВ, тој ја повика Македонија да обезбеди мирно чествување на 4-ти февруари.

-Во Скопје заминуваат министерот за внатрешни Иван Демерџиев и директорот на ДАНС, Пламен Тончев, кои ќе зборуваат за практичните чекори кои треба да се преземат, пред се, за чествувањето на 4-ти февруари. Македонија има одговорност да ги организира тие чествувања, на начин, да бидат зачувани мирот и безбедноста на сите учесници, вели Милков.

- Ние би биле задоволни доколку тие ни дадат информации, кои ние ги немаме, а се однесуваат на поврзаност на бугарски политичари со тајни служби, додава тој.

Санкционирани 109 возачи на територијата на СВР Тетово

Санкционирани се 109 возачи на територијата на СВР Тетово при денешната акциска контрола, информираат од Министерството за внатрешни работи.

– Во периодот од 11 до 17 часот, Секторот за сообраќајни работи и Мобилната единица за безбедност на сообраќајот на патиштата, спроведоа акциска контрола на територијата на СВР Тетово за санкционирање на возачи кои не ги почитуваат сообраќајните правила и прописи. При контролата санкционирани се 109 возачи. Од нив, 22 за возење без возачка дозвола, 44 за непрописно вградени фолии – затемнети стакла, шест за истечена важност на регистрација и осум мерки кон возачи кои вршат јавен превоз на патници. На сите прекршители изготвени им се соодветни поднесоци, се појаснува во соопштението на МВР.

Оттаму наведуваат дека сообраќајните контроли продолжуваат и во наредните денови.

Во соопштението се апелира до сите учесници во сообраќајот да ги почитуваат сообраќајните правила и прописи и заеднички да се придонесе за побезбедни патишта.

Папата ги повика Израелците и Палестинците на дијалог во потрага по мир

Папата Франциско ги повика Израел и Палестинците на дијалог во потрага по мир и го осуди неодамнешното насилство во регионот.

По неделната молитва во Рим, Папата рече дека е длабоко тажен поради веста за убиените Палестинци во израелските антитерористички операции и смртта на израелските Евреи во нападот на синагога во петокот.

„Со голема болка ги слушам вестите што доаѓаат од Светата земја. Спиралата на смртта, која расте секој ден, ја убива малата доверба што постои меѓу овие два народи“, рече тој.

„Ги повикувам двете влади и меѓународната заедница и барам од нив веднаш, без губење време, да најдат други начини, кои вклучуваат дијалог и искрена потрага по мир“, додаде Папата.

Израелскиот премиер Бенјамин Нетанјаху вети силен, брз и прецизен одговор на нападот на синагога во предградијата на Ерусалим, а израелската армија испрати уште војници на окупираниот Западен Брег.

Нападот во Ерусалим следи по израелската воена операција во градот Џенин на Западниот Брег во четвртокот, во која загинаа девет Палестинци, вклучително и седум вооружени лица, и прекуграничниот оган меѓу Израел и Газа во петокот. Најмалку 30 Палестинци, милитанти и цивили, се убиени на Западниот Брег од почетокот на јануари.

притисни ентер