Македонија

Сите вработени со месечни примања до 15 илјади денари ќе добијат ваучер од 100 евра

Сите вработени со месечни примања до 15 илјади денари ќе добијат ваучер за туризам од 100 евра, информираше министерот за економија Крешник Бектеши.

Ваучерот ќе може да се искористи од 15ти јули до крајот на годината. Опфатени се граѓаните на кои од јануари до април годинава месечените примања им биле до 15 илјади денари.

Што значи дека во едно семејство доколку еден од сопружниците зема поголема плата од 15 илјади денари, тоа не значи дека на другиот нема да му следува ваучер.

На овој начин Владата ќе го поттикнува домашниот туризам. Со овие пари - сместување ќе може да се плаќа и во приватните сместувања како и во места кои издаваат соби. Граѓаните ќе треба само да го прикажат ваучерот, а потоа економија ќе ги исплати парите за сместување.

Министерството ќе изработи веб страна на која граѓаните ќе може да видат на кои места ќе може да го искористат ваучерот. Веб страната ќе биде достапна за две недели.

Според Уредбата, ако сместувањето чини повеќе од 6 илјади денари, граѓанинот сам ќе си ја доплати разликата. Исто така ваучерот е само за една употреба.

Ваучерите, како и упатството за употреба, на граѓаните ќе им бидат доставени преку меил. Бектеши ги повика сите граѓани кои до крајот на следната недела нема да добијат ваков меил, а влегуваат во оваа категорија граѓани да се обратат во министерството.

Според пресметките опфатени ќе бидат околу 100 000 илјади граѓани, на нив им следуваат и 50 евра платежна картичка со која ќе може да купуваат домашни производи.

Свет

Украина соопшти дека во руските напади во областа Днепропетровск загинале најмалку осум лица

Во големиот руски ракетен напад врз централниот дел на регионот Днепропетровск загинаа најмалку осум лица, 21 лице се повредени и оштетена е инфраструктурата, соопштија утринава локалните власти.

Украинскиот претседател Володимир Зеленски рече дека во нападот се оштетени неколку ката од станбена зграда и железничка станица во регионалната престолнина Днепар, уште еднаш повикувајќи на дополнителни средства за противвоздушна одбрана.

„Русија мора да биде одговорна за својот терор и секој проектил, секој Шахед мора да биде соборен. Светот може да го гарантира тоа, а нашите партнери ги имаат потребните способности, рече Зеленски.

Украинските железници во државна сопственост соопштија дека рускиот напад намерно била насочен кон нејзината инфраструктура во регионот, при што биле повредени работници. Компанијата ја затвори својата станица во Днепар и ги пренасочи возовите што требаше да поминуваат низ градот. /МИА

Живот

„Најубава станбена зграда во светот“ се наоѓа во Хрватска

На наградите за архитектура „Биг си“ (Big See), зграда во Кутина, Хрватска, го доби престижното признание „Најубава станбена зграда во светот“ - од сите регистрирани во 2024 година.

Објектот е изграден во 2021 година, а вкупната негова квадратура е 1.969 квадратни метри. Главен белег на поголемите апартмани се кујните на предната страна, коишто може да се користат како трпезарии. Становите се прилично светли и имаат нетипично богат просторен стандард за современото домување, се наведува во описот.

Приземјето е малку повисоко од станбените катови и е целосно застаклено, поделено со врати, што му дава достоинство на јавен простор. На истото приземје, има и пекара и кафуле споени едно до друго.

Фото: БИГ СИ

Свет

Во Баварија уапсени двајца руски шпиони

Федералните обвинители уапсија вчера двајца осомничени руски шпиони во Баварија под сомнение дека шпионирале и планирале напади врз воени цели за да ја поткопаат поддршката за Украина, пишува денеска „Еурактив“.

Двајцата мажи се осомничени дека работеле за странска разузнавачка служба во „особено тежок случај“, соопшти обвинителството. Едниот е обвинет и за планирање на напади, пред се против воена инфраструктура и индустриски капацитети во Германија.

- Нашите безбедносни власти спречија можни експлозивни напади за да ја поткопаат нашата воена помош за Украина. Ова е сериозен случај на сомнителна активност на агент на криминалниот режим на Путин, изјави за новинарите министерката за внатрешни работи Ненси Фезер.

Според обвинителството, главниот обвинет бил во контакт со лице поврзано со руската тајна служба од октомври 2023 година.

Двајцата мажи, исто така, се вели дека извидувале неколку потенцијални цели, вклучително и американски бази, каде што собирале информации поврзани со нападот. /МИА

притисни ентер